Odheea 3:4 - Wëël Jwøk

⁴ Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput mana näk gïr lam, wala juu møøk mo di lamø.

Odheea 3:4 Iomraidhean Croise

Wïlöölö 31:19

'Ba kar kaaca Leeban oci kuna nyaar jïëc dïëk moe; ni ö Reecalli ni kwal gïï lam moa näk mo wänni.

Wïlöölö 31:34

'Ba Reecal gïï lam moøgø ee nø lwør, ni kïth geni tier køøm man wø kïth bäät athïrööl, ni pï piny bäätge. 'Ba kanya ö Leeban na bäp yo oduŋkaara bäre, geni käre joodø.

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

2 Camiel 6:14

'Ba kar kaagø, Deebit aput tägö ki meeŋ ki cwïnye bäre nyïm Wuuö Jwøk, ni eno ruyö ka abïïn wø cwøl ni ëëput na näk cwääc ka waac lïïna.

2 Nyeye 23:24

Køøre Jöcaya, ajuuk, ki jiy mo rege da juu mo cøøra jwïëc jøøa no othøw, ki gïïa no otieŋø na gïï lam ki juu møøk, ki gïïa näk yi Wuuö Jwøk raac ki ge bëët na en yi Jerucalem ki ŋööm Juuda bäre araanynye, ni dwøga luup ciik wïïe moa no ogöör yi wëëlö mana joot Kilkiya na näk Kwääy Lam Mana Dwøŋ yi Øt Wuuö Jwøk.

2 Luup Nyeye 15:2

ni ci wøk kuna røømge ki nyeya ma Aca, ni kööe jïgø, ni «Cek ïthï baŋa, ï na nyeya ma Aca, ki uuni bëët, u na jø tuuŋ Juuda ki jø tuuŋ Benjamen. Wuuö Jwøk, kany wø bëëdu dëëre, bëëdö ki uuni. Ni näk mo eni manynyu manynyø, eni jootu joodø; 'Ba ni näk eni you wiiø, u wiie wiiø thuwø.

Bwøth Wøk 28:4

'Ba abïïe moo tïïc jøøgø jï Aran ki wääte beege abïï käw, ka abïï mana cwøl ni ëëput, ki jalabiiya mo ciek, ki jalabiiya mør mo okwøø ni bäär no ocwääö ni waŋe orïëm, ka abïï man wø meen wïc, ka abïï mo ocwääö na kaw. Ni ö abïïe moøgø ni tïïcge ge ni ena kur keerge kiper cöögu ma Aran ki wääte, naa tïnyge ni gena dïlämme.

Bwøth Wøk 28:6

«'Ba abïï mana cwøl ni ëëput wär tïïcge ki warkey, ki waare mo kïtge caala kït abïcøle, ki ma dïmuur, ki mo kwaar, ki waac lïïna mo tar mo mïërö, ni cwääya dhaanhe mo waŋe riek ki tïïc manøgø.

Wëël Kïmmö 2:9

Dhøk kiir apäänhnhö piny ni buŋi ya ŋøømmi, ni ö dïdëëdi moe ni tøc ge ni raany ge. Nyeya mare ki kwääri moe ge bëëdö dï wïth juurre ni ge mak ka tøŋ. Ciik atïmö ni bäŋgø këët, ni ö nyïïkuk Jwøki ni tïme ni bäŋ gïï wø nyooth ki yi wïc mo jootge baŋ Wuuö Jwøk.

Edhikiel 19:14

'Ba maac aö wøk ki ri bat mare mana pere leth, ni put lwinh jaath ki nyïï gø thöör ki waaŋ, ni put tïmö ni bäŋ bat aciel mo odööŋ mo rømø ki man tïme na athøny kwär mar cuumme.› Manøgø bee luum kïmmö man wø wär na duut kiper kïmmö.»

Edhikiel 20:32

« ‹Uuni, u wø köö, ni «Wa manynya gø nee wa tïmwa ni wa caala wïth juurre møga, ni wa bëëdö kaamar jø bäät piny mo wø lam jenni ki kïte.» 'Ba gïnögø ni caarru enø ba tägi na bäre bäre.

Edhikiel 21:21

Kiper nyeny Babiløn kanyo ööe, eno cuŋŋi yïth agääk jïëthe moa na ariiø, ni tïïe ki nyuuthe ka athëëre, ni pëëny kït gïï wø lame, ni tïïe ki jap adïëda mo tïïc ka cwïny lääy.

