Odheea 2:7 - Wëël Jwøk

⁷ Eno rïïŋi køør omëërri moe ni ba mak ge; ni many omëërri moe ni ba joot ge. Køøre eno kööi, na ‹A døøa baŋ cwøra mana dïkwøŋ, kiper beerra bëëtö mara manece ki man ennø.›

Odheea 2:7 Iomraidhean Croise

2 Luup Nyeye 28:23

Kiper ena cïpö ko olämme jï juu mo jø Damacka na bööt eni, ni kööe, ni «Kiper juu mo nyeye mo Aram jicge akønyge, aani beerra man cïpa ko olämme jïge kiper naa kønyge.» 'Ba aput tïmö ni käla ränynyö mo päl bääte ki jø Icriel bëët.

Aydheea 30:16

Uuna köö, ni ‹Ba løny, wa päära wøk ko okwëëc lääy, wa päära wøk ko okwëëc lääy mo rïïŋö døc.› Wøp nø, uuno päär wøk! 'Ba jiy moo rïŋ køøru ge rïïŋö døc ni kaala uuni.

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Jeremaya 2:2

ni «Ciï ni køpï luummi ni wïnyö jï jø Jerucalem, ni kööï ni luumma caan Wuuö Jwøki beeye en, ena köö, «ni ‹Ï na Icriel ï poot lääŋŋa lääŋŋö ki mana cïpï cwïnyï jïra niï poot thiinh, ki mëër mana mëërï ki aani kaamar dhaagø thiinh, ki mana caathï køøra dï paap bäre, yi ŋöömma näk kär puurö.

Jeremaya 2:28

?'Ba u na jø Juuda, age juu mou moa tïïyu kiper dëëtu? Beerra man öge maal, ni näk mo løny jïge ki man piemge uuni kany wø enu yïth gïï mo leth; kiper juu mou thööth ni röömi ki kwään päänye mou.

Jeremaya 2:36

?Aŋø ni wïïrï yïthakic jiy en, ni wellï uutjïëthe moï en? Wïïï olää jø Ijepi, kaawat mana ö jø Aciria na lääge wïïï.

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 31:18

«Ka adïëri møn, dööt jø Ipariem wïnyö jïra ni ge jwöŋö, ni ge köö, ni ‹Waana pwötï kaamar nyirøøa mo wïïe känni, ni wïnywa pwöc manøgø; duu waani baŋï, nee bëëtö marwa døø kare, kiper ï na Wuuö Jwøk, bee ï na Jwøk marwa.

Jeremaya 31:32

mo ba caal luubö mana kwøŋa tuut ki kwäcge kanya maa ceŋge ni käla geni wøk ki Ijep, ni beeye luumma tuuda ki geni na dhalge, këël na bëëda jïge naa bëëdö kaamar dïcwøø ki cïïe.

Jeremaya 44:17

'Ba ka adïëri møn, waani, gïna nø ö wøk ki dhøkwa tïïcwa tïïö, ni beeye ki man cïpwa ko olämme jï jwøa cwøl ni Gwanynyø Mar Maal, ni kunywa piny ki køøŋø jïre, ni caala mana wara tïïcwa, ki mana wara tïïc kwäcwa ki nyeye mowa ki jøøa kwörge døøŋŋø mowa dï Jerucalem ki yïth päänye mo Juuda bëët; ni kar kaace jïwa da cam mo päl, ni bëëtö marwa beer, ni bäŋ gïn mo raac mo otägö dëëtwa.

Edhikiel 16:18

Ni ö abïïga beyø moï ni kälï ge ni rïëbï ge dëëtge, ni ö maawi mara ki gïï wø jïcge ŋwääi ni met 'moa ni cïbï ge nyïmge na muuy.

Edhikiel 16:8

« ‹Køøre na cäŋa cur buutï na raŋa ïïni, ïïno nø pïï ri cwiic nywöm. Kanyøgø abïï mara aputa peer bäätï ni buŋa dëërï ki gø kiper wääth dëël marï; ni kööŋa ki man nywøma ïïni ni tuda ki luubö ki ïïni, ni putï tïmö ni ïïna thööŋŋa. Luummögø caana aani, a na Kwäärö Wuuö Jwøk.

