Odheea 5:1 - Wëël Jwøk

¹ Wuuö Jwøk aköö, ni «U na dïlämme, wïnynyu gïn! U na jø Icriel, cegu ïthu! U na jø paan dwøŋ, cegu ïthu! Ajäla man bee maru, kiper u caala abëëbe bäät jø Micpa, ni bëëdu kaamar ajääpi mo opeerø bäät Kïn Tabör.

Odheea 5:1 Iomraidhean Croise

Jeremaya 11:7

Kiper kwäyu aköömma døc kanya käla geni wøk ki Ijep, ni bëëda naa köömma geni cooth këël dïcäŋi en, naa wø köö, ni «Wïnynyu dwøra.»

Jeremaya 13:18

'Ba Wuuö Jwøk aköö jïra, ni «Kööï jï nyeya ki menni ma gwanynyø, ni ‹Weyu wälu ni tïmu ni uuna jiy mo ena piny, kiper adun ajiem maru akäl wøk wïthu.›

Jeremaya 46:18

'Ba Nyeya na näk nyeŋŋe beeye Wuuö Jwøk, eni na wïth jammi bëët, ena kööŋ, ni «Ŋëëta keera, a na Wuuö Jwøk, da ŋat mo öö mo tuga Ijep mo kare dwøŋ, mo caala Kïn Tabör ni wø dwøŋ døc yïthakic kïte, ki Kïn Karmël ni wø en deŋ naama dwøŋ.

Odheea 10:15

Wui, ï na Bëthël, teeŋ gïnögø tägö dëërï, kiper raay moï atïmö ni thööth døc. Kanyo tïme na kur øw mar dïcäŋeca, nyeya mar Icriel wïïe puta dïdö na bäre bäre.

Odheea 13:8

Aani, a päära bäätu kaamar cwieny mo nyïïe okälö, ni puta u cöötö ki kööthu. U cama camø ni puta u thöör, kaawat man wø tïïc ŋuuwi ma maath, ni puta u cöötö kaawat man wø tïïc cwienynyi.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Odheea 6:9

Kaawat man wø møør dïtwïëte piny ni ge kurö ki dhaanhø, lwaa dïlämme atïmö na dïnäk jiy øtjöör Cekam; ka adïëri møn, gena tïïö ki gïï mo reyø døc.

Odheea 9:8

Jwøk aana jääŋŋe na nyikuŋ Jwøk man koor uuni, u na jø tuuŋ Ipariem. 'Ba ennø, uutjïëthe 'moa bëët you cïŋŋö ka abëëbe kede man wø cek weny. Këël yi Øt Jwøk kiree, jiy atïmö ni män ki aani.

Jool 1:2

Wui, u ni jø døøŋŋø ii, wïnynyu gïn! Cegu ïthu u bëët, u ni wø bëëdö yi ŋöömmi en! ?Aŋø, teeŋ gïn mo caala man en akwøŋ tägö cøøn yïth nïne mou, wala yïth nïra beet kwäyu?

Amøc 3:1

Uuni na jø Icriel, wïnynyu luummi en na caan Wuuö Jwøki dëëtu, na caane dëët jø dhi øt Icriel bäre moa käl wøk ki yïth ŋøøp Ijep. Ena köö,

Amøc 7:9

Kwör lam mo nyïïkwaac Aydhak na en bäät thuuri oränynyi, ni ö uut lammi mo jø Icriel ni nyaai piny, ni öa maal ni raanynya dhi øt nyeya ma Jeröbäm ki leny.»

Mikiya 3:1

'Ba aana köö, ni «U na dïbwöthe mo nyïïkwaac Jeekap, ki u na kwääri moge, ge na jø Icriel, ennø, wïnynyu gïn. ?Aŋø, paa u na doo ŋäc ŋøl ma adïëri?

Mikiya 3:9

'Ba ennø, wïnynyu gïn, u na dïbwöthe mo nyïïkwaac Jeekap, ki u na kwääri moge, ge na jø Icriel, u ni yïthu reyø ki luum ŋøl mana näk adïëri, ni wø meen luubö mo tiir,

Mikiya 7:2

Kiper ŋat mo cwïnye ena køør Jwøk ba joot yi ŋöömö, ni bäŋ ŋat mo mare thïïŋ yïthakic jiy. Geni bëët, ge bëëdö ni ge kønynya rem jiy piny, ni ŋati man nø bëëdö ni dwara watge ka ajääp.

Milkiya 1:6

Wuuö Jwøk, eni na wïth jammi bëët, aköö, ni «Nyilaal wänni di wøørø, ni ö ŋat tïïci ni wøør kwäärö mare. Wøp nø; ?ni näk mo aana wääu, age wödö mana nyoothu jïra? ?Ni näk mo aana kwääyu thuwø, age lwär mana nyoothu jïra? Uuni na dïlämme, beeye uuni na taak aani. «'Ba uuna köö, ni ‹?Ï ewa taaø nidïï?›

Milkiya 2:1

'Ba Wuuö Jwøk, eni na wïth jammi bëët, aköö, ni «Uuni na dïlämme, ciik man a cäänna uuni ki gø.

Pïëmme 4:12

'Ba awïny Cicara ni Barak wär Abiniem anø aa bäät kïnna cwøl ni Tabör.

Pïëmme 4:6

Kanyøgønø, Diböra ajääk baŋ Barak wär Abiniem paana bëëde yie na cwøl ni Këdëc na en yi ŋööm Naptali nee ööe, ni kööe jïgø, ni «Ennø, Wuuö Jwøk, Jwø Icriel, ïïna nø köömme, ni kööe, ni ‹Kwänyï ki jø leny mo jïtö ki kar kume apaar, ni lwørï røk jø tuuŋ Naptali ki jø tuuŋ Dhebulan, ni cou nou cäädhi na athwöe, ni cooŋŋu rou bäät kïdi mana cwøl ni Tabör.

1 Camiel 7:16

'Ba ki yi cwiir cooth eni wø cøøa Bëthël ki Gëlgela ki Micpa, ni ŋøl luup mo jø Icriel yïth päänye moøgø bëët.

1 Camiel 7:5

Køøre Camiel aköö, ni «U jø Icriel bëët, cooŋu dëëtu Micpa, køøre aano lämö jï Wuuö Jwøk kiperu.»

1 Camiel 7:6

Kanyøgønø, jiy rege acooŋge Micpa. Ni ö pïïyi ni øømmi ni kønynyi piny nyïm Wuuö Jwøk ni nyootha bääyö marge. Ni ö jiyi ni kweerge ki cam dïcäŋeca, ni putge marge caan kaace, ni köge, ni «Waana bääyö dëër Wuuö Jwøk.» 'Ba Camiel luup jø Icriel aŋøle Micpa.