Odheea 7:1 - Wëël Jwøk

¹ «'Ba kany wø manynya gø nee jø Icriel kønya, ni beege jø tuuŋ Ipariem, ki pääny marge ma Cameria, raay moge ki tïïe moge moa reyø puta nëënne. Kiper ge bëëdö ka bëët tööt, ni kuuwe uudi tøcge tøyø, ni dïtwïëte bëëdö nyeŋ jïëthe ni ge twëëdö.

Odheea 7:1 Iomraidhean Croise

Aydheea 28:1

Otïmö ni leth jï Cameria, päänya näk caala adun atöör mar jø Ipariem na näk jø meerø, päänya näk ajiem mïërö mare caala wï jaath mo oŋøøk ni manynya närö, na näk ogeer bäät thuur buut gool mana ŋöömme beer na näk mar jøøa no oŋääö ki maath.

Aydheea 59:12

Kiper gïïa reyø na tïïø atïmö ni thööth døc nyïm Wuuö Jwøk, ni ö raayi moa tïïø ni jäälge øøni; bëëtö marø na raac nëënö jïïø, ni gïïa näk yøø bayø ŋääø;

Aydheea 59:13

ni beege tïïc gïïa reyø, ki mooŋ Wuuö Jwøk, ki løø nyïm wøk ki Jwøk marø; ka acoona mar caar jiy, ka ageem, ki car luup tööt mo wø cooŋø ki yïth cwïnynyø.

Aydheea 59:14

Køøre ŋøl luup ma adïëri adwøk ŋäc, ni ö bëënynyö ni cuŋŋe ni kare bäär; bëët adïëri apäth piny nyeŋ jïëthe, ni ö bëëtö mana thïïŋ ni dööŋe wøk.

Jeremaya 51:9

«'Ba jiy okööi, na ‹Apäärø ki man kønyø Babiløn, 'ba ŋwiili moa pïï dëëre ba løny ki køny këët. Wiiø eni, ni ö ŋati man nø dïïø ni aa poge, kiper ajäla mar Babiløn dwøŋ døc noo këët maal, noo këët maal nyeŋ pøøl.

Edhikiel 16:46

Coku mana dwøŋ na näk dhaagø beeye Cameria, ni beeye ni wø bëëdö ki nyïïe jï løø wï-piny ki ïïni; ni coku mana thiinh beeye Cødam, ni beeye ni wø bëëdö ki nyïïe jï løø tier-piny ki ïïni.

Edhikiel 23:4

'Ba nyïgögø, mana dwøŋ nyeŋŋe cwøl ni Ööla, ni beeye nyeŋ mo nyootha Cameria; ni ö nyeŋ maya ni näk beeye Ööliba, ni beeye nyeŋ mana näk nyootha Jerucalem. 'Ba nyïgögø gena nywøma ni jïta ko obwöre ki geni, ni beege cwøw ki mään.

Edhikiel 24:13

« ‹'Ba ennø, ï na Jerucalem, japa reyø na tïïyï, ïïna tïïcge niï ba waany. Kiper ïïna päänynya ki man penya ïïni, 'ba ï kär tïmö niï waany yïth japa reyø na enï yïthge. 'Ba ïïni, ï ba tïmö niï tøŋ këët këël kanyo ö wëërri mara noo røm riï.

Odheea 10:5

Jø Cameria lwäyö kiper gïno tägi dëër gïna no otïïö na nyirøøa mar Bëëth-Awëën. Ka adïëri møn, jiye kïmmö kipere, ni ö dïlämme mo kït gïï wø lam ni gööge ko oduuru bääte kiper mano lwør ajiem mare baŋge noo kïthi paac mør.

Odheea 11:12

«Jø tuuŋ Ipariem deŋŋa acielge ki tööt, ni ö jø dhi øt Icrielli ni cielge deŋŋa ki cwøk. 'Ba jø tuuŋ Juuda thuwø wïthge poot känni ki man jïëcge aani, a na Wuuö Jwøk, ni bee aani na Jwøa en kur keere na näk mare adïëri.»