Edhikiel 20:32

« ‹Uuni, u wø köö, ni «Wa manynya gø nee wa tïmwa ni wa caala wïth juurre møga, ni wa bëëdö kaamar jø bäät piny mo wø lam jenni ki kïte.» 'Ba gïnögø ni caarru enø ba tägi na bäre bäre.

Edhikiel 23:12

Eni ena rïïŋö døc køør jø Aciria, ni beege kwääri ki dïbwöthe, jøøa bëëdö na jø leny mo dëëtge ege runynyö ka abïïe mo beyø, ni ge këëdi ka bäät okwëëc lääy, ni geno obwöre mo nëëni ni mïërö.

Edhikiel 23:22

«Kiper manøgønø, ï na Ööliba, luubö mana caan Kwäärö Wuuö Jwøki kiperï bee en, ena köö, ni ‹Aani, omëërri moï tïïa tïïö nee öge maal bäätï, jøøa løøï nyïmï wøk ki geni na männï ki geni; geni, ge tïïa tïïö nee öge maal bäätï ki kwöra enge yïthge bëët,

Edhikiel 23:4

'Ba nyïgögø, mana dwøŋ nyeŋŋe cwøl ni Ööla, ni beeye nyeŋ mo nyootha Cameria; ni ö nyeŋ maya ni näk beeye Ööliba, ni beeye nyeŋ mana näk nyootha Jerucalem. 'Ba nyïgögø gena nywøma ni jïta ko obwöre ki geni, ni beege cwøw ki mään.

Daniel 4:17

Luummögø beeye mana cem nyïïatwiet maalli, ge na jø koor, ni beeye mana ŋølge, ge na en kur keerge, kiper nee ŋäc jøøa kwøwi ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak, ni beeye ŋata kare bäŋgø dï jiy.›

Daniel 4:25

ki man näk miï riema wøk ki dï jiy, ni tïm kar bëëtö marï ni ena dï lääc paap, ni tïmï niï cama luum kaamar dhieŋ, ni bëët dëërï ni thec ki thööy ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak.

Daniel 4:32

ni riem ïïni wøk ki dï jiy, ni tïm kar bëëtö marï ni ena dï lääc paap. Ïïni, ïïno cämö ki luum kaamar dhieŋ ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöp nyec mo jiy, ni løny ki man cïp gø jï ŋato manynye jaak.»

Daniel 5:21

Eni thuwø, ena rïëm wøk ki dï jiy, ni ö acaara mare ni tïme ni caala mar lääc paap, ni ö kar bëëtö mare ni tïme ni ena dï arëëni mo paap. Ena bëëdö ni cama luum kaamar dhieŋ, ni bëët dëëre ni thec ki thööy, këël kanya ŋäc gø ki man näk mo Jwøa Dwøŋ ni en Maal jïre da teek bäät akwöp nyec mo jiy, ni løny jïre ki man cïp gø jï ŋato manynye jaak.

Odheea 1:2

'Ba kanya ö Wuuö Jwøki na täge ki cäänö ki ri Odheea, ena köö jï gø, ni «Ciï ni määnynyï riï ki dhaagø ma kääbi ni jïtï ko obwöre mo nywøl ka køør bëët käp, kiper jiy atïmö ni ge bëëdö ka bëët käp mo raac døc yi ŋöömö man, ni wecge aani, a na Wuuö Jwøk.»

Odheea 13:6

Kanya caama uuni, uuna jäŋ. 'Ba kanya jäŋŋu, cwïnynyu ajïtö ka atöör; køøre nø wïthu aput wïlö ki aani.

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 2:16

'Ba dïcäŋöca aano cwøle na ‹Acwørø›, ni ba cwøl a këët ni ‹Kwääya›. Luummögø caana aani, a na Wuuö Jwøk.

Odheea 5:13

'Ba kanya ö jø Ipariemmi ki jø Juuda na jootge gø ni gïï mo leth opïï dëëtge, jø Ipariem nyïmge aløøge baŋ Aciria, ni jääkge baŋe, eni na nyeya mana dwøŋ kiper nee jïtge ki køny. 'Ba ba løny jï nyeny Aciria ki man køny ge ki gïïa leth na en bäätge.

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.