Odheea 5:15 - Wëël Jwøk

¹⁵ Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Odheea 5:15 Iomraidhean Croise

Wïlöölö 42:21

Køøre gena cäänö yïthakicge keerge, ni köge, «Øøna bääyö dëër owääø, kiper can mare ajoodø, 'ba ïthø kärø ciiø ki kwac mare, ni beeye tiere ni tïme ni gïï mo leth tägö dëëtø en.»

2 Luup Nyeye 7:14

jiya mo wø cwøl ri nyeŋŋa ni näk mo dëëtge dwøkge piny ni mwöl, ni lämge, ni manyge aani, ni wecge jïëdhi moge na reyø, aani döötge wïnynya wïnynyö ki maal, ni wëënna raay moge, ni dwøga paac marge kare.

Jööp 33:27

Køøre nø, eni wär ki duut nyïm jiy, ni kööe, ni ‹Aana bääyö møn, ni raanynya gïna näk adïëri, 'ba ajäla mana dee aani jäälö ki gø kär tïïc Jwøki.

Pwöc Leec Wïc 8:17

A mëër ki jø wø mëër ki aani, ni jø wø many aani ki cwïnyge bäre a wø jootge joodø.

Aydheea 18:4

Kiper man beeye gïna caan Wuuö Jwøki jïra, na kööe, ni «Aani a bëëdö naa lïŋö naa rääŋö ki kanya ena yie kar bëëtö mara, kaamar däär cäŋ man wø rieny ni lïëth, ni tïme kaamar pöölö mo ŋec kany wø näk ri kac beel ni cäŋ kwaar.»

Aydheea 26:16

Wui Wuuö Jwøk, jiy moï kanya enge yïth gïï mo leth, ïïna manyge, ni lämge ni ge muuŋö, kanya bëët ajäla marï bäätge.

Aydheea 26:21

Kiper ka adïëri møn, Wuuö Jwøk öö ki maal kar bëëtö mare, ni ö piny kuna jääl jiy moa en bäät piny kiper raay moa tïïcge. Ni ö rem jiy moa no okøny piny no okanø ni nëëne, ni ba løny këët ki man ö ŋøømmi ni kan jiy moa no onääö.

Aydheea 26:9

Cwïnya bëëdö ni lääŋŋa ïïni ki wärre bëët, ni ö jwïëya ni bëëde ni manynya ïïni døc. Kiper ŋøl marï na näk adïëri kanyo ö bäät piny, jø bäät piny ge kwänynyö ki bëët adïëri.

Jeremaya 2:27

jø wø köö jï jaath, ni ‹Ïïna wära,› ni köge jï kïdi, ni ‹Beeye ï na nywøl aani.› Kiper geni ŋäthge aluuge baŋa, ni patha nyïmge. 'Ba kany wø enge yïth gïï mo leth, ge wø köö ki aani, ni ‹Ö maal ni piemï waani!›

Jeremaya 3:13

Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Jeremaya 3:14

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, kiper beeye aani na kwäärö maru. Aani, a lwötö ki dhaanhø aciel yi pääny man nø, ni lwöta ki jiy ariiø yi tuuŋ man nø, ni käla u na jiera ni duua uuni yi pääny maru ma Dhayan.

Wëël Kïmmö 3:40

Beerra man neenø bëëtö marø ki uutjïëthe moa caadhø, ni duuø baŋ Wuuö Jwøk.

Edhikiel 10:4

Køøre ajiem mar Wuuö Jwøk aput nirwöc bäät kirubëlli ni put pïï bäät thudhi mar dhi øt Jwøk. Ni ö øt Jwøki ni put pääŋö ki pöölö, ni yi kal päŋ ki tar mar ajiem mar Wuuö Jwøk.

Edhikiel 11:23

'Ba ajiem Wuuö Jwøk aput ö maal ki dï pääny ni put cuŋŋö bäät kïdi na en jï løø kur tuul-cäŋ ki pääny.

Edhikiel 20:43

Uuni, wïthu parru parø kaace ki bëëtö maru mana bëëdu ki gø ki japa reyø bëët na raanynyu dëëtu ki ge, ni putu dëëtu jääl ki køør japa reyø bëët na tïïyu.

Edhikiel 36:31

Køøre nø, wïthu caarru caarø ki uutjïëthe mou na reyø ki tïïe mou na näk ba beyø, ni männu ki dëëtu keeru kiper raay mou ki japa näk yia raac ki ge na tïïyu.

Edhikiel 6:9

'Ba jiy moo bøth, wïthge oparge ki aani kanyo enge yïthakic wïth juurre moa mak geni ki tøŋ. Geni wïthge oparge ki kanya bëëda ni cwïnya ege raanynyø ki køør mana bëëtge ni cwïnyge lääŋŋa käp, na pää geni ki aani, ki køør mana bëëtge ni nyeŋge ege peerø køør käp mana wara tïïcge ki kït gïï wø lamge. 'Ba geno männi ki dëëtge keerge ki køør japa reyø na bacge, ki japa näk yia raac ki ge bëët na tïïcge.

Edhikiel 8:6

Køøre ena cäŋ köö jïra, ni «?Wär dhaanhø, japi ni raac eci døc ki ge ii na tïïc jø dhi øt Icrielli kany en, ni beege japo tïïc aani naa tïma ni kara bäär ki øtø mara na en kur keere, nëënö jïrï? 'Ba ïïni, ï cäŋa jïtö ki jammi mo ec raac ki ge døc mo kaala moi.»

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Odheea 5:6

'Ba këël ge doo aay ni ge käädö ki dïëk ki dhäk, ni ge manynya Wuuö Jwøk, eni ba jootge, kiper ree ee nø paany dïge.

Mikiya 1:3

Kiper ka adïëri møn, Wuuö Jwøk öö ki kar bëëtö mare, ni eni ööa piny ni nyør kwöra bäyö bäät piny.

Kwään Jiy 21:7

Køøre jiy aö baŋ Modhe, ni köge, ni «Waana bääyö kiper mana cäänwa dëër Wuuö Jwøk, ni cäänwa dëërï thuwø. 'Ba ennø, kwac Wuuö Jwøk jïwa, nee thwöre paanye yïthakicwa.» Ni ö Modhe ni put Wuuö Jwøk kwac kiper jiy.

Luk 13:25

Kanyo ö wää øte no ö maal, ni dëët øtø, uuno cuŋŋi wøk nou døøŋŋa dhi øtø, nou köö, ni ‹Kwäärö, japï jïwa.› 'Ba oduue jïïu, ni ‹Uuni, kanya ööu ki yie kuua.›

Pïëmme 4:3

'Ba Cicara jïre da jïëthe mo wø tut okwëënyi ma dïpe abïŋween mo tïïc ka nywïëny, ni put jø Icriel caannø døc ki cwiiri ma pïërariiø. Ni ö jø Icrielli ni jwöŋge dëër Wuuö Jwøk.