Odheea 2:20 - Wëël Jwøk

²⁰ Aani, ï miia miiø jïra ki ra adïëri, ni ö ïïni ni tïmï ni Wuuö Jwøk ŋäyï.

Odheea 2:20 Iomraidhean Croise

Wïlöölö 9:10

Ni tuuda gø thuwø ki gïïa kwøw bëët na en buutu, ni beege weny ki lääc paac ki lääc paap bëët na en buutu, na näk gïïa ö wøk bëët ki yi jääy ki uuni na aciel, këël mana këët ri lääc bäät piny bëët.

Aydheea 2:4

'Ba eni luup ŋøle ŋølø yïthakic wïth juurre, ni ö wïth juurre mo thööth ni dwøk ge kanya ciel. Ni ö geni ni thääthge opëëlle moge na jap puur, ni thääthge tøøŋi moge na jap goor wïth jenni ki ge, ni bäŋe wï jur mo kwany tøŋ ki wï jur mør, ni ge ba pwönynyi këët ki leny.

Aydheea 62:4

Køør man ï ba cwøl këët ni ïïna pääny mo okwierø, ni bäŋ ŋat mo köö këët ni ŋöömö marï bäŋ gïrpiny yie. 'Ba ïïno cwøl Wuuö Jwøki ni Dhaaŋŋa Met Yia Ki Gø, ni ö eni ni cwøl nyeŋ ŋöömö marï ni Dhaaŋŋa Nywøma; kiper Wuuö Jwøk yie met ki ïïni; eno mëëyi ki ŋöömö marï kaawat man wø nywøm dhaagø.

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 30:10

« ‹Wui, jø Icriel, u na nyïïkwaac dhaanhnha ma Jeekap, « ‹käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Jeremaya 32:41

Aani, a bëëdö ni yia met ki geni naa tïïya gïn mo beer jïge, ni këëlla tietge piny døøc yi ŋöömmi en, ni tïïa ki cwïnya bäre ki jwïëya bäre.

Jeremaya 9:24

'ba ŋat mo töödö, wär tööde kiper mana näk mo wïïe da acaara ki man ŋäc aani, a na Wuuö Jwøk, ni ŋäc gø ni beeye aani ni wø nyooth mëër man wø ba jøøl, ka adïëri ki bëënynyö bäät piny, kiper yia wø met ka teeŋ gïïögø.» Luummögø caana Wuuö Jwøki.

Edhikiel 16:62

Aani luumma tuuda ki ïïni wëëga thur kare. Kanyøgønø ŋäyï ŋääö ni bee aani na Wuuö Jwøk.

Edhikiel 16:8

« ‹Køøre na cäŋa cur buutï na raŋa ïïni, ïïno nø pïï ri cwiic nywöm. Kanyøgø abïï mara aputa peer bäätï ni buŋa dëërï ki gø kiper wääth dëël marï; ni kööŋa ki man nywøma ïïni ni tuda ki luubö ki ïïni, ni putï tïmö ni ïïna thööŋŋa. Luummögø caana aani, a na Kwäärö Wuuö Jwøk.

Edhikiel 34:25

« ‹Aani, a tudö ki luum bëët mëër ki jø Icriel, ni ö lääc paapi moa no owär ni riema ge wøk yi ŋöömö, ni öge, ge na dïëk 'moa, ni wëëga geni bëëtö dï paap ni buutge yi lul jaak ni bäŋ gïn lääŋge.

Edhikiel 34:27

Jenni mo pwöth geno ŋweel ki nyïëdi, ni ö ŋöömö ni wëëk caammi ciek ni thööth, ni ö geni, ge na jiya, ni putge bëëtö ni geno gwøø yi ŋöömö marge. Kanyøgø nø, ŋäcge ŋääö ni beeye aani na Wuuö Jwøk, kanyo käla tëëra peek wøk bäätge na caal jaath puur man wø rïï ŋut dhieŋ, noo piema geni ceŋ jøøa tïïc geni na laaŋe.

Edhikiel 38:23

Køøre nø, aani, dööŋö mara, ki bëëtö mara na en kur keere, nyoodha nyoodhø jïge, ni tïïa dëëra naa ŋäc nyïm wïth juurre mo thööth. Køøre nø, putge ka ŋäc ni bee aani na Wuuö Jwøk.›

Odheea 13:4

«'Ba bee aani na Wuuö Jwøk, na bëëdö na Jwøk maru, ki mana täge ki mana enu yi ŋööm Ijep. 'Ba uuni, u doo bëëdö ni bäŋ Jwøk mør mo ŋäyu këët, ni näk mo paa aani keera, kiper bäŋ pïëmi mør këët, 'ba bee aani keera.

