Odheea 4:2 - Wëël Jwøk

² 'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Odheea 4:2 Iomraidhean Croise

Wïlöölö 4:8

Køøre Keen acäänö ki coki ma Eebel nee cige yi pwödhö. 'Ba kanya enge yi pwödhö, Keen aö maal ni 'näk coki ma Eebel.

Aydheea 24:5

Piny atïïc jiyi ni ba waany, kiper jiy akweer ki man cääthge ki køør ciik Wuuö Jwøk, ni kärge luup moe gwøø, ni ö luumma tuut Wuuö Jwøki nee bëëde na bäre bäre ni raanyge gø.

Aydheea 48:1

«Wui, jø dhi øt Jeekap, wïnynyu gïn, u na no ocaaø ri Icriel, na käl ri tuuŋ Juuda, ni wø kööŋ ki nyeŋ Wuuö Jwøk, ni wø cwøl nyeŋ Jwø Icriel, 'ba wø cwøllu ka jöö mo patha adïëri mo ba tiir.

Jeremaya 51:5

Kiper jø Icriel ki jø Juuda kär kwier Jwøge ma Wuuö Jwøk, eni na wïth jammi bëët, këël na bëët ŋööm Babilønni man bëëtge yie en ni päŋ ki raay mo di temmø nyïm Jwø Icriel na en kur keere.

Jeremaya 6:7

Jerucalem bëëdö ni gïï mo reyø nøøye nøøyø ki tïïc, kaawat man wø bëët iithi ni cwïër ki pïï cooth; ni caan jiy ka aranya joota yie, ni gïï wø nëëni jïra yie cooth beege täwe ki ŋwiili.

Wëël Kïmmö 4:13

'Ba gïnögø tägi kaper raay moa tïïc nyïïkuk Jwøki moe, ki raay moa tïïc dïlämme moe, ki køør mana kønyge rem jiy moa beyø piny.

Edhikiel 7:23

«Jiiŋ tiimme, kiper piny apäŋ ki jø wø køny rem jiy piny, ni ö päänynyi ni pääŋe ki jø okiera.

Odheea 10:13

'Ba uuna bëëdö nou piitha gïï mo reyø, ni kayu bäŋ ŋøl luup ma kare, ni cammu nyïëdi mo tööt. Kiper uuna bëëdö nou ŋäätha teek maru keeru, ki jø leny mou na thööth.

Odheea 10:4

Geni, ge cäänö ki luup mo oballe jaak, ni tutge ki luup, ni kööŋge bäätge ki kööŋ mo bäŋ tiere; kiper manøgønø, bëët bäŋ adïëri marge wø tuula wøk kaamar luum mo ree da cïm mo tuy yi pwödhö mo opuurö.

Odheea 11:12

«Jø tuuŋ Ipariem deŋŋa acielge ki tööt, ni ö jø dhi øt Icrielli ni cielge deŋŋa ki cwøk. 'Ba jø tuuŋ Juuda thuwø wïthge poot känni ki man jïëcge aani, a na Wuuö Jwøk, ni bee aani na Jwøa en kur keere na näk mare adïëri.»

Odheea 12:14

'Ba jø tuuŋ Ipariem, ni poot na jø Icriel, Kwäärö Wuuö Jwøk atïïcge nee goote ki geni døc. Kiper manøgønø, kwör rem jiy moa kønyge piny odwøk Kwäärö Wuuö Jwøki bäätge; ni ö ajøøŋ mana tïïcge ni dwøgi wïthge.

Odheea 5:2

Ni jøøa reyø tïï näk ege kaadhø, 'ba geni bëët, ge jääla jäälö.

Odheea 6:8

Gelät bee pääny mar jø wø tïïö ki gïï mo reyø, ni dïëre ogääbö ki kwör tiel mo ree dhäämmö ki rem.

Odheea 6:9

Kaawat man wø møør dïtwïëte piny ni ge kurö ki dhaanhø, lwaa dïlämme atïmö na dïnäk jiy øtjöör Cekam; ka adïëri møn, gena tïïö ki gïï mo reyø døc.