Edhikiel 21:31

Gootø käla bäätu, ni ö wëërri mara ni wø liel kaamar maac ni kønynya gø bäätu; aani u cïba ceŋ jiy mo reyø døc mo geno kwänynyö døc ka aranya.

Daniel 11:31

«Ni ö lwaa leny mana en dëëre ni thïïŋge dëëtge dëër kar lam na näk ogeerø ni teek, ni mänge olämme mo wø cïp cooth. Køøre geni gïna näk ec raac ki gø døc na näk gïr ränynyö, cwöthge piny.

Daniel 12:11

«'Ba ki mano täge ki kanyo män olämme yie mo wø cïp cooth, ki kanyo ö gïna näk ec raac ki gø døc na näk gïr ränynyö noo cwödhi piny, thöödhö ki nïne ma kuma ki dïpe ariiø ki pïërabïŋween.

Daniel 9:27

'Ba kwäärö manøgø tudö ki luubö mo teek ma kar cwiiri abïriiø, ni tuude ka jiy mo thööth; 'ba noo tïme na thääŋ cwiiri abïriiø moøgø, eni, jiy di mänö ki man cïpö ko olämme ki muuce mo beel. 'Ba eni na käl ränynyö, gïna näk ec raac ki gø døc ocwöth piny wï Øt Jwøk, këël kanyo tïme na aŋuudi mano kïth ränynyö bääte mana näk oŋølø kipere.»

Odheea 13:10

?Age nyeya maru ennø, mo løny jïre ki man piem uuni? ?Age dïbwöthe mou moa en yïth päänye mou bëët, na cäänu ki geni ni kööu, ni ‹Wa röönynyi ki nyeya ki kwääri›?

Odheea 13:11

Aana cïpö jïïu ki nyeya ni aano wëër, ni lwøra gø ki køør wëër mara.

Odheea 2:11

Aani thuwø ajwöm moe bëët mo wø wøøre ŋøla ŋølø, ni beege ajwöm moe mo wø wøøre ki yi cwiir, ki wödö mare man wø wøør päär mar dwääy ki gø, ki man wø wøør cääŋŋe mo jwöm, ka ajwöm moe møga bëët moa no ocïp piny nee wø wøør.

Ciik Kiper Dïlämme 8:7

Ni ö eni ni røø jalabiiya mana bäär dëër Aran, ni ö kawi mar abïï ni twöö gø yi gø, ni røø jalabiiya mana ciek dëër gø, ni røø abïïna cwøl ni ëëput dëër gø, ni twöö ëëput dëër Aran, ni twöe ka kaan abïïn ëëput na näk ocwääö ki riek waŋ, ni beeye mana twöö ëëput piny ki gø dëër gø.

Dhekaraya 10:2

Juu moa näk patha adïëri ge cara tööt, ni jø adïëda jammi mo wø carge no onyoodhø jïge beege mo cwøk; geni, ge cara lääk mo patha adïëri, ni ge cøømma cwïny jiy ki gïï mo bäŋ tietge. Kiper manøgønø, jiy geno thääyi kaamar dïëk mo bäŋ dïkwääy jïge, ni caar geni kiper na bäŋe ŋat bwøth geni.

Dhekaraya 13:2

Wuuö Jwøk, eni na wïth jammi bëët, aköö, ni «Dïcäŋöca, juu moa näk patha adïëri raanynya raanynyø yi ŋöömö ni tïme ni wïc ba par ki nyeŋge këët. Ge raanynya raanynyø ge bëët ki nyïïkuk Jwøk moa näk patha adïëri ki jwïëc juuga reyø na näk ba waany.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Jøøn 19:15

'Ba gena rëëdö døc, ni köge, «Aayï ki gø, aayï ki gø, ni gurï gø bäät jaadha no odëëdö!» 'Ba Paylat aköö jïge, «?Aŋø, nyenynyu daa gurö bäät jaadha no odëëdö?» Ni løgi ya kwääc laammi, ni «Waani jïwa bäŋ nyeya mør, 'ba beeye Cidhar keere na nyeya marwa.»

Ibaru 10:26

'Ba ni näk mo ø poot cøøa yïth raay ki teek wïc, ni luumma näk adïëri yøø nø kwany, doo bäŋ olämi këët mo dagø kiper raay.

