Odheea 6:3 - Wëël Jwøk

³ Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Odheea 6:3 Iomraidhean Croise

2 Camiel 23:4

eni tïmö kaamar tiet øw kany wø bëëde ni cäŋ tuulö, ni tïme ni caala maal mo bäŋ pøøl kany wø bëët pinynyi na amöölla, ni tïme ni nëëni ni mïërö ni caala luum mo pulli mo tuya piny, kany wø rieny cäŋŋi køør køth.›

Jööp 29:23

Gena bëëdö ni ge køya aani kaawat man wø koor køth, ni ge bëëdö ni dhøkge ege löö jïra kaawat man wø tïïc jiyi mo lääŋŋa køth.

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Aydheea 2:3

Wïth juurre mo thööth öö ni köge, ni «Ööu, owaa cøø bäät Kïn Wuuö Jwøk yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Aydheea 32:15

këël kanyo ö Jwïëc Jwøki noo ööe ki maal noo ö bäätø, noo tïm dï paapi na pwödhö mo ŋöömme beer, ni ö pwödhö mo ŋöömme beer ni kadhe ni tïme kaamar lul mo oløth.

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Aydheea 5:6

Tïïa tïïö ni tïme na pwödhö mo oränynyö. Jer omøki moe wïthge ba goor, ni tietge ba puur; 'ba otwel ki koodhi oput tuuö yie. Ni köömma pöölö nee ba pädhe na køth bääte.»

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Odheea 10:12

Piithu bëënynyö kiper dëëtu, ni kayu nyïëdi mo mëër mana näk ba jøøl, ni cäŋu pwöth mou puurru na akamme, kiper beeye kare ennø ki man many Wuuö Jwøk, këël kanyo ööe noo tïïc bëënynyö nee pädhe bäätu kaamar køth.

Odheea 14:5

A tïmö naa caala thööy ki jï jø Icriel, ni ö jø Icrielli ni løthge ni ŋøøkge kaamar apiitø, ni këët lweetge piny kaamar jer lur Libaanø.

Odheea 14:6

Ni ö bäädi moge moa therø ni løthge ki bäädi møøk, ni tïm mïërö marge ni caala jer wø nyïïge wel na maaw, ni ö ŋwäänyge ni tïme ni met kaamar jer lur Libaanø.

Odheea 2:20

Aani, ï miia miiø jïra ki ra adïëri, ni ö ïïni ni tïmï ni Wuuö Jwøk ŋäyï.

Mikiya 4:2

'Ba wïth juurre mo thööth öö ni köge, ni «Ööu, owaa cøø bäät Kïn Wuuö Jwøk, yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Mikiya 5:7

'Ba nyïïkwaac Jeekap moo dööŋ, geno bëëdö yïthakic wïth juurre mo thööth, ni ge caala thööy man wø cïp Wuuö Jwøki bäät beel. Ni bëëtge kaamar kuunhnhi mo jwøya beel, ni pädhö marge wala bäŋ pädhö marge ba koor man wø caan jiyi.

Dhekaraya 10:1

Pëënynyu Wuuö Jwøk nee køth jääŋŋe bäätu kany wø näk dhi køth. Kiper beeye Wuuö Jwøk ni wø jääŋ køth ki ri pøøl; bee eni ni wø wëëk køth ööny piny kiper jiy, ni wëëk gïïa no opiidhø ciek yïth pwöth jï ŋati man nø.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Luk 1:78

ki køør met yi Jwøk marø na jwør can marø, ni ö bäätø ki maal kaawat man wø cööt øwi,

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 7:17

Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Moa Tïïc Nyïïatwieli 17:11

'Ba jø Juuth moøgø theemma geni ki moa en Thecalönika, kiper gena laar jïëy ki luum Jwøk, ni bëëtge ni ge raŋŋa luup moa en yïth weet Jwøk cooth ki man näk mo luupögø adïëri.

Tiet Ciik 32:2

Beerra man tïm luup pwöc 'moa ni caala pï køth; ni tøønge kaamar thööy mo tøøna bäät luum mo marr; ni tïme kaamar køth mo thiinhnhi bäät gïï mo opiidhø;

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

2 Piter 1:19

'Ba luumma kwøŋ nyïïkuk Jwøki køp, ajootwa na adïëri møn. Doo beerra eni jïïu ki man cegu ïthu døøc ki gøøni keda lamba mo liella yi muudhö, gøøc mano ö tiet øwi noo kwääre ni päny cëëy amöölla yïth cwïnynyu.

Mana Nyooth 22:16

«Aana Jecu na jääŋ nyïïatwiel maal mara baŋu ki gïïögø nee køp jï acook Jwøk. Aana lweet Deebit ni näga kunhnhe, na cëëc øw na tar.»