Odheea 4:18 - Wëël Jwøk

¹⁸ Këël kany wø bëëtge ni meerø oniwaany wïthge, ge poot bëëdö ni ge tïïö ki tïï käp jaak; ni dïbwöthe moge bëëdö ni mëër ki jïëth lään wïc marge.

Odheea 4:18 Iomraidhean Croise

Wïlöölö 38:24

'Ba na tïme na køør dwäde adäk acaan jï Juuda, ni «Cï nyaarï ma Tamar ree atïïe kaamar kääbi, 'ba ki køør mana tïïe, eni kawaane yie da dhaanhø.» Køøre Juuda aköö, «Kälu eni wøk nee waaŋ.»

Bwøth Wøk 23:8

«Kärï jïëy ki jammi mo wø cïp ki piny, kiper jammi mo wø cïp ki piny waŋ ŋata wïïe leer di cøørø, ni wiil luum ŋata näk mare adïëri.

Jeremaya 2:21

'Ba aani, ïïna pïïdha kaamar omøk mo ojierø, mo käla røk köödhi ma liil. ?Aperŋø nø na wiilï bëëtö marï mana bëëdï ki aani ki gø, ni tïmï niï raac kaamar omøk mar paap en?

Edhikiel 16:15

« ‹'Ba ïïna tïmö niï ŋäätha mïërö marï, ni tïïyï wïny nyeŋ marï ni beeye jöö man gathï dëërï ki gø ki käp. Ïïna tïmö ni marï buut ki ŋat wø ö baŋï jaak, ni tïm mïërö marï ni beeye kiper käp.

Odheea 4:10

Geno cämö, 'ba ge ba jäŋ; geno bëëdö ki bëët käp, 'ba ge ba nyaay, kiper wïthge awïl ki Wuuö Jwøk.

Odheea 4:2

'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Odheea 9:10

Wuuö Jwøk aköö, ni «Kanya kwøŋa jø Icriel joot, caala man wø joot nyïïomøki dïtëën; kanya jooda kwäcge, caala man wø joot nyo olaam mo okwøŋ ŋweelø. 'Ba kanya öge baŋ jwø wø cwøl ni Baal-Pëëgör, ni cïpge dëëtge køør gïn mo wïc laay ki gø, gena put tïmö ni ge määnö kaamar gïna mëërge ki gø.

Amøc 5:12

Kiper päl bääyö maru, ki raay mou na thööth, ŋääa, uuni ni wø caan jøøa beyø, ni kädu ki gïï wø cïp ki piny, ni mänu jøøa can ki man jïtge ki ŋøl ma kare.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 7:3

Ceŋ moge tïï gïn mo raac ege kwanyø ni beer kiree. Dïbwödhi ki dïŋut luup wø manynya gïï mo di cïbö jïge ki piny; ni ŋata kare dwøŋ wø caana mana en cwïnye jaak, ni geni luubö wø meenge meenø na aciel.

Tiet Ciik 16:19

'Ba geni, luup moa näk karge kär daaŋge; kärge jëënyö; kärge kädö ki jammi mo wø cïp ki piny, kiper jammi mo wø cïp ki piny waŋ ŋata wïïe leer di cøørø, ni daaŋ luup mo jøøa marge thïïŋ.

1 Camiel 8:3

'Ba wäät Camiel jöör wääge kärge caadhø; gena gaa wøk ni tïm cwïnyge ni päl ki jammi, ni kätge ki jammi mo wø cïp ki piny, ni daaŋge luup jiy.