Odheea 14:3 - Wëël Jwøk

³ Nyeny Aciria wa ba kønye, wa ba eth bäät okwëëc leny këët; ni jammi moa tïïcwa ki ceŋwa ba cwølwa këët ni ‹Jwøk marwa,› kiper beeye ïïni ni wø nyooth bäth ec marï jï kïïe.»

Odheea 14:3 Iomraidhean Croise

2 Luup Nyeye 16:7

'Ba yi kar kaaca, nyikuŋ Jwøk ma Anani, ŋat wø joot jammi ki køør man wø nyooth Jwøki jïre, aö baŋ Aca nyeny Juuda ni kööe jïgø, ni «Kiper mana tïme niï ŋäätha nyeny jø Aram niï ba ŋääth Wuuö Jwøk, Jwøk marï, jø leny mo Aram apäär wøk cerï.

Aydheea 1:29

Uuni wïthu lääö kiper mana bëëdu nou lama jenni mo wø en cwïnynyu køørge, ni bëëdu ni wïthu lääö ki lam mana tïïyu kwöra näk you jierø yïth ajïniine.

Aydheea 2:20

'Ba dïcäŋöce kït gïï wø lam moa tïïcge kiper dëëtge nee wøørge, na no otïïö ki gwet-bïrö ki warkey, oleeŋge piny, ni tïmge na mo adule ka adïlïge.

Aydheea 27:9

Kiper manøgønø, gïnögø otïmö na jöö man wëën bääyö mar Jeekap ki gø; ni gïno duu wëën raay manøgø beeye kanyo ö eni noo raany kïte mo gïn wø cïp olämme bääte ni tïïc ge kaamar tør mar kïn booya; ni beeye kanyo ö jenni moa näk ege tieŋø na no ocaa ri jwøa cwøl na Acara, ki gïï wø waaŋ gïï wø jïcge ŋwääi ni met bäätge noo tïmge ni bäŋgø mo cuŋŋi këët.

Aydheea 30:16

Uuna köö, ni ‹Ba løny, wa päära wøk ko okwëëc lääy, wa päära wøk ko okwëëc lääy mo rïïŋö døc.› Wøp nø, uuno päär wøk! 'Ba jiy moo rïŋ køøru ge rïïŋö døc ni kaala uuni.

Aydheea 30:2

Gena kweer ki man pëënyge aani, ni cige Ijep nee göökge ri Peerø nyeny Ijep nee ge køny, nee Ijep tïme na tïpö bäätge man gwøk geni.

Aydheea 31:1

Wui, otïmö ni leth jï jø oci Ijep kiper køny, ni beege jø wø kïth ŋäädhe marge bäät okwëënyi, ni wø ŋääth thööth mar jïëth leny mo wø tut okwëënyi, ni wø ŋääth teek mar jø leny mo wø këëdi ki bäät okwëënyi; 'ba geni, ge kär göök ri Jwø Icriel na en kur keere, ni kärge eni manynyø, eni na Wuuö Jwøk.

Aydheea 31:3

Kiper jø Ijep gena jiy, ni ge paa Jwøk, no okwëënyi moge beege lääy jaak, ni teek marge ba bëëdö na bäre bäre. 'Ba Wuuö Jwøk cere orwiee, ni ö ŋata cïp køny ni cwaany tiere, ni ö ŋata køny ni pädhe, ni ö geni bëët ni putge ränynyö na aciel.

Aydheea 36:8

Ni cäŋ kwääy lwaa leny köö, ni «Ennø, beerra man gääbu dhøgu ki nyeya mara ma nyeny Aciria, naa cïpa jïïu ko okwëënyi ma kume ariiø ni näk mo løny jïïu ki man cïpu ki jiy mo cäädhi ki bäätge.

Jeremaya 49:11

Obwöre mou moo dööŋ piny na kïïe, gwøa gwøø ni bëëtge ni ge kwøw; ni ö määr thuunhnhi mou ni bëënge aani.»

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Edhikiel 37:23

Ge ba bëëdö ni dëëtge ege päädö këët ki juuga reyø moge ki kït gïï wø lamge, na näk ec raac ki ge, wala ki teeŋ raay moge møga bëët. Kiper aani, ge piema piemø yïth raay moge moa wara enge yïthge, ni penya geni; ni bëëtge na jiy 'moa, ni bëëda ni aana Jwøk marge.

