Odheea 5:5 - Wëël Jwøk

⁵ 'Ba atöör mar jø Icriel adøø rege; jø Icriel ki jø Ipariem ge pädhö yïth raay moge, ni ö jø Juuda thuwø ni putge pädhö ki geni ciel.

Odheea 5:5 Iomraidhean Croise

Pwöc Leec Wïc 11:21

Ka adïëri møn, ŋata raac bäŋ wø kääŋi ka ajäla, 'ba nyïïkwaac jøøa marge beer di piemø.

Pwöc Leec Wïc 11:5

Bëët bëënynyö mar ŋata mare tiir, øtjööre wø døøye mo thïïŋ, 'ba ŋata raac wø pädhö ki køør rääö mare.

Pwöc Leec Wïc 14:32

Ŋata raac wø ränynyö ki køør tïïe moe na reyø, 'ba ŋata mare beer kanyo thøøe, da kare mo di ŋäädhö mo cøøa yie.

Pwöc Leec Wïc 24:16

kiper ŋata mare beer këël doo pädhö kwöre abïriiø, eni wø cäŋa duu maal, 'ba ŋata raac wø puta pädhö na bäre bäre yïth gïï wø leth ni wø pïï bääte.

Pwöc Leec Wïc 30:13

Da jiy mo wø raŋa jiy piny, na atöör marge wø di joodø nyeŋge.

Aydheea 3:8

Kiper Jerucalem onø bøømø, ni ö Juuda ni nø pädhe, kiper luup mo wø carge ki tïïe moge ge raanynya cwïny Wuuö Jwøk ki ge, ni marge ageem ki Wuuö Jwøk na näk Jwø ajiem.

Aydheea 3:9

Gïïa reyø na tïïcge nëënö täärnyïmge, ni ge bëëdö ni ge nyøtha raay moge kaamar Cødam, ni raay moge ba maarge kan. Wui, otïmö ni leth jïge, kiper gïïa reyø na kälge bäätge!

Aydheea 44:9

Jø wø tëëŋö ki kït gïï wø lam, ge bëët bäŋ karge, ni jap wø perge leth jïge bäŋ gïn duuge, ni këël jiy moa køp ni tiet gïïögø ŋäcge, tïmö ni gïïögø kucge, ni kärge neenø, ni put tïmö na lään wïc jïge.

Aydheea 59:12

Kiper gïïa reyø na tïïø atïmö ni thööth døc nyïm Wuuö Jwøk, ni ö raayi moa tïïø ni jäälge øøni; bëëtö marø na raac nëënö jïïø, ni gïïa näk yøø bayø ŋääø;

Jeremaya 14:7

Wui Wuuö Jwøk, këël na bëët raayi mowa ni nyootha bääyö marwa, køny waani ki køør nyeŋŋï. Waani møn, gïïa gaawa wøk ki ge thööth, ni wa bääö dëërï.

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 14:2

Duu baŋ Wuuö Jwøk, ni kööu jïre, ni «Wëën raay mowa bëët, ni jïëyï waani ki met ec marï, nee wa cïpwa ki pwøc no olämme.

Odheea 4:5

U bëëdö nou cwanynya tietu ki dïcäŋ ki wäär, ni ö nyïïkuk Jwøki ni cwanyge tietge ki uuni ciel. Kiper manøgønø, Icriel na caal miiu, raanynya raanynyø.

Odheea 5:14

Kiper aani, a tïmö kaamar cïgïï ŋuu ki jï jø Ipariem, ni tïma thuwø kaamar ŋuu mo teek ki jï jø Juuda. Geni, ge peta petø ni thenh thenh ni puta aay; ge käla kälö ni bäŋ ŋat piem ge cera.

Odheea 7:10

'Ba këël na bëët jø Icrielli na atöör marge okännö ka ajäla bäätge, ge kär jïëy ki man duuge baŋa, a na Wuuö Jwøk, Jwøk marge; naa kärge manynyø, këël na täk japøge bëët.

Odheea 8:14

Kiper jø Icriel wïthge awïl ki aani na cwääc geni, ni tïme ni ge geeya mïëri mo døøŋŋø, ni ö jø Juuda ni tïïge ki päänye mo teek mo thööth. 'Ba aani maac ojääŋŋa bäät päänye moge, ni ö maaci ni put uudi moa no ogeerø ni teek thöör.»

Amøc 5:2

«Dhi øt Icriel na caal nyakøø aränynyö, ni ba ö maal këët. Ena put dööŋö yïth ŋøøm moe kaace, ni bäŋ ŋat mo tïŋ gø maal.»

Mathiew 23:31

Manøgøøni, u køpa rou ni uuna nyïïkwaac jøøa tïïc gïï mo leth dëët nyïïkuk Jwøk ni 'näkge ge.

Luk 19:22

«Ni kööe jïgø, ni ‹Ïïno jääla ki køør mana ö wøk ki dhiï, ï na laŋŋø mo raac en. ?Aŋø, ŋäyï cøøn ni aana dhaanhø mo dwøre teek, naa wø kwanya gïn mo kära kwøŋ cïp piny, naa wø kaya gïn mo kära kwøŋ piith?