Odheea 14:8 - Wëël Jwøk

⁸ ?Wui jø Ipariem, agïnaŋø mør këët nø ni poot manynyu baŋ juuga reyø? Kiper beeye aani noo løk pïëc mou, noo gwøk uuni. Aani, a caala jaath mo bëëdö ni mar mo bøøge moe ba øc piny, ni bee aani noo jïtu ree ki nyïëdi.»

Odheea 14:8 Iomraidhean Croise

Jööp 33:27

Køøre nø, eni wär ki duut nyïm jiy, ni kööe, ni ‹Aana bääyö møn, ni raanynya gïna näk adïëri, 'ba ajäla mana dee aani jäälö ki gø kär tïïc Jwøki.

Jööp 34:32

Beerra man pwönynyï aani ki japa näk kuua; 'ba ni näk mo aano bääyö, naa ba cäŋa bääyö këët.›

Aydheea 41:19

Aani wïth jenni ma teeŋi wëëga tuuö dïtëën, ni beege jenni mo perge leth, ki thëëbe, ki jaath man wø nyïïe wel na maaw, ni ö ŋöömma no otal ni wëëga gø tuuö ki jenni mo bëëdö ni mar, mo bøøge moge ba øc piny,

Aydheea 55:13

Kanyøgønø, otïmö ni tuya jenni mo mar mo bøøge moge ba øc piny, ni patha koodhi, ni tuc jenni moa perge leth ni patha otwel. 'Ba oput tïmö na gïn par wïc ki gø ki Wuuö Jwøk, na ŋïï mo bëëdö na bäre bäre ni ba ränynyi.»

Aydheea 60:13

Ajiem mar Lur Libaanø di kälö jïrï, ni beege teeŋ jenni moa perge leth, nee øt lam mara nee tïïc ni mïërö ki ge, ni wëëga kar bëët tieta jiem.

Edhikiel 17:23

Eni piidha bäät kïdi mana bäär døc ni beeye kïdi mar Icriel. Eno jïti ki bäädi ni nywøle ki nyïëdi ni tïme na jaath mo mïërö mo pere leth. Teeŋ weny bëët geno gëët bääte ki uudi, ni tïm bäädi moe na tïpö jïge.

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Luk 15:20

Ni ö maal ni tïŋŋe ni ci baŋ wänni. 'Ba kanya poode ni kare bäär, ena joot wänni, ni päth cwïnye ki gïr gø, ni reŋe ni gääm gø, ni nuum dhi gø.

Jøøn 1:16

Ni ö øøni bëët ni jïtø ri met ec mare na näk okääthö, ni cäŋ bäät gwïëth marø mëënnö ki gwïëth.

Epeca 5:9

Kiper nyïëdi mo wø nywøl tarri wø joota ri gïï wø näk adïëri bëët, na beyø ni näkge wøpe.

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.

Pilipay 2:13

Kiper beeye Jwøk ni wø tïïö cwïnynyu, ni mooya uuni ki teek ki man tïïyu moe na met yie ki ge.

Pilipay 4:13

'Ba jammi bëët løny jïra ki man tïïa ge ki køør ŋat wø tïïc aani naa teek.

1 Thecalönika 1:9

Kiper geni ki dëëtge ge wø cäänö kiperwa, ni waana pänhnhu døc kanya bëëtwa dïïu, na ö uuni na løøu rou baŋ Jwøk, ni weyu juu, ni tïmu nou tïnynya Jwøk mana kwøw, na näk adïëri,

Jeemeth 1:17

'Ba muuce bëët moa näk othur karge wø ööi ki maal ni öge piny ki baŋ Wuuö na näk wää tarri ni wø ba dak, ni ba caal tïpö ni wø dääŋi.