Odheea 2:9 - Wëël Jwøk

⁹ «Kiper manøgønø, beel 'moa wara warø baŋe ni 'käla ge kanyo ciekge, ni wara køøŋŋa na met ni 'käla gø dïcäŋo kee. Aani thuwø abïï cuup mara ka abïï lïïna mara, moa cïba jïre nee dëëre uume ki ge kiper wääth-dëël mare, wara warø baŋe ni 'käla ge.

Odheea 2:9 Iomraidhean Croise

Edhikiel 16:27

'Ba aani, cera atïŋa maal bäätï ni jääla ïïni ni tïïa ŋøøm moï ni nøk; ni cïba ïïni ceŋ nyïïmän moï na many ïïni, ni beege jø Pilitin na wïthge lää ki bëët käp mana tïïyï.

Edhikiel 16:39

Køøre ï cïba ceŋ omëërri moï, ni ö geni ni toorge uut lam moï piny, ni raanyge kwör lam moï moa en bäät thuuri, ni pwöthge abïïnï wøk dëërï, ni kälge jap mïërö moï wøk dëërï, ni wecge ïïni jaak niï bëëdö ka dëërï ni bäŋ gïrpiny riï.

Edhikiel 23:26

Geni thuwø abïïgï pwöthge wøk dëërï, ni ö jap mïërö moa en dëërï ni kälge ge.

Daniel 11:13

Kiper nyeny jï løø Wï-Piny cäŋa määnyö ki lwaa leny mør mo pälla eni ki mana dïkwøŋ. 'Ba kanyo tïme na køør cwiiri møøk, eni öö ki lwaa leny mo päl, mo dëëtge päŋ ki jap leny.

Odheea 2:3

'Ba ni näk mo ba tïïe, eni wëëga wääth ki dëëre, ni put tïmö ni bëëdö ka dëëre ni caala dïcäŋa lwaarø ki gø. Eni tïïa tïïö ni caala paap mo otal, ni tïïa gø ni caala ŋöömö ma tëën, ni puta eni 'näk ki riew.

Odheea 8:7

Jø Icriel apïïdhö ni tïme kede ge piitha jamø, ni ö gïïa kacge ni tïme kede apwøyaweerø. Beel moa näk cuŋŋö yi pwödhö atïmö na adibøøye, ni bäŋe nyeŋ mo ege joodø. 'Ba këël møøk doo jïtö, jiy mo path puta öö ni thöörge gø.

Odheea 9:2

'Ba kwör wø dïn beel yïthge ki kwör wø biic nyïïjenni yïthge, u ba jïti ki jäŋ yïthge këët. Kwøk omøki tïmö ni ba jootu caar.

Jool 2:14

?Aŋa ni ŋäc gø? Kanymør ree di løø, ni war cwïnye, ni wëëk køøre ki gwïëth, ni jïtu ki beel ki kwøŋ mo løny ki man cïpu ge na muuce jïre, eni na Wuuö Jwøk, Jwøk maru.

Jepaniya 1:13

Geni, jap kwärö moge otwier, ni dööŋ uudi moge ni bäŋ gïrpiny yïthge. Geno gëëdö ki uudi, 'ba ge ba bëëdö yïthge, ni pïïthge ko omøki, 'ba kwøk nyïïomøki ba maathge.»

Milkiya 1:4

Kanymør jø Ëdöm köö, ni «Powa oraanynyø; 'ba waano duui ni cäŋwa kwöra no oränynyö geerrø.» 'Ba Wuuö Jwøk, eni na wïth jammi bëët, aköö, ni «Këël ge doo gëëdö, poot nyaa piny. Ni ö jiyi ni cwølge kaace ni po jøøa reyø, ni beege jøøa wëër Wuuö Jwøki ki geni na bäre bäre.

Milkiya 3:18

Køøre nø, ocäŋ tïmö ni løny jïïu ki man ŋäyu ŋata beer ki ŋata raac; këël ŋat wø tïny Jwøk ki ŋat wø ba tïny gø ŋäyu ŋääö thuwø.»