Odheea 2:4 - Wëël Jwøk

⁴ 'Ba aani thuwø bäŋ bäth ec mo nyoodha jï obwöre moe, kiper geno obwöre mo gena nyïï kääbi.

Odheea 2:4 Iomraidhean Croise

2 Nyeye 9:22

'Ba kanya ö Jeyörammi na joot Jiyu, ena köö, ni «?Ï ööï ka mëër, Jiyu?» 'Ba aløk Jiyu, ni «?Mëër aŋøøni, noo poode ni juu mo meru ma Jedhebel ka ajuuk moe poot thööth døc?»

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Aydheea 50:1

'Ba man beeye luumma caan Wuuö Jwøki, ena köö, na «?Age wëël apääk mana riemma miiu ki gø? ?Aŋa na coola u baŋe kiper mana mäya baŋe? Uuni, u gath kaper raay mou, ni miiu riemmi kaper japa reyø na tïïyu.

Aydheea 57:3

Wuuö Jwøk aköö, «'Ba uuni, u na wäät jø thïëth, na wäät kääpe, u na wäät jø wø gath dëëtge ki käp, ööu kany!

Jeremaya 13:14

Ni tïïa geni nee dëëtge nyathge keerge, ni beege jø døøŋŋø ko obwöre bëët. 'Ba aani, cwïnya ba doo pädhö ki gïrge, ni cwïnya ba daa bäädhö ki geni, ni yia ba daa warø ki geni, ni ge ba wiia ki man raanynya geni.› » Luummögø caana Wuuö Jwøki.

Jeremaya 16:5

«Kiper luumma caan Wuuö Jwøki beeye en: Kärï døny yi øtø mo yie da jwøk thøø; kärï ci kuna kïmmi ki geni, ni ba ciï kuna cømï cwïnyge, kiper a na Wuuö Jwøk, mëër mara ni wø ba jøøl, ki met ec mara, ki bëët-mëër yaa paanyø bäätge.

Edhikiel 23:25

Aani cwïnya këënynyö ki ïïni, ni tïïa geni nee tïïge dëërï ki gïn mo raac ni geno wëër døc. Geni umï ki ïdhi moï ŋulge wøk, ni ö jiyï moo bøth ni nääi ko opëëllö. Geni wäätï ki nyïïï kälge kälö, ni ö moo bøth rege ni waaŋi ki maac ni puti ya maaci thöör.

Edhikiel 8:18

Kiper manøgønø, a wëër ki geni. Cwïnya ba pädhi ki gïrge këët, ni ba wara cwïnya ki geni. Ge këël doo jwöŋö deŋ ïtha ni döötge ena maal, aani ïtha ba ciia ko oduuru marge.»

Edhikiel 9:10

'Ba aani cwïnya ba pädhi ki gïna tägö dëëtge, ni ba wiia geni, 'ba tïïe moge na reyø dwøga wïthge.»

Odheea 1:2

'Ba kanya ö Wuuö Jwøki na täge ki cäänö ki ri Odheea, ena köö jï gø, ni «Ciï ni määnynyï riï ki dhaagø ma kääbi ni jïtï ko obwöre mo nywøl ka køør bëët käp, kiper jiy atïmö ni ge bëëdö ka bëët käp mo raac døc yi ŋöömö man, ni wecge aani, a na Wuuö Jwøk.»

Odheea 1:6

Køøre Gömër yie acäŋ jïtö ki dhaanhø ni lwaare ki gø na nyakøø. Køøre Wuuö Jwøk aköö jï Odheea, ni «Cak nyeŋŋe ni Lö-ruama, kiper aani bäŋ bäth ec mo nyoodha nyoodhø jï dhi øt Icriel këët, ni ge ba wëënna këët.

Odheea 5:7

Gena tïmö ni ge tïïö ki riek waŋ dëër Wuuö Jwøk, ni ge nyöödö ko obwöre ma nyïïkwaalle. 'Ba geni ki pwöth moge geno ränynyi ki køør wödö man wø wøørge päär mar dwääy ki gø.

Dhekaraya 1:12

Køøre nyïïatwiel maal mar Wuuö Jwøk aköö, «Wui Wuuö Jwøk, ï na wïth jammi bëët, ?A kany mo nyïëdi noo bëëdï ni bäth ec marï ba nyoothï jï Jerucalem ki päänye mo Juuda na gootï ki geni ki cwiiyi na pïërabïriiø ii?»

Jøøn 8:41

'Ba u bëëdö nou tïïya mana tïïc wääu.» Ni köge jïre, ni «Wa kär nywølø ni waana wäät kääpe. Jïwa da wääwa aciel, na näk beeye Jwøk.»

Wëëlö Mana Göör Pøølli Baŋ Jø Röm 11:22

Neen bäth yi Jwøk ki teek dwøre, ni beeye dwøl mo teek kiper jøøa pädhö, 'ba beeye bäth yi Jwøk kiperï, ni näk miï puta bëëtö yi bäth ec mare. 'Ba ni näk miï ba bëëdö ree, ï ŋula wøk thuwø.

Wëëlö Mana Göör Pøølli Baŋ Jø Röm 9:18

Kiper manøgønø, eni wø kønya ŋat wø kønye kaa mana manynye, ni ŋat wø cwïny gø døøc mo teek, wø døøye mo teek kaawat mana manynye.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.