Odheea 7:13 - Wëël Jwøk

¹³ Otïmö ni leth jïge, kiper mana paanyge rege buuta! Ränynyö oen bäätge kiper mana gëëmge ki aani! Gena manynya ki man piema geni, 'ba gena tïmö ni ge cara tööt kipera.

Odheea 7:13 Iomraidhean Croise

Neemiya 1:10

«'Ba ennø, jøøgø beege jiyï, ni gena jiy moï na piemï ki køør teek badï na dwøŋ.

Jööp 22:17

Kiper gena köö jï Jwøk, ni ‹Wec wa keerwa! ?Aŋø, agïnaŋø ni løny jï Jwøa en teeki jïre ki man tïïc gø dëëtwa?›

Aydheea 30:1

Wuuö Jwøk aköö, no «Otïmö ni leth jï obwöre moa wïthge teek, jø wø cïp piny ka acaare ni tïïcge gø, ni patha ki køør mana manynya, ni wø tudö ki luup, ni patha ki køør Jwïëy 'moa, ni ge meeda raay bäät raay moge møga.

Aydheea 30:2

Gena kweer ki man pëënyge aani, ni cige Ijep nee göökge ri Peerø nyeny Ijep nee ge køny, nee Ijep tïme na tïpö bäätge man gwøk geni.

Aydheea 31:1

Wui, otïmö ni leth jï jø oci Ijep kiper køny, ni beege jø wø kïth ŋäädhe marge bäät okwëënyi, ni wø ŋääth thööth mar jïëth leny mo wø tut okwëënyi, ni wø ŋääth teek mar jø leny mo wø këëdi ki bäät okwëënyi; 'ba geni, ge kär göök ri Jwø Icriel na en kur keere, ni kärge eni manynyø, eni na Wuuö Jwøk.

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 59:13

ni beege tïïc gïïa reyø, ki mooŋ Wuuö Jwøk, ki løø nyïm wøk ki Jwøk marø; ka acoona mar caar jiy, ka ageem, ki car luup tööt mo wø cooŋø ki yïth cwïnynyø.

Aydheea 63:8

Kiper Wuuö Jwøk aköö, ni «Ka adïëri møn, gena jiy 'moa, ni beege obwöre mo ba løny ki man cäänge ki tööt jïra.» Kiper manøgønø, Wuuö Jwøk atïmö na pïëmi marge.

Jeremaya 14:10

'Ba mana løk Wuuö Jwøki kiper jøøi ii beeye en, ena köö, ni «Jøøi ii, ge mëër ka wïïrö køør juu møøk, ni dëëtge kärge mänö ki wääth køørge. Kiper manøgønø, ge ba jïëa, a na Wuuö Jwøk, ni ennø, bääyö marge bëëdö ni ŋääa, ni jääla geni kiper raay moge.»

Jeremaya 42:20

Kiper uuni dëëtu acøøgu keeru; beeye uuni na jääŋ aani baŋ Wuuö Jwøk, Jwøk maru, ni kööu, ni ‹Lämï kiperwa jï Wuuö Jwøk, Jwøk marø, 'ba gïno caan Wuuö Jwøki, Jwøk marø, wär caanï jïwa; køøre tïïcwa tïïö.›

Jeremaya 51:9

«'Ba jiy okööi, na ‹Apäärø ki man kønyø Babiløn, 'ba ŋwiili moa pïï dëëre ba løny ki køny këët. Wiiø eni, ni ö ŋati man nø dïïø ni aa poge, kiper ajäla mar Babiløn dwøŋ døc noo këët maal, noo këët maal nyeŋ pøøl.

Jeremaya 7:15

Ni riemma uuni buuta kaawat mana riemma nyïïmëëgu ma nyïïkwaac Ipariem.› » Luummögø caana Wuuö Jwøki.

Wëël Kïmmö 5:16

Aduda apäth piny ki wïthwa. Wui, atïmö ni leth jïwa, kiper raay moa tïïcwa!

Edhikiel 16:23

« ‹'Ba a na Kwäärö Wuuö Jwøk, a cäänna ïïni, «Otïmö ni leth kiperï! Otïmö ni leth jïrï!» Japa reyø bëët na tïïyï, bäätge acäŋï mëënnö ki møøk.

Edhikiel 18:2

ni «?Tiere aŋø ni wø caru aŋaada man kiper ŋööm Icriel na ennø en, «ni ‹Wëëe gena cämö ki nyïïomøki mo wac, ni tïm lak obwöre moge ni liir.›?»

