Odheea 4:12 - Wëël Jwøk

¹² Jiy atïmö ni pëënynya dhi jaath mana no otieŋø na kït gïn wø lam, ni ö athøra ni løk pïëc marge. Gena tïïc jwïëc käpi nee gaage wøk, ni putge bëëtö ni ge tïïya tïï käp, ni tïm karge ni bäär ki Jwøk marge.

Odheea 4:12 Iomraidhean Croise

2 Nyeye 17:7

'Ba gïnögø tägi kaper mana ö jø Icrielli na tïïge ki raay dëër Wuuö Jwøk, Jwøk marge, na käl geni wøk ki yi ŋööm Ijep cer Peerø nyeny Ijep, kanya bëëtge ni ge wøøra juu møøk,

2 Luup Nyeye 21:13

'Ba ï cäädhi ka jöö mana cääth nyeye mo Icriel ki gøøni, ni bwøthï jø Juuda ki jø Jerucalem ki man gaage wøk kaawat man wø tïïc dhaaŋ paaci mo rïïŋö køør käp, keda mana tïïc jø dhi øt Akapi. Ni 'nägï wäät wäru thuwø, ni beege dhi ødï kiree, jøøa theemma geni ki ïïni.

Jeremaya 10:8

Geni bëët wïthge bäŋ acaara ni gena bøøre, ni dïpööye moge beege juu ma jenni na gïï mo oballe jaak.

Jeremaya 2:27

jø wø köö jï jaath, ni ‹Ïïna wära,› ni köge jï kïdi, ni ‹Beeye ï na nywøl aani.› Kiper geni ŋäthge aluuge baŋa, ni patha nyïmge. 'Ba kany wø enge yïth gïï mo leth, ge wø köö ki aani, ni ‹Ö maal ni piemï waani!›

Jeremaya 23:13

«Mør thuwø, gïn mo raac ajooda baŋ nyïïkuk jwøk mo Cameria; luup akøpge ki nyeŋ jwøa cwøl ni Baal, ni ge løøa wïth jiya wøk ma jø Icriel.

Edhikiel 20:32

« ‹Uuni, u wø köö, ni «Wa manynya gø nee wa tïmwa ni wa caala wïth juurre møga, ni wa bëëdö kaamar jø bäät piny mo wø lam jenni ki kïte.» 'Ba gïnögø ni caarru enø ba tägi na bäre bäre.

Edhikiel 21:21

Kiper nyeny Babiløn kanyo ööe, eno cuŋŋi yïth agääk jïëthe moa na ariiø, ni tïïe ki nyuuthe ka athëëre, ni pëëny kït gïï wø lame, ni tïïe ki jap adïëda mo tïïc ka cwïny lääy.

Odheea 14:3

Nyeny Aciria wa ba kønye, wa ba eth bäät okwëëc leny këët; ni jammi moa tïïcwa ki ceŋwa ba cwølwa këët ni ‹Jwøk marwa,› kiper beeye ïïni ni wø nyooth bäth ec marï jï kïïe.»

Odheea 5:4

Gena män tïïe moge na reyø ki man duuge baŋ Jwøk marge. 'Ba kiper mana näk yïth cwïnyge päŋ ki jwïëc käp, gena put tïmö ni bäŋ kwänynyö man ŋäcge Wuuö Jwøk ki gø.

Odheea 6:10

Aani, gïn mo raac døc mo ec thäŋŋö ki gø ajooda dï jø Icriel. Jø Ipariem gena tïmö ni ge tïïya käp kaace, ni ö jø Icrielli ni putge nipäät.

Odheea 9:1

Wui jø Icriel, kär yïthu mïnnö; käru kanynyø kaamar wïth juurre møga. Kiper dëëtu agathu ki käp ni weyu Jwøk maru. Yïthu met ki jap käp mo wø magu yïth laare bëët.

Ciik Kiper Dïlämme 17:7

'Ba jø Icriel ba doo poodø ni ge cïpö ko olämme jï juuga näk otïïö na kït ateea, ni marge gaan wøk kaawat man wø tïïc dhaaŋ paaci mo rïïŋö køør käp. Luubö manøgø put bëëte na ciik jïge na bäre bäre ki yïth beenhnhe moge.›

Ciik Kiper Dïlämme 20:5

aani ki dëëra dëëtwa raŋwa raŋŋø ki ŋateca ki jø paare, ni puta eni tïïc ni tøør yïthakic tuuŋge, ni beeye eni ki jiy bëët moa caath køøre na gaa baŋ Mölek, ni ki mana wøørge gø caala man wø tïïc dhaaŋ paaci mo rïïŋö køør käp.

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Abakuk 2:19

Otïmö ni raac jï ŋat wø köö jï jaath, ni ‹Päyï,› ni kööe jï kïdi ni wø bäŋ jwïëy dëëre, ni ‹Ö maal.› ?Aŋø, teeŋ gïnögø, løny jïre ki man cïpe ki pwöc? Neenï, eni dëëre olëënynyö ki warkey ki gwel-bïrö, 'ba eni bäŋ jwïëy dëëre.

Kwään Jiy 15:39

'Ba okuri moøgø otïmö na gïï par wïc kiper ciik 'moa, a na Wuuö Jwøk; ni kany wø neennu geni, wïthu oparru ki ciik 'moa ni jïëyu geni, kiper nou ba gaau wøk køør jap wø neetu, ki gïï wø manynyu ki cwïnynyu jaak, kaawat man wø tïïc kääbi.

Tiet Ciik 31:16

Ni kö Wuuö Jwøki jï Modhe, ni «Neenï, ï thøw ni läpï køør kwäyu. 'Ba jøøi ii, kanyo pïïcge yi ŋöömö mano cige yie enø, ge gëëmö ki aani ni tïm cwïnyge no onieŋ køør juu møøk, kaawat man wø tïïc dhaaŋ paaci mo rïïŋö køør käp; ni wecge aani, ni kwierge luubö mana tuuda ki geni.

Pïëmme 18:5

Køøre gena köö jïre, «Beerra man pëënynyï Jwøk kiper jööro caathwa, ki man näk mo da gïn mo beer mo jootwa joodø, nee ŋäcwa.»