Odheea 2:21 - Wëël Jwøk

²¹ «'Ba dïcäŋöca a na Wuuö Jwøk lam mar jiya ma jø Icriel oløøa. Maal otïïa nee køth jääŋŋe piny,

Odheea 2:21 Iomraidhean Croise

Aydheea 55:10

Kaawat man wø ö køthi wø pänhnhe ki maal, ni ba døøk jaak ni piny käre jooø, ni ba døøk jaak ni jap piny käre wëëk tuuö ni ciekge, ni ba døøk jaak ni kär cïpö ki köödhi jï jø wø pïïdhö ni cïpe ki cam jï jiy,

Aydheea 62:4

Køør man ï ba cwøl këët ni ïïna pääny mo okwierø, ni bäŋ ŋat mo köö këët ni ŋöömö marï bäŋ gïrpiny yie. 'Ba ïïno cwøl Wuuö Jwøki ni Dhaaŋŋa Met Yia Ki Gø, ni ö eni ni cwøl nyeŋ ŋöömö marï ni Dhaaŋŋa Nywøma; kiper Wuuö Jwøk yie met ki ïïni; eno mëëyi ki ŋöömö marï kaawat man wø nywøm dhaagø.

Aydheea 62:5

Kaawat man wø ö dïcwøø wø nywøm nyakøø, ï na Jerucalem thuwø wäätï omëëyi ki ïïni; kaawat man wø ö dïcwøø wø mïn yie kany wø tïŋ cïïe na dhaagø thiinh, Jwøk marï thuwø yie mïnnö ki ïïni.

Aydheea 65:24

'Ba kany wø pootge ni ge poot kär pëëö, løøa løø jïge, ni kany wø pootge ni ge poot cäänö, döötge puta ka wïnynyö.

Edhikiel 36:29

Aani, u piema piemø yïth jammi bëët moa tïïc uuni nou ba waany. Aani, u mooa mooø ki beel ni wëëga ge ciek ni thööth, nee bäŋe käc mo ö bäätu këët.

Odheea 14:7

'Ba jiy moo bëëdö tïpö marge, ge cäŋa løthø kaamar beel, ni tïmge kaamar jer omøki mo thiiw; ni ö wïny nyeŋ marge ni tïme kaamar kwøk nyïïomøki mo Libaanø.

Jool 2:19

ni ö Wuuö Jwøki ni løk mare ni kööe jï jiye, ni «Ka adïëri møn, aani, a cïpö jïïu ki beel, ki kwøŋ mo nyärö, ki maaw, mo rømø ki man jäŋŋu ki geni, ni ba tïïa u këët na gïr apääda dï wïth juurre.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Dhekaraya 8:12

Kiper maalø køth ojääŋŋe piny, ni ö köödhi ni tucge, ni ö omøki ni nywølge ki nyïëdi, ni ö jap pinynyi ni ciekge. Japøgø bëët wëëga tägö kiper thäk jøøi moa dööŋ ni kwøw.

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Milkiya 3:10

'Ba beeye aani na Wuuö Jwøk, a na wïth jammi bëët, ni cäänö en. Ennø, kälu paac wïth jammi na karge ni kïthu gø kar kan na en yi øt lam mara, kiper nee tïme ni da cam yi øda kaace. Tïïyu gïn nou päänynya aani; køøre ojootu ni maal yaa jabø ni wëëga gwïëth mo päl døc ööny bäätu, këël mano rømu ki gø.

Milkiya 3:11

Bäänyö mäna mänö ki man cam caammi mou, ni ö nyïïomøki ni ba päthge piny ni poot kär ciek.» Gïnögø caana Wuuö Jwøki, eni na wïth jammi bëët.

Mathiew 6:33

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

Wëëlö Mana Göör Pøølli Baŋ Jø Röm 8:32

?Ŋata kär män Wääde kiree, 'ba acïbe kiperø bëët, jammi bëët ba dee mëëga øøni ki eni na aciel?