Odheea 2:3 - Wëël Jwøk

³ 'Ba ni näk mo ba tïïe, eni wëëga wääth ki dëëre, ni put tïmö ni bëëdö ka dëëre ni caala dïcäŋa lwaarø ki gø. Eni tïïa tïïö ni caala paap mo otal, ni tïïa gø ni caala ŋöömö ma tëën, ni puta eni 'näk ki riew.

Odheea 2:3 Iomraidhean Croise

Bwøth Wøk 17:3

'Ba jiy anäk riewi kaace ni ge manynya pïï; ni ŋurge ki nyeŋ Modhe ni köge, na «?Aŋø na kälï wa wøk ki Ijep, ni 'nägï wa ki riew ko obwöre mowa ki lääc paac mowa en?»

Aydheea 33:9

Ŋöömö jwöŋö ni kïmme; ni ö lur Libaanø ni lää wïïe ni tale; goor Carön tïmö kaamar paap ma tëën; ni ö jenni mo ŋööm Baacan ki mo Kïn Karmël ni øc bøøge moge piny.

Aydheea 47:3

Dööŋŋö marï ki dëërï otïmö ni bäŋ gïn gëëŋ gø, ni ö lään wïci marï ni bëëde ni nëënö jaak. Kwör coola coolø ni bäŋ ŋat mo wëënna.»

Aydheea 64:10

Päänye moï na en kur keerge atïmö na dïtëën, këël Dhayan na näk Jerucalem atïmö na paap, ni bäŋ gïrpiny yie.

Jeremaya 12:10

Kwääc tiet mïëri mo thööth paac mara na beer kaamar pwöth omøki oraanyge, ni nyørge gø ki tietge; ŋöömmögø na mara enø, na mëëra ki gø, oraanyge ni tïme kaamar paap.

Jeremaya 13:22

'Ba ni näk miï köö ki cwïnyï, na ‹?Aperŋø na ö gïnni ni leth en bääta?› beeye kiper raay moï na thööth na tïmï kaamar dhaagø ma abïïne okäl wøk dëëre, ni dööŋe ki dëëre.

Jeremaya 13:26

Kiper manøgønø, aani, ï tïïa tïïö kaamar dhaagø ma abïïne okäl wøk dëëre, ni dööŋe ki dëëre, ni ö laac wïci mare ni joodi.

Jeremaya 14:3

Jøøa kwörge døøŋŋø jø tïïc moge wø jääŋge jääŋŋö baŋ pïï; 'ba kany wø pïïcge yïth aguule, bäŋ pïï mo jootge, ni duuge ni bäŋ pïï yïth agwäyi moge. Ni bëët wïthge ni laay, ni tïm nyeŋge ni law, ni kwaage ceŋge wïthge.

Jeremaya 17:6

Kiper eni tïmö ni caala abuŋŋö mo ena dïtëën, ni kanyo ö gïna beerri, ba joode. 'Ba eno bëëdö dïtëën kany ma cäŋ keere, yi ŋöömö mo yie da acäbö mo ba løny ki beet.

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Jeremaya 2:6

Geni, ge kär pëëö, ni ‹?Wuuö Jwøk en kaa, na käl øøni wøk ki yi ŋööm Ijep, na bwøth øøni ki dï paap, yïth pwöle mo otal mo ocöötö ki kääk, yi ŋöömma näk yie da meel na kany mo cøl ma kar thøø, yi ŋöömma näk bäŋ ŋat mo cør yie, na näk bäŋ ŋat mo bëëde yie?›

Jeremaya 22:6

«Kiper luumma caan Wuuö Jwøki kiper paan dwøŋ man mar nyeny Juuda beeye en: «Ï na paan dwøŋ en, këël na bëëdï jïra niï beer kaamar ŋööm Gelät, niï mïërö kaamar wï Kïn Libaanø, ka adïëri man, aani, ï tïïa tïïö kaamar paap ma tëën, ni tïïa ïïni kaamar päänye mo ba beet.

Jeremaya 4:26

Kanya rääŋa, ka adïëri møn, ŋöömma beer ni wø ciek ki cam mo päl ajooda no otïmö na dïtëën, ni jooda päänye moe bëët no onyaa piny ki køør wëër mar Wuuö Jwøk ni wø liel kaamar maac.

Jeremaya 51:43

Päänye moe otïmö ni cwïny jiy böö ki gïno tägi dëëtge, ni tïm ŋöömö mare na paap ma tëën, na ŋöömö mo bäŋ ŋat mo bëëdö yie, na kany mo bäŋ dhaanhø mo cør yie.

Jeremaya 51:5

Kiper jø Icriel ki jø Juuda kär kwier Jwøge ma Wuuö Jwøk, eni na wïth jammi bëët, këël na bëët ŋööm Babilønni man bëëtge yie en ni päŋ ki raay mo di temmø nyïm Jwø Icriel na en kur keere.

Edhikiel 16:22

Ki yïth japa reyø na tïïyï bëët ki mana bëëdï niï gatha dëërï ki käp marï, wïïï kärï parø ki nïr thïnhö marï, kanya bëëdï niï bëëdö ka dëërï ni bäŋ abïï, niï ŋïëla yi rem nyööt marï.

Edhikiel 19:13

'Ba ennø, ena piith dïtëën, yi ŋöömö mo otal mo bäŋ pïï yie.

Odheea 13:15

«'Ba jø dhi øt Ipariem këël doo bëëdö ni jammi bëët päŋ jïge dï nyïïmëëkge, jamø man wø ööi ki kur tuul-cäŋ jääŋŋa jääŋŋö bäätge, a na Wuuö Jwøk, ni kwönne ki dïtëën; ni ö jøør moge ni putge niŋul, ni ö aguule moge ni putge talø. Ni ö gïïa perge leth na en kwör kän moge ni puti twier bëët.

Odheea 2:10

'Ba aani, lään wïc mare wëëga nëënne jï omëërri moe, ni bäŋ ŋat mo piema gø cera.

Mana Nyooth 17:16

'Ba tuŋi moa jootï karge paari ki Lääy, geno männi ki kääbi manøgø, ni tïïcge gø no oränynyö ni cäädhe ki dëëre, ni camge rïŋŋe, ni waaŋge gø ki maac.

Pïëmme 15:18

Køøre Camcøn anäk riewi døc, ni jwöŋe dëër Wuuö Jwøk ni kööe, ni «Ïïni, pïëm man ni dwøŋ en man piema jø powa ki gø, anø cïbï cera, a na laŋŋø marï en. ?Aŋø, a thøw ki riew møn ennø, nee tïme naa pätha ceŋ jøøi ni kär daŋø ii?»