Pïëmme 17:5

'Ba nyenøgø na Mikiya enø, jïre da øtø mo ee tïïö kiper juu mo wø wøøre, ni eno tïïö ki gïr lam mo cwøl ni ëëput, ki juugo cøøri na terapim; ni lwør wääde aciel røk wääte, ni cïp tïïc manøgø cere, kiper nee tïme na dïlämi mare.

Pïëmme 18:14

Kanyøgønø, jøøa näk abïïc na kwøŋ ci kuna liew ŋööm Laaic aköö jï nyïïmëëkge, na «?Aŋø, ŋäyu ni røk uutögø, da øtø aciel mo yie da ëëput ki juuga cøøri na terapim, ki kït gïn mo otieŋø ki kït gïn mo oleenyø, ni beege gïï wø lam? Kiper manøgønø ennø, cädu kiper gïno tïïyu nø.»

Pïëmme 8:27

Køøre Gidien warkey manøgø atïïe na ëëput, ni cïp gø pääny poge ma Opara; 'ba jø Icriel bëët ëëput manøgø atïïcge kaamar jwøk, ni cwïnyge onieŋ køøre kaawat man wø tïïc dhaaŋ paac mo rïïŋö køør käp. Ni put gïnögø tïmö ni caala abïëp kiper Gidien ki jø paare.

1 Camiel 14:3

'Ba Kwääy Lam Mana Dwøŋ na bëëdö buutge kaagø, na abïïna cwøl ni ëëput ee røø dëëre, beeye Akiya wär Akitöp, Akitöp cöök Ikaböt o Piniac, Piniac wär Ëli, ni beeye Ëli na bëëdö na Kwääy Lam Mana Dwøŋ mar Wuuö Jwøk kanya cwøl ni Cëëlö. 'Ba kuc jiyi ni Jönathan onø aay.

1 Camiel 15:23

Kiper ki man gëëmö ki Wuuö Jwøk caala raay mo ŋat wø tïïc tïï ajwøa, ni ö teek wïci ni caal raac ŋat wø lam juu møøk. 'Ba ennø møn, kiper mana nø kwierï dwør Wuuö Jwøk, Wuuö Jwøk thuwø ïïna kwiere ki man bëëdï na nyeya.»

1 Camiel 2:18

'Ba këël na bëëde ni Camiel poot na nyilaal, eni tïïö nyïm Wuuö Jwøk no oruyö ki ëëput mo tïïc ka waac lïïna.

1 Camiel 21:9

Køøre Kwääy Lam Mana Dwøŋ aköö, ni «Ka adïëri møn, opëëllö mar Göliat nyï Pilitin mana 'nägï Goor Ëla nut no ocïp piny ŋää ëëput noo bääö ka abïï; 'ba ni näk ï manynya gø nee kälï, kälï. Kiper bäŋ opëëllö mør këët.» 'Ba Deebit aköö, ni «Bäŋgø mo kaala gøøni këët nø; wëëk aani.»

1 Camiel 22:18

Køøre nyeya aköö jï Döweek, «Nyie Döweek, ö maal ni 'nägï dïlämme.» Kanyøgønø, Döweek nyï Ëdöm aput ö maal ni 'näk dïlämme; ni jiy moa nääe bëët dïcäŋögø beege jiy ma pïërabära ka abïïc, ni jøøgø bëët beege dïlämme mo wø røc abïïga cwøl ni ëëput na näk ocwääö ki waac lïïna.

1 Camiel 23:6

'Ba kar kaaca, kanya ö Abiethaarri wär Ayemëlëk na rïŋ baŋ Deebit Kïïla, eni rïŋŋi ni ëëput kääre käärö.

1 Camiel 23:9

'Ba aŋäc Deebiti ni Cøøl manynya gø nee tïïe ki gïn mo leth dëëre. Kanyøgønø, Deebit aköö jï Abiethaar na näk Kwääy Lam Mana Dwøŋ, ni «Käl ëëput kany.»

1 Camiel 30:7

Køøre Deebit acäänö ka Abiethaar Kwääy Lam Mana Dwøŋ, ni beeye Abiethaar wär Ayemëlëk, ni kööe, na «A kwaya ïïni, käl ëëput buuta kany.» Ni ö Abiethaarri ni kïth ëëput buut Deebit.