Odheea 2:11 - Wëël Jwøk

¹¹ Aani thuwø ajwöm moe bëët mo wø wøøre ŋøla ŋølø, ni beege ajwöm moe mo wø wøøre ki yi cwiir, ki wödö mare man wø wøør päär mar dwääy ki gø, ki man wø wøør cääŋŋe mo jwöm, ka ajwöm moe møga bëët moa no ocïp piny nee wø wøør.

Odheea 2:11 Iomraidhean Croise

1 Nyeye 12:32

Ni ö Jeröbämmi ni cïp piny ki dïcäŋ ajwöma mo di wøørø ni nïr dwää abära apaar kurbïïc, kaawat dïcäŋ ajwöma man wø wøør jø Juuda. Ni ö eni ni cïpe ko olämme bäät gïn wø cïp olämme bääte Bëthël jï nyïïrøøe moa näk ee tïïö. Ni cïp Bëthël ki dïlämme yïth uut lam moa näk ee geer bäät thuuri.

Jeremaya 16:9

Kiper mana ŋøl Wuuö Jwøki, Jwø Icriel, eni na wïth jammi bëët, beeye en: Dïlweel mar met ec, ki dwør met ec, ki kanynyø mar nywöm, oraanynya ni nëënö jïïu yïth nïne moo beetu.

Jeremaya 25:10

Aani, dïlweel mar met ec, ki dwør met ec, ki kanynyø mar nywöm, ki dwør leek, ki maac mo liel raanynya raanynyø.

Jeremaya 7:34

'Ba kar kaace dïlweel mar met ec, ki dwør met ec, ki kanynyø mar nywöm oraanynya dï Jerucalem ki yïth päänye mo Juuda møga bëët, kiper paac bäre oränynyi.» Luummögø caana Wuuö Jwøki.

Edhikiel 26:13

Dudi moï moa wara wär tïïa tïïö nee cuŋge, ni ö dööt thøme moï ni ba wïnynyi këët.

Odheea 3:4

Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput mana näk gïr lam, wala juu møøk mo di lamø.

Odheea 5:7

Gena tïmö ni ge tïïö ki riek waŋ dëër Wuuö Jwøk, ni ge nyöödö ko obwöre ma nyïïkwaalle. 'Ba geni ki pwöth moge geno ränynyi ki køør wödö man wø wøørge päär mar dwääy ki gø.

Ciik Kiper Dïlämme 26:20

Öölö maru oaay jaak, kiper ŋöömö maru tïmö ni ba ciek ki caammi, ni ö jenni mo ŋöömö maru ni ba nywølge ki nyïëdi.

Amøc 5:21

Wuuö Jwøk aköö, na «A män ka ajwöm mo wø tïïyu kipera, ni kwiera geni; acooŋi mo lam mou ba känni ki met ec jïra.

Amøc 8:3

«Dïcäŋöce dudi moo wär po nyeya otïmö na mo jwøk thøø. Ni gääp pinynyi bäre ki dëët jøøa no othøw, ni tuut geni wøk ni bäŋ dwøl mo wïnyi.» Beeye Wuuö Jwøk ni cäänö enø.

Amøc 8:5

ni kööu ki cwïnynyu keeru, ni «?Cäŋ ajwöma mar dwääni na päär en opöödhe yi wäne, kiper nee wa døøwa baŋ gath ki beel? ?A cäŋ jwömö opöödhe yi wäne thuwø, kiper nee beel kïthwa kar ŋïëw, nee gïr røm tïïcwa ni thiinh, ni tïïcwa gäte ni teek, ni møtwa jiy ki rumi mo paa kare,

Neeyam 1:10

Geni, ge caala jiy mo omeer mo oŋiel køøŋe, ni ge caala koodhi mo otal mo owaaŋ maaci.