Odheea 11:8

«?Wui jø tuuŋ Ipariem, olønye nidïï ki man cïba uuni ceŋ jø møøk? ?Wui u na jø Icriel, olønye nidïï ki man wiia uuni nou aayu? ?Aŋø, løny ki man raanynya uuni kaamar jø Adama ki jø Dheböym? Cwïnya akweer ki man tïïa gïnögø, ni ö bäth eci mara ni jääny wøk ki mëër.

Odheea 12:1

Jø tuuŋ Ipariem ge ŋwieya køør jamø, ni ge rïïŋö cooth køør jam wø ööi ki kur tuul-cäŋ; ni tööt ki tïïc gïï mo reyø ege kaadhø. Ni geno tudö thuwø ki luubö ki jø Aciria, ni ge jwëëga Ijep ki mädhi mo wø cam.

Odheea 12:2

Wuuö Jwøk ena bäät man lööe ki jø Juuda, eni nyïïkwaac Jeekap di jäälö ki køør uutjïëthe moge, ni cool kwör dëëtge ki køør tïïe moge.

Odheea 4:17

Ipariem dëëre anø cïbe ki man lam kït gïï wø lam; Wiiu eni kare!

Odheea 4:2

'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Odheea 5:1

Wuuö Jwøk aköö, ni «U na dïlämme, wïnynyu gïn! U na jø Icriel, cegu ïthu! U na jø paan dwøŋ, cegu ïthu! Ajäla man bee maru, kiper u caala abëëbe bäät jø Micpa, ni bëëdu kaamar ajääpi mo opeerø bäät Kïn Tabör.

Odheea 6:4

Wuuö Jwøk aköö, «?Wui, jø tuuŋ Ipariem, agïnaŋø noo tïïa ki uuni nø? Wui, jø tuuŋ Juuda, agïnaŋø noo tïïa ki uuni nø? Kiper mëër maru caala pøøl mo amöölla, ni caala thööy ni wø laar rwäänyö.

Odheea 7:13

Otïmö ni leth jïge, kiper mana paanyge rege buuta! Ränynyö oen bäätge kiper mana gëëmge ki aani! Gena manynya ki man piema geni, 'ba gena tïmö ni ge cara tööt kipera.

Odheea 8:5

Wui, jø Cameria, kït gïn wø lam na näk otieŋø na nyirøøa yaa kwierø. Wëër mara liel bäät jiy kaamar maac. ?Aŋø, a këël yi wäne nø noo bëët jiyi ni dëëtge ba tïïcge ni waany?

Odheea 8:9

Kiper gena nø ci baŋ jø Aciria ni caala arëën mar paap mo thääyö keere jaak; ni ö jø Ipariem ni nø gathge mëër marge wøk.

Amøc 3:10

Jøøgø tïïc gïn mo beer kucge, jøøa näk jap twëër ki gïïa jaaŋge ceŋ jiy ege cooŋ piny yïth uudi moge na teek.» Beeye Wuuö Jwøk ni cäänö enø.

Amøc 3:9

Beerra man caannu gø jï jøøa bëëdö kwöra teek na en yi Acdöt ki moa en Ijep, ni kööu, ni «Cooŋŋu dëëtu bäät kït Cameria, ni neennu okiera mana en dïëre, ki gïïa leth na temmi dëët jiy.

Amøc 8:14

Jø wø kööŋ dëët juu mo Cameria, ni wø köö, ni ‹Ŋëët Jwøa en Daan,› wala ‹Ŋëët Jwøa en Bëërcïïba,› jøøgø pädhö ni ge ba duu maal këët.»

Mikiya 6:16

Kiper u bëëdö nou gwøga kööŋŋe mo nyeya ma Ømri, ki gïïa tïïc wääde bëët ma Akap ki jøøa käl dëëre, ni bëëdu nou caatha køør acaare moge. Kiper manøgønø, aani, u cïba cïbö jï ränynyö; u ni wø bëëdö päänyögø, u tïïa tïïö na gïr abuua, ni bëëdu, u na jiya, nou käära ajøøŋ yi piny bäre.»

Mathiew 23:37

«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Luk 13:34

«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Luk 19:42

ni kööe, ni «Beer kee jap wø käl bëët-mëër ŋäyu dïcäŋi en nø. 'Ba kawaane, geno mänö ki nyeŋŋu.