'Ba Puul nyeny Aciria aöö nee këëde ki jø Icriel, ni ö Menaëmmi ni cïpe jï Puul ki gwet-bïrö mo peek mare beeye rumme ma kuma aciel mo røm ka rumi mana cwøl ni kikar kiper nee eni køny Puulli nee tier nyec mare këët piny ni teek.
Kanyøgønø, Eeyeth ajääk baŋ Tiglat-Pilëëcër nyeny Aciria, ni kööe, ni «Aani, aana dhaanhnhï ni näga wäädï; ö kuna kønyï aani cer nyeny Aram ki cer nyeny Icriel, ge ni këëdi ki aani en.»
Geno ööi ki Ijep kaamar weny, ni öge ki ya Aciria kaamar akuyi; ni ge ööi ni dëëtge kwanynyi. Køøre geno wëëga pïïn piny yïth mïëri moge. Luummögø caana aani, a na Wuuö Jwøk.
Jø tuuŋ Ipariem ge ŋwieya køør jamø, ni ge rïïŋö cooth køør jam wø ööi ki kur tuul-cäŋ; ni tööt ki tïïc gïï mo reyø ege kaadhø. Ni geno tudö thuwø ki luubö ki jø Aciria, ni ge jwëëga Ijep ki mädhi mo wø cam.
Nyeny Aciria wa ba kønye, wa ba eth bäät okwëëc leny këët; ni jammi moa tïïcwa ki ceŋwa ba cwølwa këët ni ‹Jwøk marwa,› kiper beeye ïïni ni wø nyooth bäth ec marï jï kïïe.»
Jiya araanynyi ki køør bäŋ kwänynyö. 'Ba kiper mana kweerru ki kwänynyö, u na dïlämme, aani thuwø, u kwiera kwierø ki man tïmu ni uuna dïlämme 'moa. Kiper mana wïl wïthu ki ciik 'moa, a na Jwøk maru, aani thuwø wïïa wïl ki nyïïkwaayu.
'Ba kanya ö jø Ipariemmi ki jø Juuda na jootge gø ni gïï mo leth opïï dëëtge, jø Ipariem nyïmge aløøge baŋ Aciria, ni jääkge baŋe, eni na nyeya mana dwøŋ kiper nee jïtge ki køny. 'Ba ba løny jï nyeny Aciria ki man køny ge ki gïïa leth na en bäätge.
Gena män tïïe moge na reyø ki man duuge baŋ Jwøk marge. 'Ba kiper mana näk yïth cwïnyge päŋ ki jwïëc käp, gena put tïmö ni bäŋ kwänynyö man ŋäcge Wuuö Jwøk ki gø.
Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.
Uuni, u këël doo päär wøk nou ŋwieya ränynyö, u mak jø Ijepi maa ni gwaarge uuni, ni ö jø Mempici ni putge uuni 'näk ni koonyge uuni. Japa perge leth moa näk tïïc ka gwel-bïrö, bäätge tuy ko oŋöön; ni ö yïth oduŋkaare mou ni tucge ki koodhi.
Jøøa wara bëëdö ni ïïno dwätö ki geni bëët, jiy moï oriemge nyeŋ kee; nyïïawäätï ïïno nøønge, ni kïthge ïïni tietge, ni ö jøøa wara kønyï ki cam ni cekge ïïni ka abïëp mo tiere ba kwanyï.»