Odheea 4:10 - Wëël Jwøk

¹⁰ Geno cämö, 'ba ge ba jäŋ; geno bëëdö ki bëët käp, 'ba ge ba nyaay, kiper wïthge awïl ki Wuuö Jwøk.

Odheea 4:10 Iomraidhean Croise

2 Luup Nyeye 24:17

'Ba na tïme na køør thøw Jööda, dïbwöthe mo Juuda gena ö baŋ nyeya ma Jöac, ni këëlge cøŋge piny ni wøørge gø, ni cäänge ki gø, ni ö nyeya ni jïëc luumge.

Pwöc Leec Wïc 13:25

Ŋata mare beer caammi mo orømø wø dagø jïre, 'ba ŋata raac wø bëëdö no obup cooth.

Jeremaya 34:15

'Ba këël na bëëde na acaare mou you wiilø kany mo cään, ni tïïyu gïna beer ki jïra, ni ŋati man nø caana gïr pät wati yi bëët laŋ, ni luummögø tuutu nyïma yi øtø man ni wø cwøl ri nyeŋŋa en,

Jeremaya 9:12

?Aŋa nø ni wïïe leer, ni ŋäc tier gïnögø? ?Na aŋa nø na cään Wuuö Jwøki ki gø, nee luum Wuuö Jwøk købe? ?Na aperŋø na räny ŋöömö ni tïme kaamar paap mo bäŋ dhaanhø mo ci yie en?

Edhikiel 18:24

«'Ba ni näk ŋat mo bëëte tiir bëëtö mare na tiir wiie wiiø, ni tïïe ki gïï mo yia raac ki ge mo caala moa tïïc ŋata bëëte raac, ?eni bëëdö ni kwøw? Ba løny; eni japa beyø bëët na tïïe, bäŋgø mo wïc di parø ki gø. 'Ba eni thøw, kiper mana bëëde ni bëëte patha kare, ki køør bääyö mare, ki raay moa temme.

Edhikiel 22:9

Ïïni, da jiy moï ma tööte mo ge bëënna waac nyeŋ kiper køny rem jiy piny; ni da jiy moï thuwø mo ge cämö ko olämme mo wø cïp jï juuga reyø yïth uut lam moa en bäät kïte, ni ge bëëdö ni marge käp.

Odheea 4:14

Aani, nyïïu ba jääla kanyo bëëtge ki bëët käp, ni määr nyïïu ba jääla kanyo bëëtge ni ge tïïya tïï luk, kiper cwøw ki dëëtge kiree ge cäädhi na aciel ki kääpe, ni ge cïpö ko olämme ki kääpe mo wø bëëdö ni ge tïïya tïï käp kwör lam. Kiper manøgønø, jiy mo tiet luup ba kwanyge, ge ränynyö.

Odheea 7:4

'Ba gena jø luuy ge bëët, mo cwïnyge lïëth kaamar buur maa dääpe man wø äp ŋat wø budö, ni wø wec ni wärri jaak këël kanyo kïth dääpe yie.

Ciik Kiper Dïlämme 26:26

Kanyo ŋøla jöör cam maru, mään apaar otïmö ni cam maru thaalge yi këënnö aciel, ni cïpge cam jïïu mana thaalge ni ege petø, ni cammu gø nou ba jäŋ.

Mikiya 6:14

Uuni, uuno cämö, 'ba u ba jäŋ, ni bëët yïthu ni poot ŋaam. Jammi mou odaaŋŋu nou kaanna geni, 'ba bäŋgø mo bøth, ni jammi moo kaannu cïba dhi tøŋ.

Jepaniya 1:6

ni beege jøøa døø ŋäthge ki man ba cääthge køør Wuuö Jwøk, na kweer ki man manyge gø wala man pëënyge gø.»

Agëë 1:6

Uuna bëëdö nou pïïdhö ki gïï mo thööth, 'ba atïmö ni duua mo nøk. U bëëdö nou cämö, 'ba u ba jäŋ. U bëëdö nou mädhö, 'ba u ba røm. U ruuö ka abïïe, 'ba dëëtu ba murri. U mägö ki jap kwäk mou, 'ba kïïce mou bëëdö kede otuc.»