Odheea 4:5 - Wëël Jwøk

⁵ U bëëdö nou cwanynya tietu ki dïcäŋ ki wäär, ni ö nyïïkuk Jwøki ni cwanyge tietge ki uuni ciel. Kiper manøgønø, Icriel na caal miiu, raanynya raanynyø.

Odheea 4:5 Iomraidhean Croise

Aydheea 50:1

'Ba man beeye luumma caan Wuuö Jwøki, ena köö, na «?Age wëël apääk mana riemma miiu ki gø? ?Aŋa na coola u baŋe kiper mana mäya baŋe? Uuni, u gath kaper raay mou, ni miiu riemmi kaper japa reyø na tïïyu.

Jeremaya 15:8

Määr thuunhnhi otïïa ni thööth ni kaala nyeŋ akwöny deŋ näpa døøŋŋø; aani, a känna bäät mëëk wøpe ki jiy mo raanynya geni ki dhöör dïcäŋ. Ki nyi kany mo thiinh, kïmmö ki lwär okäla bäätge.

Jeremaya 23:9

'Ba kany wø caara bëët nyïïkuk Jwøk, cwïnya puta pädhö døc, ni tïm dëëra ni kwanynyi. Aana tïmö naa caala dhaanhø moo meer moo bööt køøŋe, kany wø cäda kiper Wuuö Jwøk, ki luup moe na en kur keerge.

Jeremaya 50:12

'Ba kiper gïïa tïïyu yøø, pou ma Babiløn ni caal miiu na nywøl uuni, eno bëëdö ni wïïe laay ni bëët waŋe ni law. Ka adïëri møn, kare otïmö ni thiinh døc dï wïth juurre, ni tïme na paap ma tëën mo bäŋ gïn mo tuy yie.

Edhikiel 14:3

ni «Wär dhaanhø, jiy moi cwïnyge acïpge køør kït gïï wø lam ni cïpge nyïmge ki gïï mo reyø mo cwanynya tiel mo wëëga ge pädhö. ?Aŋø, pïëc moge mo wø pëënyge aani ki ge løny ki man dwøga gø jïge këët?

Odheea 2:2

«Köömmu miiu, köömmu eni, kiper eni paa cïïa këët, naa patha cwøre këët thuwø. Beerra man wec gath-dëël mare man wø nëëni täärnyïme, ni daak bëët käp mare yïthakic thure.

Odheea 2:5

Kiper miige bëëdö ni gatha dëëre, ni eni jayi ka jöö mo määnö. Kiper ena köö, na ‹A cäädhö køør omëërri 'moa, ni wø cïp cam jïra, ki pïï, ka abïï ma cuup, ka abïï ma lïïna, ki maaw, ki gïn maadha.›

Odheea 5:5

'Ba atöör mar jø Icriel adøø rege; jø Icriel ki jø Ipariem ge pädhö yïth raay moge, ni ö jø Juuda thuwø ni putge pädhö ki geni ciel.

Dhekaraya 11:8

'Ba ki yi dwääy aciel, dïkwääc dïëk moa na adäk ariemma. Kiper aana kwierge, ni puta gootø ki geni thuwø;

Dhekaraya 13:2

Wuuö Jwøk, eni na wïth jammi bëët, aköö, ni «Dïcäŋöca, juu moa näk patha adïëri raanynya raanynyø yi ŋöömö ni tïme ni wïc ba par ki nyeŋge këët. Ge raanynya raanynyø ge bëët ki nyïïkuk Jwøk moa näk patha adïëri ki jwïëc juuga reyø na näk ba waany.

Galeecia 4:26

'Ba Jerucalem mana en maal paa laŋŋø, ni beeye eni na miiø.