Edhikiel 18:25

«'Ba kanymør u poot köö, ni ‹Jöö man tïï Kwäärö Wuuö Jwøki ki gø en ba tiir.› 'Ba ennø, wïnynyu, u na jø Icriel! ?Aŋø, jöö mara ba tiir? ?Aŋø, paa uuni na näk jïëthe mou ba tiir?

Edhikiel 34:6

Pïïth dïëk 'moa gena thääyö bäät kïte bëët, ki bäät thuuri moa bäyö bëët. Gena keethø bäät piny bäre ni bäŋ ŋat moo many geni›.

Odheea 11:12

«Jø tuuŋ Ipariem deŋŋa acielge ki tööt, ni ö jø dhi øt Icrielli ni cielge deŋŋa ki cwøk. 'Ba jø tuuŋ Juuda thuwø wïthge poot känni ki man jïëcge aani, a na Wuuö Jwøk, ni bee aani na Jwøa en kur keere na näk mare adïëri.»

Odheea 11:2

'Ba kanya cwøla ge naa manynya geni døc, aputge tïïc ni beeye man wecge aani døc. Geni, ge poot cïpö ko olämme jï juu mo wø cøøri ni Baal, ni ge wääŋö ki gïï wø jïcge ŋwääi ni met jï kït gïï wø lam.

Odheea 5:7

Gena tïmö ni ge tïïö ki riek waŋ dëër Wuuö Jwøk, ni ge nyöödö ko obwöre ma nyïïkwaalle. 'Ba geni ki pwöth moge geno ränynyi ki køør wödö man wø wøørge päär mar dwääy ki gø.

Odheea 7:1

«'Ba kany wø manynya gø nee jø Icriel kønya, ni beege jø tuuŋ Ipariem, ki pääny marge ma Cameria, raay moge ki tïïe moge moa reyø puta nëënne. Kiper ge bëëdö ka bëët tööt, ni kuuwe uudi tøcge tøyø, ni dïtwïëte bëëdö nyeŋ jïëthe ni ge twëëdö.

Odheea 7:3

Yi nyeya tïïcge tïïö ni met ki japa reyø moge, ni tïïcge yïth kwääri ni met ki tööt marge.

Odheea 9:12

'Ba ge këël doo jïtö ko obwöre, ge poot nääa nääö, këël mano tïme ni bäŋgø mo dööŋ. 'Ba otïmö ni leth kiperge kanyo wiia geni!»

Odheea 9:17

'Ba geni, ge kwier Jwøki mara kwierø, kiper gena kweer ki man cekge ïthge jï gø. 'Ba geno put bëëtö ni ge thääyö yïthakic wïth juurre.

Joona 1:10

'Ba jøøgø aput lwäyö døc, ni köge jïre, «?Aŋø, a teeŋ gïnaŋø na tïïyï en?» Kiper ŋäc jiyi ni eni reŋi ni kana ree ki Wuuö Jwøk, kiper ee nø caan jïge.

Joona 1:3

'Ba Joona aö maal nee reŋ Tarcëc ni kana ree ki Wuuö Jwøk. Køøre ena ci Jøpa ni joot baabuur mar naam mo cøøa Tarci, ni cude ki gwel ni ci yie kiper nee ci Tarci ki jøøa en yie, ni eni kana ree ki Wuuö Jwøk.

Mikiya 6:12

Jiy moa no okwär dï pääny, yïthge päŋ ki tïïc gïï mo reyø, ni jø wø bëëdö yi pääny manøgø, ge cara tööt, ni lëëpge cara luup cwøk.

Mikiya 6:4

Ka adïëri møn, ya acääŋŋe uuna käla wøk ki Ijep, ni piema uuni ni päda uuni yi bëët laŋ, ni cööra Modhe nyïmmu, eni ka Aran ki Mariyam.

Mathiew 23:37

«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Tiet Ciik 15:15

'Ba wïthu wär caarru ki mana bëëdu ni uuna laaŋe yi ŋööm Ijep, na ö Wuuö Jwøki na näk Jwøu na wïïl uuni wøk. Man beeye tiere gø ni köömma uuni ki gïn dïcäŋi en.

1 Jøøn 1:10

'Ba ni näk mo ø köö ni ø kär bääyö, ø døøya eni twöt, ni luumme ba en cwïnynyø.

Mana Nyooth 8:13

Kanyøgø aana nëënnö, ni wïnynya dwør coor mo määdö maal ni rëëdö ki dwøl mo päl, no «Oraac, oraac, oraac, jï jø oen bäät piny kiper dööt tuŋi møga moo cäŋ nyïïatwiet maalli moa na adäk koothø kawaane.»