Odheea 12:1

Jø tuuŋ Ipariem ge ŋwieya køør jamø, ni ge rïïŋö cooth køør jam wø ööi ki kur tuul-cäŋ; ni tööt ki tïïc gïï mo reyø ege kaadhø. Ni geno tudö thuwø ki luubö ki jø Aciria, ni ge jwëëga Ijep ki mädhi mo wø cam.

Odheea 13:2

'Ba ennø, jø dhi øt Ipariem raay atïmö ni meetge bäätge; geni, ge tïïö ki kït gïï wø lam kiper dëëtge, ni tïïcge ka gwel-bïrö, ni tïïya rëëmmö ki jöör riek waŋ. Ni ö luubö man ni caani kiperge na ennø nø, ni «Geni, ge jëëtö ki dhaanhø man cïp olämme, ni nuumge kït gïï wø lam moøgø na no otïïö ni caala nyïïrøøe.»

Odheea 14:8

?Wui jø Ipariem, agïnaŋø mør këët nø ni poot manynyu baŋ juuga reyø? Kiper beeye aani noo løk pïëc mou, noo gwøk uuni. Aani, a caala jaath mo bëëdö ni mar mo bøøge moe ba øc piny, ni bee aani noo jïtu ree ki nyïëdi.»

Odheea 2:17

Aani nyeŋ juuk wø cwøl ni Baal 'käla wøk dhee, nee nyeŋ juu moøge ba cøøri këët.

Odheea 4:12

Jiy atïmö ni pëënynya dhi jaath mana no otieŋø na kït gïn wø lam, ni ö athøra ni løk pïëc marge. Gena tïïc jwïëc käpi nee gaage wøk, ni putge bëëtö ni ge tïïya tïï käp, ni tïm karge ni bäär ki Jwøk marge.

Odheea 5:13

'Ba kanya ö jø Ipariemmi ki jø Juuda na jootge gø ni gïï mo leth opïï dëëtge, jø Ipariem nyïmge aløøge baŋ Aciria, ni jääkge baŋe, eni na nyeya mana dwøŋ kiper nee jïtge ki køny. 'Ba ba løny jï nyeny Aciria ki man køny ge ki gïïa leth na en bäätge.

Odheea 7:11

'Ba jø tuuŋ Ipariem gena tïmö kaamar akuuru ma acaara mare thiinh, mo ba cädö na wøp. Geni jø Ijep cwølge cwølø ennø, ni ge cäŋa døø baŋ jø Aciria.

Odheea 8:6

Kiper japøgø tïïya jø Icrielli! Ni kït gïno no otïïö kaamar nyirøøa enø patha Jwøk; ena gïn mo tieŋa dhaanhe ma rëëmmö jaak. Ka adïëri møn, eni di tøyø ni put petø na thäŋi.

Odheea 8:9

Kiper gena nø ci baŋ jø Aciria ni caala arëën mar paap mo thääyö keere jaak; ni ö jø Ipariem ni nø gathge mëër marge wøk.

Joona 2:10

Køøre Wuuö Jwøk rëëö aput köömmö, ni ö rëëe ni ŋöö Joona wøk kanya näk otal.

Dhekaraya 13:2

Wuuö Jwøk, eni na wïth jammi bëët, aköö, ni «Dïcäŋöca, juu moa näk patha adïëri raanynya raanynyø yi ŋöömö ni tïme ni wïc ba par ki nyeŋge këët. Ge raanynya raanynyø ge bëët ki nyïïkuk Jwøk moa näk patha adïëri ki jwïëc juuga reyø na näk ba waany.

Jøøn 14:18

«U ba wiia ni uuna kïïe. A duua baŋu.

Tiet Ciik 17:16

'Ba nyenynyøgø ba doo määnyö ko okwëënyi mo thööth kiper dëëre, wala eni tïïya jiy nee døøge Ijep nee cäŋ jïtö ko okwëënyi mo thööth. Kiper acaan Wuuö Jwøki jïïu, ni ‹Käru døøk ki jöö manøgø këët.›