Odheea 6:5 - Wëël Jwøk

⁵ Kiper manøgønø, uuna nø ŋøra na thäŋi ki køør ajäla mana caana ki dhøk nyïïkuk Jwøk, ni nø nääa uuni ki luubö mana cur dhaa; ni ö ajäla mara ni put nidaaŋ bäätu kaamar agaackøth.

Odheea 6:5 Iomraidhean Croise

Wïlöölö 18:25

Ba doo løny ki man tïïyï teeŋ gïnögø na bäre bäre, ki man 'nägï jøøa näk bëëtge beyø nyïmï ki jøøa näk tïïya raay na aciel bëët; caana gø ni jiy moa näk bëëtge beyø nyïmï ki jiy moa näk temma raay iï päärö na aciel bëët. Teeŋ gïnögø ba diï tïïö na bäre bäre. ?Aŋø, ŋat wø ŋøl luup mo bäät piny bëët, bäŋ wø ŋøl luup ma karge cooth?»

1 Nyeye 14:6

'Ba kanya ö Akiya na wïny tiet nyijøøgø ni nyijøøgø cäänhnha dhi øtø, ena köö, ni «Dunynyï, cï Jeröbäm. ?Aŋø, riï cøøgï gø keda ïïna dhaagø mør en aperŋø? Aani, da luum ajäla mo teek mo ocaanø jïra nee caana jïrï.

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

1 Nyeye 18:17

'Ba kanya ö Akapi na joot Ilaaja, Akap aköö jïre, ni «?Man beeye ïïni, ï na kier wïth jø Icriel?»

1 Nyeye 19:17

'Ba ni näk mo da dhaanhø mo bøth ki thøø cer Adhaël, eni 'näk Jiyuwi nääö. 'Ba ŋato bøth ki thøø cer Jiyu, eni 'näk Ilaaca nääö.

2 Nyeye 1:16

Køøre Ilaaja aköö jï nyeya ma Akadhiya, ni «Man beeye dwør Wuuö Jwøk, ena köö, na ‹?Aŋø, bäŋ Jwøk Icriel mo luumme pëënynyï pëënynyö, ni tïmï niï jäägö ki jiy kuna pëënynyï dwør Baal-dhabul, jwø jø Akarön en? Kiper manøgønø, ïïni, ï ba ö maal ki bäät pëëm; 'ba ka adïëri møn, ï thøw.› »

2 Luup Nyeye 21:12

Køøre da wëëlö ma aö baŋe mo käla baŋ nyikuŋ Jwøk ma Ilaaja, ni kööe, ni «Mana caan Wuuö Jwøki, Jwø kwaru ma Deebit, beeye en, ena köö, ni ‹Ïïni, ï kär cäädhö ki yi jöö mana caath wäru ma Jøcapat ki kwaru ma Aca nyeny Juuda.

Jööp 15:30

Eni ba bøth ki muudhö; eni ki bäädi moe, taal leep maaci taalø, ni ö eni ni puti ya jam jwïëy køøl mar dhi Jwøk.

Jööp 34:10

«Kiper manøgønø, cegu ïthu jïra, u ni wø köö ni tiet luup laaru ka kwany. Jwøk kare bäär ki tïïc gïn mo raac; ni eni na Jwøa en teeki jïre kare bäär ki tïïc gïn mo patha adïëri.

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Aydheea 58:1

Wuuö Jwøk aköö, ni «Kwöŋŋu døc ni ba wëëgu döötu jook; tïŋu döötu maal kaamar dwør tuuŋ, nou cara bääyö mar jiya ki raay moge, ge na nyïïkwaac Jeekap.

Jeremaya 1:10

Ni dïcäŋi, ïïna mooa ki teek ki man køpï luumma dëët akwöm mo wïth juurre, ki dëët akwöm mo nyeye, man näk mo geni cööda wøk, ni keeth geni, ni raany geni, ni nyak geni; ni cäŋ ge tïïyö ni teek, ni këël tietge piny.»

Jeremaya 1:18

'Ba ka adïëri møn, aani, ïïna tïïa kaamar pääny mo ogeerø ni teek, kaamar werø mar nywïënyö, kaamar kiir mo otïïc ka nywïënyö ma jwïël, niï ba lønyï ki böötö jï jø paani bëët, ni beege nyeye mo Juuda, ki jøøa kwörge, ki dïlämme moe, ki jø paac bëët.

Jeremaya 13:13

Køøre caanï caanø jïge ni mana ŋøl Wuuö Jwøki beeye en, ena köö, ni ‹Ennø, aani jiy bëët mo wø bëëdö yi ŋöömmi en jääla jäälö, ni tïïa geni kaamar jiy mo ojäŋ ki kwøŋ ni ge meeyø, ni beege nyeye mo wø läw bäät wäl Deebit, ki dïlämme, ki nyïïkuk Jwøk, ki jiy bëët mo wø bëëdö Jerucalem.

Jeremaya 23:29

?Aŋø, a na Wuuö Jwøk, luumma ba caal maac, ni caal guduum man wø tøk kïdi na thäŋi?

