Odheea 2:13 - Wëël Jwøk

¹³ 'Ba eno jääla kiper nïra beede ni lama jwø wø cwøl ni Baal, ni cïpö jïgø ko olämme; nïra beede ni wïïe owïl ki aani ni caatha køør omëërri moe, ni ïthe ee kïthö ki gwet-ïdhi, ni dëëre ee tïïö ni mïërö ki jap mïërö ma teeŋi. Luummögø caana aani, a na Wuuö Jwøk.

Odheea 2:13 Iomraidhean Croise

2 Nyeye 1:2

Kanyøgø, nyeya ma Akadhiya wär Akap apänh piny ki dha awëërnyeŋ mar øtø mana en maal na en Cameria, ni put dëëre jïtö ki ŋwellø. Køøre ena jäägö ki jiy ni kööe jïge, ni «Cou ni pëënynyu dwør Baal-dhabul, jwø jø Akarön, man näk mo dëëra pïïa piny ki ŋwellø man.»

2 Nyeye 10:28

'Ba manøgø beeye jöö mana ö Jiyu na raany lam mar Baal ki gø dï Icriel.

2 Nyeye 21:3

Kiper eni kwör wø läm jiyi yïthge bäät thuuri na raany wänni ma Edhekaya acäŋ geerrø, ni tïïe ki gïï wø cïp olämme bäätge jï juuk wø cwøl ni Baal, ni tëëŋe ki jenni ni caa ge ri jwø wø cwøl na Acara, kaawat mana tïïc Akapi nyeny Icriel, ni wøør jap maal ni tïny geni.

Jööp 8:13

Kaawat manøgønø, uutjïëthe mo jiy bëët moa näk wïthge owïl ki Jwøk, ki ŋäädhe mar ŋat mo tøør ri Jwøk, laara ränynyö.

Bwøth Wøk 32:34

'Ba ennø, ciï ni bwødhï jø Icriel kanya näk yaa caanø jïrï. Ka adïëri møn, nyïïatwiel maal mara ojääŋŋa nyïmï; 'ba kanyo tïme na kar ŋøl luup, kar kaaca nø bääyö marge oŋøla bäätge.»

Aydheea 17:10

Kiper u na jø Icriel, wïthu awïl ki Jwøk na näk pïëmi maru, ni käru wïthu parø ki eni na kïn gwøk røk maru. Kiper manøgønø, këël u doo pïïdhö ki jenni mo mïërö, ni tøøgu jenni mo käla mïëri mo path,

Aydheea 65:7

ni beege raay moa tïïcge ki moa tïïc kwäcge. Manøgø caana aani, a na Wuuö Jwøk. 'Ba kiper mana bëëtge ni ge wääŋö ki jer wø jïcge ŋwääi ni met bäät kïte, ni ge janynya aani bäät thuuri, gïïa tïïcge coola coolø ni yaa rømø ki køør tïïe moge moa dïkwøŋ na reyø.»

Jeremaya 11:13

Kiper u na jø Juuda, juu mou atïmö ni thööth ni röömi ki kwään päänye mou, ni gïï wø waaŋŋu gïn wø jïye ŋwääi ni met bäätge jï Baal, jwøk mo duua lään wïc, thööth ni röömi ki kwään uutjïëthe mo Jerucalem.

Jeremaya 18:15

'Ba jiya aana wecge, ni tïmge ni ge wääŋö ki gïn wø jïye ŋwääi ni met jï juu mo oballe; ni ö juugögø ni wëëk tietge cwanynyø yïth uutjïëtha cääŋŋe na cørge yïthge, ni wëëkge ge wääth yïth uutjïëthe moa näk kär ŋeth.

Jeremaya 2:32

?Aŋø, nyakøø wïïe wø wïl ki jap mïërö moe? ?A dhaagø thiinh wïïe wø wïl ka abïïk nywöm moe? 'Ba jiya wïthge awïl ki aani ki nïne mo thööth mo ba kwaan.

