Odheea 14:9 - Wëël Jwøk

⁹ Ni näk da ŋat mo wïïe leer, beerra man kwany tiet jammi moi; ni näk da ŋat mo tiet luup ŋääe, beerra man ŋäc ge, kiper jïëthe mo Wuuö Jwøk thïïŋ, ni jø wø marge beer wø cäädhö ki yïthge, 'ba jø wø tïïc raay ge pädhö yïthge.

Odheea 14:9 Iomraidhean Croise

Wïlöölö 18:25

Ba doo løny ki man tïïyï teeŋ gïnögø na bäre bäre, ki man 'nägï jøøa näk bëëtge beyø nyïmï ki jøøa näk tïïya raay na aciel bëët; caana gø ni jiy moa näk bëëtge beyø nyïmï ki jiy moa näk temma raay iï päärö na aciel bëët. Teeŋ gïnögø ba diï tïïö na bäre bäre. ?Aŋø, ŋat wø ŋøl luup mo bäät piny bëët, bäŋ wø ŋøl luup ma karge cooth?»

Jööp 17:9

'Ba dhaanhø mo bëëtö mare tiir nyïm Jwøk, bëëtö mare oput mak; ni ö ŋat mo ceŋŋe waany ni put cääth nyïm ni teek.

Pwöc Leec Wïc 10:29

Jöör Wuuö Jwøk beeye kar gwøk røk jï jøøa marge thïïŋ, 'ba beeye jöör ränynyö jï jø wø tïïc gïï wø reyø.

Pwöc Leec Wïc 16:21

Ŋat mo wïïe leer di cwølø ni ŋat mo wïïe da acaara, ni luubö mo met wø wëëga pwöc ciin cwïny jiy.

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Aydheea 1:28

'Ba jø ageem ki jø raay ge di raanynyø na aciel bëët, ni ö jø wø wec Wuuö Jwøk ni ränyge.

Aydheea 17:8

Geni, ge ba døø baŋ gïï wø cïp olämme bäätge na tïïcge ki ceŋge jï juuga reyø, ni ba lwïthge këët baŋ gïïa tïïcge ki lweetge, ni beege jenni moa näk ege tieŋø na no ocaa ri jwøa cwøl na Acara, ki gïï wø waaŋ gïï wø jïcge ŋwääi ni met bäätge.

Aydheea 26:7

Jøøa marge beer, øtjöörge tiir. 'Ba ï na Wuuö Jwøk, ï na marï adïëri, tïïc øtjöör jøøa marge beer ni pøøth ni ba gwalli.

Jeremaya 29:12

'Ba nyeŋŋa ocøøru, ni ööu ni kwayu aani ki lam, ni ööa ni wïnynya maru.

Jeremaya 9:12

?Aŋa nø ni wïïe leer, ni ŋäc tier gïnögø? ?Na aŋa nø na cään Wuuö Jwøki ki gø, nee luum Wuuö Jwøk købe? ?Na aperŋø na räny ŋöömö ni tïme kaamar paap mo bäŋ dhaanhø mo ci yie en?

Edhikiel 11:18

'Ba noo duuge yi gø, kït gïï wø lam bëët na määnö na näk yia raac ki ge raanyge raanynyø.

Edhikiel 18:25

«'Ba kanymør u poot köö, ni ‹Jöö man tïï Kwäärö Wuuö Jwøki ki gø en ba tiir.› 'Ba ennø, wïnynyu, u na jø Icriel! ?Aŋø, jöö mara ba tiir? ?Aŋø, paa uuni na näk jïëthe mou ba tiir?

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Daniel 12:10

Jiy mo thööth di tïïö ni tøŋ, ni tar, ni waany. 'Ba jø raay ge bëëdö ni ge tïïya raay, ni bäŋ ŋat raay mo tiet gïïögø cøøa wïïe; 'ba jøøa wïthge leer, tiet gïïögø cøøa wïthge.

Jepaniya 3:5

'Ba Wuuö Jwøk na en yi Jerucalem, mare beeye adïëri, ni eni ba ŋudö ki luup mo patha karge. Ka amöölla cooth adïëri mare wø käle yi tar, ni eni ba døø ŋääe ki gø ki yïth nïne bëët. 'Ba jøøa reyø ge poot temma raay ni wïthge ba lääy.

Dhekaraya 10:6

«Aani jø dhi øt Juuda wëëga tëënnö, ni piema jø dhi øt Jocep. Aani bëëtö marge dwøga kare, kiper bäth ec mara yaa nyoodhø bäätge. Geno bëëdö kaamar jiy mo kede ge kära kwøŋ kwier, kiper aana Wuuö Jwøk, Jwøk marge. Aani lam man wø lämge ki gø løøa løø jïge.

Mathiew 11:19

'Ba Wär Dhaanhø aöö ni cämö ni mädhö, ni kö jiyi, ni ‹Neennu, ŋat wärö, na ŋat maath, na nyawat jø ajwäk ki jø raay.› 'Ba leec wïc ojoot na adïëri ki køør tïïe moe.»

Luk 2:34

'Ba gena gwïëth Cimienni, ni kööe jï Meeri na näk mii Jecu, ni «Neenï, nyilaari acïp kiper nee jø Icriel mo thööth päthge, ni kwøw mo thööthi. Ni tïme na ŋïï man car gïï mo reyø dëëre,

Luk 7:23

Gwïëth en bäät ŋat maa käre taaø.»

Jøøn 15:24

Onää a kär öö ni tïïa dïge ki tïïe mo ba doo løny ki man tïïyi ya ŋat mørri jaak, dëëtge doo bäŋ ajäla. 'Ba kawaane aana neenge ni mänge ki aani ki Wära bëët.

Jøøn 18:37

Ni kö Paylati jïre, «?Aŋø, ïïna nyeya nø?» Ni løgi ya Jecu jïre, na «Acaanï na kare ni aana nyeya. Ni beeye na nywöl a kipere, ni beeye gïna ööa piny kipere, naa køpa gïr adïëri. 'Ba jiy bëët mo wø en ra adïëri, dwøra wø leŋge leŋø.»

Jøøn 8:47

'Ba ŋat wø näk dhaanh Jwøk, wø wïnynya luup Jwøk. 'Ba kiper na ba nägu mo Jwøk, beeye ni ba wïnynyu luupe.»

Jøøn 9:39

Ni kö Jecu, ni «Aani, a ö piny kaper nee luup jiy ŋøla, nee jøøa bäŋ nyeŋ, nee nëënge, ni tïm jøøa da nyeŋ na cööye.»

Moa Tïïc Nyïïatwieli 13:10

ni kööe jïgø, ni «Ïïni, ïïna wär anägö, niï män ki moa beyø bëët, ni cwïnyï päŋ ki cwøk, ni ïïna ŋat dïwït. ?Aŋø, gïnögø ba weyï bäre bäre ki man bëëdï niï tïïya uutjïëth Wuuö moa tiir no oköömmö?

Wëëlö Mana Göör Pøølli Baŋ Jø Röm 7:12

Kiper manøgønø, ciik Jwøk ena kur keere na mar Jwøk, ni mana cem Jwøki ena kur keere ni beer na wøp.

Tiet Ciik 32:4

Wuuö Jwøk na näk Jwøø teek, ni tïïe moe beege karge; ni uutjïëthe moe bëët tiir. Ena Jwøk mo mare di ŋäädhö, ni bäŋ gïn mo raac jïre; eni beer ni mare thïïŋ.

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.