Odheea 3:1 - Wëël Jwøk

¹ Køøre Wuuö Jwøk aköö jïra, ni «Ciï ni cäŋï mëër marï nyoothø jï cïïï, këël na bëëde ni mëër ki cwøw møøk ni bëënna käp. Beerra man mëërï ki gø, kaawat mana tïïc Wuuö Jwøki ni bëëde ni mëër ki jø Icriel, këël na bëëtge ni ge lämö ki juu møøk, ni ge mëër ko omøki moa no omiiø na dhøgi na näk ocïbö no olämme.»

Odheea 3:1 Iomraidhean Croise

2 Camiel 6:19

Køøre, eni dääpe ki nyïïomøki mo omiinynyø na dhøgi apääŋŋe jï jø Icriel moa thööth kaagø, ni beege cwøw ki mään, ni pääŋŋe jï ŋati man nø ki ŋati man nø. Køøre jiy bëët adøø mïëcge ni ŋati man nø døøa paare.

2 Nyeye 13:23

'Ba Wuuö Jwøk met ec ki bäth ec mare anyoodhe jï jø Icriel, ni løø cwïnye baŋge, kiper luumma näk ee tuudö ki Eeberam ki Aydhak ki Jeekap, ni eni ba many man raany jø Icriel, wala ki man riem ge buute, këël dïcäŋi en.

1 Luup Nyeye 16:3

Køøre eni dääpe, ka aleye mo rïŋ, ki nyïïomøki mo omiinynyø na dhøgi apääŋŋe jï jø Icriel bëët, ni beege cwøw ki mään, ni pääŋŋe jï ŋati man nø.

Neemiya 9:31

'Ba ki køør mëër marï na päl, ge kärï wiiø, ni ge kärï raanynyø na bäre; kiper ïïna Jwø wø nyooth met ec, ni ïïna Jwø mëër.

Bwøth Wøk 32:6

'Ba na tïme na amöölla cøøn gena put päny maal ni cïpge ko olämme mo wø waaŋ, ni känge ko olämme mo wø duunni ki mëër; ni ö jiyi ni pïge piny ni cämge ni mäthge, ni öge maal ni mielge.

Obeec Dudi 2:5

Caam aani ki cam mo dëëra nathïk ki gø. Wëëk dëëra tëënnö ki nyïïjaadho cama, kiper dëëra bëëdö no oööl mëërri.

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Jeremaya 3:20

'Ba ka adïëri møn, kaawat man wø ö dhaage mo cwïnye ogaa wøk ki cwøre ni wec cwøre, uuni, u na jø Icriel, uuna bëëdö ni cwïnynyu ogaa wøk ki aani.» Luummögø caana Wuuö Jwøki.

Jeremaya 31:20

Wuuö Jwøk aköö, na «?Aŋø, Ipariem paa wääda mana pere leth jïra? ?Aŋø, eni paa nyilaal mana met yia ki gø? Ka adïëri møn, këël na bëëda naa cäänö dëëre ki gïï mo leth, eni poot lääŋŋa lääŋŋö. Kiper manøgønø, cwïnya ena baŋe; ka adïëri møn, mëër mara nyoodha nyoodhø jïre.» Luummögø caana Wuuö Jwøki.

Odheea 11:8

«?Wui jø tuuŋ Ipariem, olønye nidïï ki man cïba uuni ceŋ jø møøk? ?Wui u na jø Icriel, olønye nidïï ki man wiia uuni nou aayu? ?Aŋø, løny ki man raanynya uuni kaamar jø Adama ki jø Dheböym? Cwïnya akweer ki man tïïa gïnögø, ni ö bäth eci mara ni jääny wøk ki mëër.

Odheea 2:5

Kiper miige bëëdö ni gatha dëëre, ni eni jayi ka jöö mo määnö. Kiper ena köö, na ‹A cäädhö køør omëërri 'moa, ni wø cïp cam jïra, ki pïï, ka abïï ma cuup, ka abïï ma lïïna, ki maaw, ki gïn maadha.›

Odheea 4:11

«Tiet luup atïmö ni ba kwanyge kiper käp, ki maath kwøk nyïïomøki moa no oruu ki moa nyärö.

Odheea 7:5

'Ba kanya tïme na cäŋ ajwöma mar nyeya marø, kwääri gena meer ki køøŋø døc ni bøølge, ni ö eni ni makge ceŋge na aciel ki jø abuua.

Amøc 2:8

Ni buutge buut gïï wø waaŋ olämme bäätge, ni ge buta yïth abïïe moa lwør na dïgïti; ni mäthge øt jwøge ki kwøk nyïïomøki mo jøøa näk bäätge ocämmö ki jammi.

Amøc 6:6

Uuni ni wø maath kwøk nyïïomøki ka arööt mo døøŋŋø, ni wïïrru dëëtu ki mädhi mo ŋwäänyge met, 'ba u ba kïmmi kiper ränynyö mar jø Icriel.

Mikiya 7:7

'Ba aani, aano bëëdö naa raŋŋa mar Wuuö Jwøk ni cwïnya da ŋäädhe, naa koora mar Jwøk, eni noo piem aani. Eni na Jwøk mara, dwøra wïnynye wïnynyö.

Dhekaraya 1:16

Kiper manøgønø, luumma caan Wuuö Jwøki bee en, ena köö, ni ‹Aani a duua Jerucalem ni bäth ec mara yaa nyoodhø jïre; ni ö øtø mara ni cäŋi geerrø yie, ni ö Jerucalemmi ni cäŋi geerrø bäre.› » Luummögø caana Wuuö Jwøki, eni na wïth jammi bëët.

Mathiew 26:50

'Ba Jecu aköö jïgø, ni «?Nyawat, aŋø, ï öömï ŋø kany?» Køøre gena öö ni gäämge Jecu ni makge gø.

1 Körin 10:21

Ba doo løny jïïu ki man mäthu ya athöönh Kwäärö, ki man mäthu ya athöönh anäge. Ni ba løny jïïu ki man cammu cam mar Kwäärö ki cam mar anäge.

1 Körin 10:7

Käru tïmö nou lämö ki gïï wø lam kaawat mana tïïc jø møøki dïge. Kaawat mana gööri, ni «Jøøgø gena pï piny ni cämge ni mäthge, ni öge maal baŋ meeŋ.»

1 Piter 4:3

Wär yïthu thumge nø ki nïra pöödhö na wara tïïyu gïï wø met yïth juurre ki ge ni wø tïïcge, keda man bëëtge ni geno nieŋ dëët gïï mo patha karge, ni cwïnyge ena køør raay, ki maath, ki wïïrö kwör kwøŋ, ki meeye, ki wøør juu møøk na reyø døc.

Pïëmme 10:16

Kanyøgønø, geni juuga path moa en yïthakicge aputge wec, ni tïmge ni ge tïnynya Wuuö Jwøk. Køøre Wuuö Jwøk cwïnye apädhö ki caarø manø ni teek ni caar jø Icriel ki gø enø.

Pïëmme 9:27

Køøre jø Cekam aci yïth pwöth ni putge kwany ki nyïïomøki, ni biicge ge, ni nywøpge gø na køøŋø, ni tïïge ka ajwöm met ec; ni dønyge yi øt jwøk marge, ni beeye jwøk man wø wøørge, ni cämge ni mäthge, ni täkge ki man jøøŋge Abimëlëk.