Jeremaya 23:2

Kiper manøgønø, luumma caan Wuuö Jwøki, Jwø Icriel, kiper dïkwääye mo wø käär jiye beeye en, ena köö, ni «Uuni, jiya na caal pïïth dïëk 'moa akeethu, ni riemu geni wøk, ni ge käru gwøø. Ennø, a na Wuuö Jwøk, a känna bäätu ka ajäla kiper tïïe mou na reyø.

Jeremaya 7:34

'Ba kar kaace dïlweel mar met ec, ki dwør met ec, ki kanynyø mar nywöm oraanynya dï Jerucalem ki yïth päänye mo Juuda møga bëët, kiper paac bäre oränynyi.» Luummögø caana Wuuö Jwøki.

Jeremaya 7:9

Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Wëël Kïmmö 1:4

Nyeŋ jïëthe mo Dhayan bëëdö ni kïmmö, kiper bäŋ jiy mo cur yïthge mo wönnö ka ajwöm. Dhøk kiir moe bëët oränynyö, ni bëët dïlämme moe ni ge jwöŋö, ni ö nyïïakuue moe ni bëëtge ni ge kïmmö, ni ö eni ni bëëde ni keeya yie.

Wëël Kïmmö 5:14

Jø døøŋŋø gena tïmö ni ge tøør dhi kiir pääny kar acooŋa, ni ö dööt jap meeŋ mo obwöre ni lïŋge.

Edhikiel 16:12

ni kïtha umï ki gwelø, ni kïtha ïdhi moï ki gwet ïdhi, ni kïtha wïïï ka aduda mo mïërö.

Edhikiel 16:17

Ïïni thuwø, jap mïërö moa beyø na cïba jïrï, na näk tïïc ka warkey mara ki gwel-bïrö mara, akälï ni tïïyï ge na kït gïï wø lam ma cwøw, ni tïïyï ge na cwøwï mo buudï ki geni.

Edhikiel 22:12

Ni da jiy moï mo cïpö ki gwel ki piny kiper køny rem jiy piny. Ni ïïni gwel mo wø mac baŋï tïïyï tïïö nee duui jïrï ni da wïthge, ni gwet jø møøk kälï kälö ni marï twëër, niï bëëdö ni wïïï owïl ki aani.› Luummögø caana Kwäärö Wuuö Jwøki.»

Edhikiel 23:35

«Kiper manøgønø, man beeye luumma caan Kwäärö Wuuö Jwøki kiperï, ena köö, ni ‹Kiper mana wïl wïïï ki aani ni leeŋï aani ŋääï, ajäla mar bëët käp marï mana gathï dëërï ki gø jwørï jwørø.› »

Odheea 11:2

'Ba kanya cwøla ge naa manynya geni døc, aputge tïïc ni beeye man wecge aani døc. Geni, ge poot cïpö ko olämme jï juu mo wø cøøri ni Baal, ni ge wääŋö ki gïï wø jïcge ŋwääi ni met jï kït gïï wø lam.

Odheea 13:1

'Ba kanya wara cään jø dhi øt Ipariem, jiy dëëtge puta tïmö ni kwanynyi; ni ge bëëdö no owøørø dï Icriel. 'Ba gena bääyö ki køør mana lamge jwøa cwøl ni Baal, ni ö thøø bäätge.

Odheea 13:6

Kanya caama uuni, uuna jäŋ. 'Ba kanya jäŋŋu, cwïnynyu ajïtö ka atöör; køøre nø wïthu aput wïlö ki aani.