Jeremaya 5:14

Kiper manøgønø, mana ŋøl Wuuö Jwøki, eni na wïth jammi bëët, beeye en, ena köö, ni «Kiper mana caange luummögø, ennø, ï na Jeremaya en, luupa moo caanï otïïa ni liel kaamar maac dhiï, ni tïïa jøøi ii kaamar jenni, ni ö maaci ni thöör geni.»

Edhikiel 11:4

Kiper manøgønø, ï na wär dhaanhø, cään geni niï jääla ge, cään geni!»

Edhikiel 3:9

Aani, cwïnyï tïïa tïïö ni teek ni caala kïdi mo teek døc. Kärï lwäyö ki geni, ni ba bwøk cwïnyï kanyo enï nyïmge, këël na bëëtge ni gena jø ageem.»

Edhikiel 32:18

«Wär dhaanhø, jwöŋï kiper lwaa Ijep, ni caanï gø jïre ki man näk mo eni cøøa piny tiet ŋøøm, ni beeye eni ki jic wïth juurre moa teek, ni beeye baŋ jøøa en kar bëët jwïëc jøøa no othøw.

Edhikiel 43:3

'Ba gïnögø kanya nyoodhi jïra ki yi wïïa, atïmö ni caala mana nyooth jïra na neena kanya ö eni na Wuuö Jwøk na ö kuna raany pääny Jerucalem, ki mana nyooth jïra thuwø na neena kanya ena bäät Naam Kebar. 'Ba dëëra aputa leeŋ piny ni pädha ki bäp yia.

Jepaniya 3:5

'Ba Wuuö Jwøk na en yi Jerucalem, mare beeye adïëri, ni eni ba ŋudö ki luup mo patha karge. Ka amöölla cooth adïëri mare wø käle yi tar, ni eni ba døø ŋääe ki gø ki yïth nïne bëët. 'Ba jøøa reyø ge poot temma raay ni wïthge ba lääy.

Moa Tïïc Nyïïatwieli 7:31

'Ba na neeni ya Modhe yie athäŋŋö ki gïna joode. 'Ba na nyiik buut gø kany mo cään kiper nee neene døc, dwør Wuuö Jwøk awïnynye ni köö,

Wëëlö Mana Göör Pøølli Baŋ Jø Röm 2:5

'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi.

Epeca 6:17

Ni kääru cöör nywïënyö na näk pïëm man piem jiy ki gø, ko opëëllö mar Jwïëc Jwøk, ni beeye luum Jwøka eni.

Ibaru 4:12

Kiper luum Jwøk beeye gïn mo kwøw ni tïïö, ni betha eni ko opëëllö mo lage ariiø, ni cööbö këël man wø pääŋ kwøw ki jwïëy, ki mut ki maar cuu, ni ŋäya acaany cwïny ki mo wø many cwïnynyi.

Mana Nyooth 1:16

'Ba cer cwïïe da ceer abïriiø, ni dhee da opëëllö mo beth mo lage ariiø. Ni täärnyïme caala cäŋ mo orieny ni kwaar døc.

Mana Nyooth 2:16

Kiper manøgønø, løk cwïnyï. 'Ba ni näk ba løgï, a laara ö baŋï ni këëda ki jøøgø ko opëël dhaa.

Mana Nyooth 9:15

Kanyøgø nyïïatwietøgø karge ŋweeni gena pät, geni na näk ojiiŋŋø kiper yi caannøca, ki dïcäŋöca, ki dwäänöca, ki cwiinøca, nee dää thäk jiy 'näkge røk jø bäät piny bëët.

Mana Nyooth 9:21

Ni cwïnyge kärge løø ki 'näk marge man wø 'näkge jiy, wala thïëth marge, wala käp marge, wala käw marge.

1 Camiel 13:13

'Ba Camiel aköö jï Cøøl, ni «Ïïni, ïïna tïïö ki gïn mo wïïï kärï caarø ki gø; ciik Wuuö Jwøk, Jwøk marï, na kööm ïïni ki gø, kärï gwøø, kiper doo na iï gwøø møn, Wuuö Jwøk nyec marï dee tïïö nee bëëde dï jø Icriel na bäre bäre.

1 Camiel 15:22

'Ba Camiel aköö, na «?Aŋø, Wuuö Jwøk yie met ko olämme mo wø waaŋ bäre ki teeŋ olämme møøk ni kaala man wïny dwøre, eni na Wuuö Jwøk? Neenï, ki man wïny dwøre pöödha eni døc ni kaala man cïpö ko olämme jïre, ni ki man leŋ mare pöödha eni ni kaala man waaŋ dwäle mo nyöök rööm no olämme.

1 Camiel 15:32

Køøre Camiel aköö, ni «Kälu Agaak nyeny jø Amalëk baŋa.» Ni ö Agaaki baŋe ni yie met jaak, kiper ena cädö, ni kööe, ni «Thøø na raac, kare anø pöödhö.»

1 Camiel 15:33

'Ba Camiel aköö, ni «Kaawat mana ö opëëllö marï na tïïc mään ni bäŋ obwöre, meru thuwø dööŋ ni bäŋ nyilaal jïre dï mään bëët.» Ni ö Camielli ni put Agaak ŋørø na thäŋi Gëlgela nyïm Wuuö Jwøk.