Odheea 7:1

«'Ba kany wø manynya gø nee jø Icriel kønya, ni beege jø tuuŋ Ipariem, ki pääny marge ma Cameria, raay moge ki tïïe moge moa reyø puta nëënne. Kiper ge bëëdö ka bëët tööt, ni kuuwe uudi tøcge tøyø, ni dïtwïëte bëëdö nyeŋ jïëthe ni ge twëëdö.

Odheea 7:3

Yi nyeya tïïcge tïïö ni met ki japa reyø moge, ni tïïcge yïth kwääri ni met ki tööt marge.

Odheea 7:4

'Ba gena jø luuy ge bëët, mo cwïnyge lïëth kaamar buur maa dääpe man wø äp ŋat wø budö, ni wø wec ni wärri jaak këël kanyo kïth dääpe yie.

Mikiya 3:2

Bee u ni wø män ki gïna beer ni mëërru ki gïna raac. Gïna raac ni wø tïïyu, keda u gøøpa dëët jiy, ni kee u käla rïk dëëtge wøk;

Mikiya 3:9

'Ba ennø, wïnynyu gïn, u na dïbwöthe mo nyïïkwaac Jeekap, ki u na kwääri moge, ge na jø Icriel, u ni yïthu reyø ki luum ŋøl mana näk adïëri, ni wø meen luubö mo tiir,

Mikiya 6:10

?Aŋø, jammi mo wø joot ki jöö mo patha kare yïth uut jøøa reyø, ki jïge ni kuua, ki jap røm moa näk oŋøørø ni cëëgö, na näk ec raac ki ge?

Mikiya 7:2

Kiper ŋat mo cwïnye ena køør Jwøk ba joot yi ŋöömö, ni bäŋ ŋat mo mare thïïŋ yïthakic jiy. Geni bëët, ge bëëdö ni ge kønynya rem jiy piny, ni ŋati man nø bëëdö ni dwara watge ka ajääp.

Jepaniya 3:1

Otïmö ni leth jï pääny Jerucalem ni wø caar jiy, ni wø gëëmö ni bëëdö ni ba waany!

Dhekaraya 5:3

Køøre ena köö jïra, ni «Manøgø beeye acïëni mano ö bäät piny bäre. Ka adïëri møn, jiy bëët mo wø kwädö geno raanynyi ki køør luup moa no ogöörö løø pïënögø aciel, ni raany jiy mo wø kööŋ jaak ki tööt ki køør luup moa no ogöörö løø pïënögø aciel maya.

Dhekaraya 7:9

ni «Man beeye dwøl mana wara caan Wuuö Jwøki, eni na wïth jammi bëët, ena köö, ni ‹Ŋøllu luup ki jöör ŋøl mana näk kare, ni ö ŋati man nø ni nyooth mëër ki bäth ec mare jï wati maya.

Mathiew 23:35

'Ba kwör rep jøøa beyø na køny piny bäät piny oduu bäätu, ni tägi ka rem Eebel na näk mare beer këël mano këët ri rem Dhekaraya o Barakia, ŋata 'nägu yaakic Øt Jwøk Mana Dwøŋ ki gïn wø cïp olämme bääte.

Moa Tïïc Nyïïatwieli 7:52

?A nyikuŋ Jwøk mane na kär caar kwäyu? Geni, jøøa køp ööny ŋata mare beer kanya poode anäkge, 'ba uuni nø, ŋatøgø acïbu ceŋ nyïïmän ni 'nägu gø,

Tiet Ciik 5:11

« ‹Kär nyeŋ Wuuö Jwøk na näk Jwøï cwølï jaak, kiper ŋat wø cwøl nyeŋ Wuuö Jwøk ki jaak ba doo wec Wuuö Jwøki ka ajäla.

Tiet Ciik 5:18

« ‹Kärï kännö ki luk.

Tiet Ciik 5:19

« ‹Kärï kwätö.

1 Thecalönika 2:15

ni beege jøøa 'näk Kwäärö ma Jecu ge ki nyïïkuk Jwøk bëët, na riem waani wøk. Geni, ge wø raanynya cwïny Jwøk, ni tïmge ni ge män ki jiy bëët,

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.