Odheea 6:6 - Wëël Jwøk

⁶ Kiper aani, yia wø met ki mëër mo ba jøøl ni kaala olämi man wø cïp, ni yia wø met ki man ŋäc aani, ni kaala olämi man wø waaŋ bäre.

Odheea 6:6 Iomraidhean Croise

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

Pwöc Leec Wïc 21:3

Ki man tïïc gïn mo beer ki gïn ma adïëri beeye mana met yi Wuuö Jwøki ki gø ni kaala olämi.

Luup Dïpööy 5:1

Gwøk riï ki bëëtö marï kany wø ciï yi Øt Jwøk. Wär tïme niï ciï kaper cek ïth døc ni patha man cïpï ko olämme jaak kaawat man wø tïïc jøøa näk wïthge bäŋ acaara; kiper kucge ni gïna tïïcge bee gïn mo raac.

Aydheea 1:11

Wuuö Jwøk aköö, no «?Olämme mou na thööth kønyge ŋø kipera? Aana jøøm ko olämme mo wø waaŋ bäre mou moø ni thööth yøø, ni beege olämme mo nyöök rööm ki dwäle mo dhäk. Yia ba mïnni ki rem mo rwädhe ki mo nyïïdïëk, wala rem atëëe.

Aydheea 58:6

«'Ba wödö mana manynya beeye en: Beeye ki man pätu jøøa no otwöö yi bëëtö mo leth, ni kälu tëëra peek wøk bäätge ni wø caal jaath man wø rïï ŋut dhieŋ ri puur. Beeye ki man pätu jiy moa no ocaannø, ni ö japa peek bëët na en bäätge, na caal jaath puur manøgø, ni kälu ge wøk.

Jeremaya 22:16

Eni kee luup jøøa no ocaarø ki luup jøøa can aŋøle na karge, ni bëët paaci bäre na wøp. ?Aŋø, ki man ŋäc aani, a na Wuuö Jwøk, paa beeye ki man tïïc teeŋ tïïe moøgø nø?

Jeremaya 7:22

Aani, kanya käla kwäyu wøk ki Ijep, a kär laar cäänö ki geni ki man köömma geni kiper luum olämme mo wø waaŋ bäre ki luum olämme møga.

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Odheea 14:2

Duu baŋ Wuuö Jwøk, ni kööu jïre, ni «Wëën raay mowa bëët, ni jïëyï waani ki met ec marï, nee wa cïpwa ki pwøc no olämme.

Odheea 2:20

Aani, ï miia miiø jïra ki ra adïëri, ni ö ïïni ni tïmï ni Wuuö Jwøk ŋäyï.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Amøc 5:21

Wuuö Jwøk aköö, na «A män ka ajwöm mo wø tïïyu kipera, ni kwiera geni; acooŋi mo lam mou ba känni ki met ec jïra.

Mikiya 6:6

?Aani, aano cøøa nyïm Wuuö Jwøk ki ŋø, ni cøŋŋa yaa këël piny nyïme, eni na Jwøk ni en maal? ?Løny ki man cøøa nyïme naa käära olämme mo wø waaŋ bäre, ki nyïïrøøe mo cwiicge oceele mo pulli?

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Mathiew 12:7

'Ba doo naa tier gïna caan Jwøki ŋäyu, na køp, na ‹A manynya mëër ni kaala olämme,› jøøa bäŋ ajäla røkge ba dou jäälö.

Mathiew 5:7

«Gwïëth en bäät jø wø kunyö, kiper geno køny.

Mathiew 9:13

Cou ni kwanynyu tier gïna caan Jwøki na kööe, na ‹A manynya mëër, ni kaala olämme.› Kiper a ba ööi naa cwøla jøøa beyø, 'ba a öönynya jø raay.»

Maak 12:33

Ki man mëërö ki eni ki cwïny bäre, ka acaara bäre, ki teek bäre, ni mëërö ki dhaanhø mør keda man wø mëër dhaanhe ki dëëre, letha pere døc ki man cïp olämme mo wø waaŋ bäre ki teeŋ olämme møga.»

Jøcua 5:5

'Ba beege jiy moa lwaarø ki geni øtjöö dï paap kanya ö jøwi wøk ki Ijep na näk poot kär daŋø.

1 Jøøn 2:3

Ni näk luup moa cem Jwøki yøø gwøø, beeye noo ŋääø gø ni eni ŋääø.

1 Jøøn 3:6

Ni bäŋe ŋat mo bëëdö dëëre ni bëëdö ni bääö. 'Ba ŋat wø bëëdö ni bääö, Krictø poot käre joodø wala ki man ŋäc gø.

1 Camiel 15:22

'Ba Camiel aköö, na «?Aŋø, Wuuö Jwøk yie met ko olämme mo wø waaŋ bäre ki teeŋ olämme møøk ni kaala man wïny dwøre, eni na Wuuö Jwøk? Neenï, ki man wïny dwøre pöödha eni døc ni kaala man cïpö ko olämme jïre, ni ki man leŋ mare pöödha eni ni kaala man waaŋ dwäle mo nyöök rööm no olämme.