Odheea 5:6 - Wëël Jwøk

⁶ 'Ba këël ge doo aay ni ge käädö ki dïëk ki dhäk, ni ge manynya Wuuö Jwøk, eni ba jootge, kiper ree ee nø paany dïge.

Odheea 5:6 Iomraidhean Croise

Bwøth Wøk 10:9

Ni kö Modhe, ni «Wa aay ko obwöre mowa ki jäle mowa bëët, ki wäätwa ki nyïïwa bëët, këël pïïth dïëk mowa ki pïïth dhäk mowa bëët. Wa aay bëët kiper nee wa tïïwa ka ajwöma jï Wuuö Jwøk.»

Pwöc Leec Wïc 1:28

'Ba kar kaace jøøgø aano cøørge, 'ba bäŋ gïn mo løøa jïge, ni manyge aani døc, 'ba a ba jootge,

Pwöc Leec Wïc 15:8

Wuuö Jwøk yie raac ko olämme mo jøøa reyø, 'ba yie wø mïnni ka lam mar jøøa marge thïïŋ.

Pwöc Leec Wïc 21:27

?Ni näk mo Jwøk yie raac ko olämi mar ŋata raac, a rääye onäk nyïëdi nø kanyo cïp gø ki cwïny mo raac?

Obeec Dudi 5:6

'Ba kanya jaba dhi øtø kiper omëër mara, ree ee nø daak ni tøør këët; ni puta bëëtö ni cwïnya pärö ki køør mana cääne ki aani dïkwøŋ. Ni manynya gø døc, ni kära eni joodø, ni cwøla gø, 'ba eni kär duunnö jïra.

Aydheea 66:3

'Ba ŋat wø 'näk dhieŋ nee cïbe no olämi, caala ŋat mo 'näga dhaanhø; ni ŋat wø 'näk nyidiel caala ŋat mo toora ŋut gwök, ni ŋat wø cïp beel na muuy caala ŋat mo cïpa rem othur; ni ö ŋat wø waaŋ jer wø jïcge ŋwääi ni met ni caal ŋat mo wøøra kït gïï wø lam. Gena tïmö ni ge jiera uutjïëthe moge, ni yïthge mïnni ka japge ni wø raac yia ki ge.

Jeremaya 11:11

Kiper manøgønø, mana ŋøla, a na Wuuö Jwøk, beeye ni ennø, a känna bäätge ki gïï mo leth mo ge ba maar bødhø yïthge. Ni këël ge doo jwöŋö dëëra, marge ba wïnynya.

Jeremaya 11:14

«Kiper manøgønø, ï na Jeremaya en, kärï lämö kiper jøøi ii, ni ba tïŋï dwørï maal niï jwöŋö niï lämö kiperge, kiper ïtha ba ciia kanyo cøørge aani kiper gïïo leth noo pïï dëëtge.

Jeremaya 14:12

Këël ge doo wödö ki cam, oduuc kwac marge ba daa wïnynyö, ni këël ge doo cïpö ko olämme mo wø waaŋ bäre, ki muuce mo beel, ge ba daa jïëö; 'ba beeye ki man dïïra wïthge ri leny, ki käc, ki täwe mo leth.»

Jeremaya 7:4

Käru ŋäädhö ki luup cwøk nou cäänö, ni «Bäŋ gïn mo tägi dëëtø, kiper kany beeye kanya en Øt Wuuö Jwøki yie.»

Wëël Kïmmö 3:44

Ïïni dëërï agëëŋï ki pøøl, nee bäŋe lam mo pöönh baŋï.

Edhikiel 8:18

Kiper manøgønø, a wëër ki geni. Cwïnya ba pädhi ki gïrge këët, ni ba wara cwïnya ki geni. Ge këël doo jwöŋö deŋ ïtha ni döötge ena maal, aani ïtha ba ciia ko oduuru marge.»

Edhikiel 8:6

Køøre ena cäŋ köö jïra, ni «?Wär dhaanhø, japi ni raac eci døc ki ge ii na tïïc jø dhi øt Icrielli kany en, ni beege japo tïïc aani naa tïma ni kara bäär ki øtø mara na en kur keere, nëënö jïrï? 'Ba ïïni, ï cäŋa jïtö ki jammi mo ec raac ki ge døc mo kaala moi.»

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Amøc 8:12

Ni tïm jiyi ni thääyö jaak, ni ge tägi ki jï løø kur tuul-cäŋ, ni ge cøøa jï løø kur pänh-cäŋ, ni pööthge wï-piny ki jï løø kur tuul-cäŋ; ni ge läägö ni ge manynya luubö mo käla baŋ Wuuö Jwøk, 'ba bäŋgø mo jootge.

Mikiya 3:4

'Ba da kany mo öö mou jwöŋö dëër Wuuö Jwøk, ni ö eni ni ba løk maru jïïu. 'Ba kar kaace, eni täärnyïme okane ki uuni kiper gïïa tïïyu na reyø.

Milkiya 1:10

Ni cäŋ köö, «Beerra mana di dhaanhø acielli cøø dëëtu ni cïëk dhøgi mo kal mar Øt Jwøk, kiper nee bäŋe dhaanhø dïïu mo äp maac bäät gïn wø cïp olämme bääte mana näk mara ki gïn mo bäŋ tiere jaak. Bäŋ gïn mo døøc yia mo met ki uuni; olämme moo cïpu jïra ba jïëa.

Luk 5:16

'Ba ki kwör møøk Jecu wø cøøa paap ni läme.

Jøøn 7:34

Aano cayu, ni ba jootu aani. 'Ba kanyo ena yie, u ba doo maara ö yie.»