Odheea 2:2 - Wëël Jwøk

² «Köömmu miiu, köömmu eni, kiper eni paa cïïa këët, naa patha cwøre këët thuwø. Beerra man wec gath-dëël mare man wø nëëni täärnyïme, ni daak bëët käp mare yïthakic thure.

Odheea 2:2 Iomraidhean Croise

Aydheea 11:12

Eni ŋïï mare tïŋe maal baŋ wïth juurre, ni cooŋ jø Icriel moa no omaa ki tøŋ; ni cooŋ jø Juuda moa no okeethø ki yïth tuk piny moa na aŋween.

Aydheea 50:1

'Ba man beeye luumma caan Wuuö Jwøki, ena köö, na «?Age wëël apääk mana riemma miiu ki gø? ?Aŋa na coola u baŋe kiper mana mäya baŋe? Uuni, u gath kaper raay mou, ni miiu riemmi kaper japa reyø na tïïyu.

Aydheea 58:1

Wuuö Jwøk aköö, ni «Kwöŋŋu døc ni ba wëëgu döötu jook; tïŋu döötu maal kaamar dwør tuuŋ, nou cara bääyö mar jiya ki raay moge, ge na nyïïkwaac Jeekap.

Jeremaya 19:3

ni caanï gø nee wïny nyec Juuda, ki jø wø bëëdö Jerucalem, ni kööï, ni ‹Wïnynyu luum Wuuö Jwøk. Mana caan Wuuö Jwøki, Jwø Icriel, eni na wïth jammi bëët, beeye en: Ka adïëri møn, aani, a känna bäät paani ki gïn mo leth, ni ŋat wø wïny gø, cwïnye puta bwøk.

Jeremaya 2:2

ni «Ciï ni køpï luummi ni wïnyö jï jø Jerucalem, ni kööï ni luumma caan Wuuö Jwøki beeye en, ena köö, «ni ‹Ï na Icriel ï poot lääŋŋa lääŋŋö ki mana cïpï cwïnyï jïra niï poot thiinh, ki mëër mana mëërï ki aani kaamar dhaagø thiinh, ki mana caathï køøra dï paap bäre, yi ŋöömma näk kär puurö.

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 3:13

Mano tïïyï keere beeye ki man jïëyï raay moï, man näk mo ïïno gëëmö ki aani, a na Wuuö Jwøk, Jwøk marï, ki mana caathï køør juu moa path tiet jenni bëët moa no onigïït piny, ni dwøra kärï wïnynyö.› » Luummögø caana Wuuö Jwøki.

Jeremaya 3:18

'Ba ki yïth nïröke jø Juuda odwäti ki jø Icriel, ni öge wøk na aciel ki yi ŋöömma en wï-piny, ni öge yi ŋöömma cïba jï kwäyu na man dööŋ jïge.

Edhikiel 16:20

« ‹Obwöc cwøw moï ko obwöc mään moï moa nywøla ki ïïni acïpï no olämme jï kït gïï wø lam ni tïmge na cam kiperge. ?Aŋø, bëët käp marï man wø gathï dëërï poot ba rømi nø?

Edhikiel 16:25

Yïth agääk jïëthe bëët agëënnï ki kwör lam mo juuga reyø kiper dëërï; ni døøyï mïërö marï rääö; niï bëëdö ni tietï iï peerø jï cwøw bëët mo wø cur buutï niï kaatha käp marï.

Edhikiel 20:4

«?Wui, wär dhaanhø, luumge ba ŋøli? Ŋøl luumge ni jäälï geni! Gïïa raac yia ki ge na tïïc kwäcge tïïyï nee ŋäcge;

Edhikiel 23:43

Køøre aana cäänö kiper dhaaŋŋa näk onø raany bëët käpi ni kööa, ni ‹Jøøgø ge butö ki kääbi manøgø kawaane ni näk mo eni poot bëëdö ka bëëtö manaca.›

Edhikiel 23:45

'Ba jiy mo bëëtö marge tiir, mään moøgø jäälge jäälö kaawat man wø jääl dhaagø mo okännö ki luk, ki dhaagø mo okuny piny ki rem dhaanhø, kiper gena mään ma jø luuy, mo geno kuny piny ki rem jiy.

Odheea 1:2

'Ba kanya ö Wuuö Jwøki na täge ki cäänö ki ri Odheea, ena köö jï gø, ni «Ciï ni määnynyï riï ki dhaagø ma kääbi ni jïtï ko obwöre mo nywøl ka køør bëët käp, kiper jiy atïmö ni ge bëëdö ka bëët käp mo raac døc yi ŋöömö man, ni wecge aani, a na Wuuö Jwøk.»

Odheea 2:1

«Cwøllu nyïïmëëgu moa näk cwøw, ni ‹Jic Jwøk,› ni cwøllu nyïïmëëgu moa näk mään, ni ‹Jøøa nyooth bäth ec jïge.›

Odheea 2:5

Kiper miige bëëdö ni gatha dëëre, ni eni jayi ka jöö mo määnö. Kiper ena köö, na ‹A cäädhö køør omëërri 'moa, ni wø cïp cam jïra, ki pïï, ka abïï ma cuup, ka abïï ma lïïna, ki maaw, ki gïn maadha.›

Odheea 4:5

U bëëdö nou cwanynya tietu ki dïcäŋ ki wäär, ni ö nyïïkuk Jwøki ni cwanyge tietge ki uuni ciel. Kiper manøgønø, Icriel na caal miiu, raanynya raanynyø.

Mikiya 2:13

Wuuö Jwøk jöö di jabø ni ci maal nyïm jiye, ni ö jiyi ni cige køøre, ni cørge dhi kiir, ni cige wøk ki yie. Nyeya marge beeye noo cäädhi nyïmge, ni eni na Wuuö Jwøk beeye noo bwödhö maal wïthge.

2 Körin 5:16

Kiper manøgønø, kawaane bäŋ dhaanhø mo caarwa ni dhaanhø jaak. Këël na kwøŋwa Krictø caar ni dhaanhø jaak, eni ba caarwa na enøgønø këët.