Odheea 2:5

Kiper miige bëëdö ni gatha dëëre, ni eni jayi ka jöö mo määnö. Kiper ena köö, na ‹A cäädhö køør omëërri 'moa, ni wø cïp cam jïra, ki pïï, ka abïï ma cuup, ka abïï ma lïïna, ki maaw, ki gïn maadha.›

Odheea 2:7

Eno rïïŋi køør omëërri moe ni ba mak ge; ni many omëërri moe ni ba joot ge. Køøre eno kööi, na ‹A døøa baŋ cwøra mana dïkwøŋ, kiper beerra bëëtö mara manece ki man ennø.›

Odheea 4:13

Geni, olämme moge wø cïpge cïbö wïth kïte, ni waaŋge olämme moge mo wø waaŋ bäre bäät thuuri ki tiet jenni moa no onigïït piny, kiper yïthge met ki tïïp moge. Kiper manøgønø, nyïïu ge bëëdö ki bëët käp, ni ö määr nyïïu ni bëëtge ni ge tïïya tïï luk.

Odheea 4:6

Jiya araanynyi ki køør bäŋ kwänynyö. 'Ba kiper mana kweerru ki kwänynyö, u na dïlämme, aani thuwø, u kwiera kwierø ki man tïmu ni uuna dïlämme 'moa. Kiper mana wïl wïthu ki ciik 'moa, a na Jwøk maru, aani thuwø wïïa wïl ki nyïïkwaayu.

Odheea 8:14

Kiper jø Icriel wïthge awïl ki aani na cwääc geni, ni tïme ni ge geeya mïëri mo døøŋŋø, ni ö jø Juuda ni tïïge ki päänye mo teek mo thööth. 'Ba aani maac ojääŋŋa bäät päänye moge, ni ö maaci ni put uudi moa no ogeerø ni teek thöör.»

Odheea 9:7

Cäŋ ajäla oløny ni öö, cäŋo cool kwör yie dëët jiy kare acäännö; beerra man ŋäyu gïnögø, u na jø Icriel! U köö, ni «Nyikuŋ Jwøk man wïïe bäŋgø; ni ŋati ni dëëre da Jwïëc Jwøk en bøøl;» kiper raay mou atïmö ni thööth døc, ni ö männi maru ni kadhe.

Amøc 8:10

Nïr ajwöm mou odøøya nïr kïmmö, ni døøya dut met ec mou mo oduuru. Ni wëëga uuni bëët käär abïïk keece ni nyootha kïmmö maru, ni wïthu ogwäär wøk; dïcäŋöce uuno tïïa nou caala dhaanhø mo kïmmö kiper nyilaal mare ma aciel keere, ni tïm aŋuun dïcäŋöce na pänh cwïny jïïu.»

Tiet Ciik 32:18

U na jø Icriel, Jwøa teek na cwääc uuni aweyu, ni wïl wïthu ki eni na mooc uuni ki jwïëy.

Tiet Ciik 6:12

'Ba noo jootu gïïögø bëët, gwøgu rou ni ba wïl wïthu ki Wuuö Jwøk na käl uuni wøk ki yi ŋööm Ijep na näk po laŋ.

Pïëmme 10:6

'Ba jø Icriel acäŋ tïïö ki gïï mo nëëni ni reyø ki jï Wuuö Jwøk, ni tïnyge juuga cøøri ni Baal ka Actaröth, ki juu mo jø Aram, ki juu mo jø Caydan, ki juu mo jø Möap, ki juu mo jø Amön, ki juu mo jø Pilitin; ni putge Wuuö Jwøk wec ni ba tïnyge.

Pïëmme 3:7

Kanyøgønø, jø Icriel atïïö ki gïï mo nëëni ni reyø ki jï Wuuö Jwøk, ni wïl wïthge ki Wuuö Jwøk na bëëdö na Jwøk marge, ni tïnyge juuga cøøri ni Baal ki Actaröt.

1 Camiel 12:9

«'Ba kwäyu wïthge awïl ki Wuuö Jwøk na bëëdö na Jwøk marge, ni ö Wuuö Jwøki ni cïp geni cer Cicara na näk kwääy lwaa leny mar jø Adhör, ni cïp geni ceŋ jø Pilitin, ni cïp geni cer nyeny jø Möap; ni ö jøøgø ni këëtge ki kwäyu.