Odheea 14:6 - Wëël Jwøk

⁶ Ni ö bäädi moge moa therø ni løthge ki bäädi møøk, ni tïm mïërö marge ni caala jer wø nyïïge wel na maaw, ni ö ŋwäänyge ni tïme ni met kaamar jer lur Libaanø.

Odheea 14:6 Iomraidhean Croise

Wïlöölö 27:27

Ni ö Jeekapi ni nyiik buute ni nuum dhi gø. 'Ba kanya ŋwääc ŋwääny abïïk wääde, wääde agwïëdhe, ni kööe, ni «Ennø, ŋwääny dëër wääda, ŋwääi keda ŋwääny paap mo ogwïëth Wuuö Jwøki.

Aydheea 27:6

'Ba noo tïme na yïth nïrögø, Jeekap tiere okëët piny kaamar jaath mo lweete okëët piny, ni ö eni na Icriel ni lødhe, ni ŋøøe, ni ŋweele, ni pääŋ bäät piny bäre ki nyïëdi.

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 66:14

'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Jeremaya 11:16

'Ba Wuuö Jwøk uuna cwøle na jaath mo oløth mo mïërö mo nyïïe beyø; 'ba uuno ränynyi kaamar jaadhøgø noo waaŋe ki maac mo teek mo lwör kaamar atuunna, ni waaŋ bäädi moe ni thumge.

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Mathiew 13:31

Ni ö Jecu ni cäŋ luubö mør parrø jïge mo keda leer, ni kööe, ni «Buya käl maal caala nyi waŋ kunhnhö mo thiinh døc mo okäl dhaanhe ni piith gø yi pwödhö mare.

Jøøn 15:1

'Ba Jecu aköö, ni «Aana jaath mana näk adïëri. Ni Wära beeye ŋat wø tïïc jenni.

Pilipay 4:18

'Ba aana nø jïtö ki muuce baŋu mo thööth døc, ni jäŋa ki muuce moa cïbu cer Eparödaata, na näk caala olämi man wø waaŋ ni ŋwääö ni met, man wø jïëc Jwøki ki gø, ni wø met yie ki gø.