Odheea 6:1 - Wëël Jwøk

¹ «Ööu, nøø døø baŋ Wuuö Jwøk, kiper eni, øøna tøye møn na thäŋi, 'ba ø cäŋe ka kønynyø. Eni, dëëtø amooe møn ki ŋwiili, 'ba ŋwiili 'moø cäŋe ka bäyö.

Odheea 6:1 Iomraidhean Croise

2 Luup Nyeye 30:6

Køøre jøøa jääŋŋi gena aay ni ge rwäänhnhö, ni cige mïëc Juuda ki Icriel bäre, ni weeli käärge käärö moa kälge baŋ nyeya ki kwääri moa en tiere, ki køør mana ö nyeya na kööm ge ki gø, na kööe, ni «Wui, u na jø Icriel, beerra man duu baŋ Wuuö Jwøk, Jwø Eeberam ki Aydhak ki Icriel, nee eni duu baŋu, u na bøth na dööŋ ni kär mak nyeny Aciria.

Jööp 16:9

Jwøk amännö ki aani, ni wëëk rïŋ dëëra jeeyø ki wëër mare. Eni lage akaaye bääta, ni raŋ aani ni waŋe owiil bääta.

Jööp 22:23

'Ba ni näk mo ïïno duu baŋ Jwøa en teeki jïre, ïïno døø karï. Ni näk japa reyø karge iï tïïö ni bäär ki kar bëëtö marï,

Jööp 34:29

?'Ba ni näk mo eno lïŋö, aŋa noo köö ni eno bääyö? ?A ni näk mo täärnyïme ee kanø, aŋa noo joot gø? Eni, jiy ki wïth juurre bëët ena tiere,

Jööp 5:18

Kiper eni dhaanhø wø kïthe yi gïn mo leth, 'ba eni cïpö ki cøm cwïny; ni kïth dëër dhaanhø ki ŋwiili, 'ba cäŋe ka wëëk caŋŋø ki ceŋŋe.

Luup Dïpööy 3:3

Da caa mar 'näk, ki caa man wëëk jiy kwøw yie; da caa man toor uudi piny yie, ki caa man geer uudi yie.

Aydheea 17:7

Noo tïme na dïcäŋeca, jiy døøa baŋ Jwøa cwääc geni, ni ö nyeŋge ni teege gø ree, eni na Jwø Icriel na en kur keere.

Aydheea 2:3

Wïth juurre mo thööth öö ni köge, ni «Ööu, owaa cøø bäät Kïn Wuuö Jwøk yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Aydheea 30:22

Køøre kït gïï wø lammu moa no olëënynyö ki gwel-bïrö ki moa no olëënynyö ki warkey ba wøørru këët; geni ge putu ka wetø kaamar abïï mo ree da gïn mo raac, ni kööu jïge, «Waana pää ki uuni!»

Aydheea 30:26

Kanyøgø tar mar dwääy otïmö ni caala tar mar cäŋ, ni ö tarri mar cäŋ ni rienye døc no omëëtö ki kwöre abïriiø, ki tar mo röömi ki tar mar nïne abïriiø. 'Ba yi cäŋ manøgø beeye cäŋ mano ö Wuuö Jwøki noo 'käl gïïa leth wøk bäät jiye, ni beeye kanyo wëëk atwøt caŋŋø yie moa kïth dëët jiye.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Jeremaya 3:22

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, uuno tïïa nee cwïnynyu ba gaage wøk këët.» Ni köge, ni «Ka adïëri møn, waani, wa duua baŋï, kiper beeye ïïni na Wuuö Jwøk, Jwøk marwa.

Jeremaya 30:12

«Luumma caan Wuuö Jwøki beeye en, ena köö, ni ‹Bëëtö maru na raac atïmö kaamar ŋwellø mo ba caŋŋi, ni bëëdö kaamar atwøda mo raac døc.

