Odheea 2:8 - Wëël Jwøk

⁸ Kiper kuue ki man näk mo bee aani ni wø mooc gø ki beel, ki køøŋø mo met, ki maaw, ni wø cïp gwet-bïrö ki warkey ni thööth jaak jïgø, jap wø kønyge dëëtge ki ge ki man jiiŋge jwøge man wø cwøl ni Baal.

Odheea 2:8 Iomraidhean Croise

1 Luup Nyeye 29:16

Wui Wuuö Jwøk, Jwøwa, jammi moi ni thööth bëët ii na cïpwa nee øtø geer kiper nyeŋŋï na en kur keere, käla baŋï, ni beege moï bëët.

Jööp 19:8

Eni jöö mara ee gëëŋö ni bäŋ kany mo pöödha ki yie. Eni nyeŋ jïëthe 'moa ee wïrö ki muudhö.

Aydheea 1:3

Dhieŋ wänni ŋääe, ni ö arëënni ni ŋäc kar cam mana jiiŋ wänni jïre; 'ba jiya ma jø Icriel, a na wääge a kucge, ni tier luumma ba kwanyge.»

Aydheea 46:6

Da jiy mo warkey wø kunyge wøk ki yïth opïri moge, ni rømge gwel-bïrö bäät gïr røm, ni cwötge ki ŋat mo waŋe riek ki tïï warkey, ni ö ŋatøgø ni tïïc gø na kït gïn wø lam. Kanyøgønø, cøŋge këëlge piny nyïme ni wøørge gø.

Jeremaya 7:18

Obwöre wø möödö ki jenni, ni ö wëëe ni äpge mäc, ni ö määnni ni cuutge ki muunni nee tïïge ki dääpe jï jwøa cwøl ni Gwanynyø Mar Maal, ni kunyge piny ki køøŋø jï juu møøk, ni ge raanynya cwïnya.

Edhikiel 23:41

Ni pïge piny bäät køøm mo mïërö mo nyïme okïthö ki tharabëëta mo bääte ocïpö ki gïn wø jïye ŋwääi ni met, ki maar wïïr, ni beege japa näk 'moa.

Daniel 3:1

Nyeya ma Nabukedenecör atïïö ki gïn ma kït gïrpiny mar warkey mo bäye beeye gööye ma pïërabïciel, ni bär mar deŋŋe beeye gööye abïciel; ni cwöth gø piny yi pwöl Dura yi ŋööm jø Babiløn.

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Odheea 10:1

Jø Icriel atïmö kaamar jaath omøk mo oløth, ni jïte ki nyïëdi mo thööth. 'Ba kany wø tïm jammi moge ni thööth beeye kany wø tïïge ki gïï wø cïp olämme bäätge mo thööth; ni kany wø bëëny ŋöömö marge beeye kany wø cööthge piny ki kïte mo thööth mo wø lam.

Odheea 13:1

'Ba kanya wara cään jø dhi øt Ipariem, jiy dëëtge puta tïmö ni kwanynyi; ni ge bëëdö no owøørø dï Icriel. 'Ba gena bääyö ki køør mana lamge jwøa cwøl ni Baal, ni ö thøø bäätge.

Odheea 13:2

'Ba ennø, jø dhi øt Ipariem raay atïmö ni meetge bäätge; geni, ge tïïö ki kït gïï wø lam kiper dëëtge, ni tïïcge ka gwel-bïrö, ni tïïya rëëmmö ki jöör riek waŋ. Ni ö luubö man ni caani kiperge na ennø nø, ni «Geni, ge jëëtö ki dhaanhø man cïp olämme, ni nuumge kït gïï wø lam moøgø na no otïïö ni caala nyïïrøøe.»

Odheea 2:5

Kiper miige bëëdö ni gatha dëëre, ni eni jayi ka jöö mo määnö. Kiper ena köö, na ‹A cäädhö køør omëërri 'moa, ni wø cïp cam jïra, ki pïï, ka abïï ma cuup, ka abïï ma lïïna, ki maaw, ki gïn maadha.›

Odheea 4:11

«Tiet luup atïmö ni ba kwanyge kiper käp, ki maath kwøk nyïïomøki moa no oruu ki moa nyärö.

Odheea 8:4

Gena röönyö ki nyeye naa kärge pëënynyö, ni röönyge ki kwääri ni bäŋ gïn mo ŋääa kipere. Gena tïïö ki kït gïï wø lam kiper dëëtge, ni tïïcge ka gwet-bïrö ki warkie moge, 'ba geno put ränynyö ki køør japøgø.

Abakuk 1:16

Kiper manøgø nø, ge wø cïpö ko olämme jï ajääpi moge, ni wääŋge ki gïn wø jïye ŋwääi ni met jï ajääpi moge, kiper beeye ki køør gïïögø na jïtge ki kwärö, ni tïm cam marge ni päl.

Luk 15:13

'Ba na tïme na køør nïne mo nøk, wäädö mana thiinh jape bëët alwøre ni tïŋŋe ni aa paac mør mo bäär, ni raany jape kaace ki bëëtö mo raac.

Wëëlö Mana Göör Pøølli Baŋ Jø Röm 1:28

'Ba na tïmge ni yïthge ba met ki man ŋäcge Jwøk, gena kwier Jwøki ni wëëk ge bëëtö ki cwïny mo raac ni wø caar gïï mo reyø, ki bëëtö mo patha kare.

Tiet Ciik 8:18

Patha eni. Ŋata dou cädö kipere beeye Wuuö Jwøk na näk Jwøu, kiper beeye eni ni wø mooc uuni ki teek ki man jïtu ki jap kwärö, kiper nee luumma tuude na kööŋe ki gø jï kwäyu nee nyoodhe jïïu na adïëri, kaawat man bëëde dïcäŋi en.

Pïëmme 9:27

Køøre jø Cekam aci yïth pwöth ni putge kwany ki nyïïomøki, ni biicge ge, ni nywøpge gø na køøŋø, ni tïïge ka ajwöm met ec; ni dønyge yi øt jwøk marge, ni beeye jwøk man wø wøørge, ni cämge ni mäthge, ni täkge ki man jøøŋge Abimëlëk.