Odheea 2:19

'Ba ïïni, ï miia miiø jïra na bäre bäre; ka adïëri møn, ï miia miiø jïra ki ra adïëri mara, ki ŋøl ma kare, ki køør mëër mara ni wø ba jøøl, ki bäth ec mara.

Odheea 6:6

Kiper aani, yia wø met ki mëër mo ba jøøl ni kaala olämi man wø cïp, ni yia wø met ki man ŋäc aani, ni kaala olämi man wø waaŋ bäre.

Ciik Kiper Dïlämme 26:5

Ka adïëri møn, tïïc mar dïn beel mou ba cuŋŋi këël mano këët ri pøn nyïïomøki, ni ö pøn nyïïomøki ni këët ri pïïdhö. Uuno bëëdö nou cämö ki caammi mou jaak ni jäŋŋu, ni bëëdu yi ŋöömö maru ni bäŋ gïn caarru kiper leny.

Ciik Kiper Dïlämme 26:6

« ‹Aani thuwø bëët mëër tïïa tïïö ni dagø yi ŋöömö, nou bëëdu ni rou you nyaaŋ piny ni bäŋ ŋat mo wëëk u lwär. Aani thuwø, lääc paap moa reyø tïïa tïïö ni bäŋgø yi ŋöömö maru, ni bäŋe tøŋ mo tïŋ mo ööa baŋu yi ŋöömö maru.

Mikiya 4:3

'Ba eni luup ŋøle ŋølø yïthakic wïth juurre, ni ö wïth juurre moa teek ni dwøk ge kanya ciel, këël moa kwörge bäyö. Ni ö geni ni thääthge opëëlle moge na jap puur, ni thääthge tøøŋi moge na jap goor wïth jenni ki ge, ni bäŋe wï jur mo kwany tøŋ ki wï jur mør, ni ge ba pwönynyi këët ki leny.

Dhekaraya 9:10

Jïëth leny mo wø tut okwëënyi mo Ipariem, ko okwëënyi mo leny mo wø en Jerucalem, otïïa ni bäŋ tïïc ceŋge, ni tøya tøøk leny bëët. Nyeya manøgø öö kuna køp mëër jï jiy bëët, ni käär piny ni tägi ka jï løø kur tuul-cäŋ, këël mano këët jï løø kur pänh-cäŋ, ni cäŋ tägö ki Naam Upareeti këël cuŋ piny.

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Luk 10:22

«Jammi bëët onø wëëk Wära aani, ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.»

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 8:55

'Ba eni kuyu. 'Ba aani, eni ŋääa. Onää yaa caanø, ni eni kuua, a doo tïmö ni aana twöt kaawat maru. 'Ba aani eni ŋääa, ni luumme yaa gwøø.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Pilipay 3:8

Ni jammi bëët ataa møn, kiper mana beerra eni døc beeye ki man ŋääa Krictø Jecu na näk Kwääya. Ni beeye kipere na taaa jammi bëët, ni neeta geni kaamar juu mo owetø, kiper nee Krictø ci jïra,

Köløcia 1:10

nou bëëdu ki bëëtö mo beer mo rømø jï Wuuö, ni tïïyu gïï wø met yie ki geni keerge, nou kännö ki nyïëdi yïth tïïe moo beyø moo tïïyu bëët, ni meetu mana ŋäyu kiper Jwøk,

2 Timöthi 1:12

Ni beeye ni jwøra gïï ni leth ii. 'Ba wïïa ba doo lääö, kiper ŋata ŋäädha ŋääa, ni ŋääa ni løny jïre ki man gwøk gïna wëëga eni këël mano këët cäŋöca.

Ibaru 8:11

ni bäŋ ŋat mo pwöny wati wala coki, mo köö, ni ‹Beerra man ŋäyï Wuuö Jwøk,› kiper aano ŋäcge bëët, ni tägi ka jiy moa kwörge therø këël moa kwörge døøŋŋø.

1 Jøøn 4:6

'Ba øøni, øøna mo Jwøk. Ŋat wø ŋäc Jwøk, marø wø wïnynye wïnynyö. 'Ba ŋat wø näk patha mar Jwøk, marø bäŋ wø wïnynye. Ni beeye gïnögø ni ŋääø jwïëy moa en ra adïëri, ki moa en ri cwøk.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.