Jeremaya 30:17

'Ba a na Wuuö Jwøk, a caana gø ni bëëtö maru na raac dwøga kare ni beer, ni beeye bëëtö maru ni caal atwøda, kiper uuna cwøl jiyi ni u ege jarø jaak, ni köge, ni «Jø Dhayan, bäŋ ŋat many geni.» ›

Jeremaya 33:5

'Ba kanyo këëtge ki jø Babiløn, uudi moøgø opäŋ ki rïŋ dëët jiy moo 'näk ki køør räny cwïny ki wëër mara. Aani, täärnyïma kana kanø ki pääny man kiper gïïa temge na reyø.

Jeremaya 33:6

«'Ba yi nyïme, pääny man odwøga kare, ni døø kare ni beer, ni dwøga bëët jiy kare, ni nyoodha bëët mëër ki bëët adïëri jïge ni päl.

Jeremaya 50:4

«'Ba noo tïme na yïth nïröke, yi kar kaace, jø Icriel oööi, geni ki jø Juuda bëët, ni ge cäädhi ni ge jwöŋö, ni beeye aani na Wuuö Jwøk, Jwøk marge, noo manyge.

Jeremaya 50:5

Geni, jöör Dhayan opëënyge, ni løøge nyïmge yie, ni öge ni cïpge dëëtge jï Wuuö Jwøk ki køør luubö mano tuutge mo bëëdö na bäre bäre, mo wïc ba wïl ki gø.

Wëël Kïmmö 3:11

Aana cöör wøk uutjïëthe 'moa, ni ŋør aani na thäŋi ni leeŋ a piny, ni tïme ni bäŋ køny kipera këët.

Odheea 11:10

'Ba uuno cäädhi køøra, a na Wuuö Jwøk, ni mära kaamar ŋuu. 'Ba kanyo mära, jiya oput öö ni dëëtge kwanynyi ki kur pänh-cäŋ.

Odheea 12:6

Kiper manøgønø, duu baŋ Jwøk maru; ni bëëdu nou tïïya mëër ki ŋøl luup na adïëri, nou koora Jwøk maru cooth.

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 14:4

Wuuö Jwøk aköö, ni «Jiya 'duua baŋa, ni nyoodha mëër mara jïge ni yia met jaak, kiper wëër mara anø paanya bäätge.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Ciik Kiper Dïlämme 14:48

«'Ba kanyo ö dïlämi noo raŋ puunnö manøgø, ni näk mo kär nyaay dëër øtø køør mana nø cäŋ øtø puuyö, wär put dïlämi caan ki man näk mo øtø manøgø waany, kiper mana ö puunnö manøgø ni aae.

Jepaniya 2:1

Wui, u na wï jur mo wïthu ba laay en, cooŋŋu dëëtu kanya ciel,

Tiet Ciik 32:39

« ‹'Ba ennø, wär ŋäyu ni beeye aani keera na Wuuö Jwøk, ni bäŋ jwøk mør këët. Beeye aani ni wø wëëk dhaanhø thøø, ni beeye aani ni wø wëëk dhaanhø kwøw. Beeye aani ni wø wëëk jiy jïtö ki ŋwiili, ni beeye aani ni wø køny ŋwiili mo jiy. 'Ba bäŋ jwøk mør mo løny jïre ki man piem dhaanhø cera.

1 Camiel 2:6

Wuuö Jwøk beeye wø wëëk dhaanhø thøø, ni beeye wø wëëk dhaanhø kwøw; beeye eni ni wø kïth dhaanhø kanya näk kar bëët jwïëc jøøa no othøw, ni beeye wø tïŋ dhaanhø maal.

1 Camiel 7:3

Køøre Camiel acäänö ki jø Icriel bëët, ni kööe, ni «Ni näk mo u duua baŋ Wuuö Jwøk ki cwïnynyu bäre, wetu juuga path ki juuga cøøri na Actaröth na en dïïu, ni cïpu cwïnynyu jï Wuuö Jwøk na bäre, ni tïnynyu eni keere; køøre uuno pieme ceŋ jø Pilitin.»