Odheea 14:1 - Wëël Jwøk

¹ Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 14:1 Iomraidhean Croise

2 Nyeye 8:12

'Ba Adhaël aköö, na «?Awuuö, ï jwöŋï kiper ŋø?» Ni løgi ya Ilaaca jïre, ni «Beeye kiper mana ŋääa gïïo reyø noo tïïyï dëët jø Icriel, noo waaŋï kwör gwøk røk moge moa teek, noo 'nägï jiy moge moa näk poot na wøpe ko opëëllö, noo gøyï obwöre moge ki piny, noo rietï yïth mään moge moa näk yïthge da jiy.»

Aydheea 19:22

'Ba Wuuö Jwøk Ijep ojääle; geno jääle møn, 'ba ge cäŋe ka kønynyø; ni ö geni ni duuge baŋ Wuuö Jwøk, ni ö Wuuö Jwøki ni wïny kwac marge ni køny geni.

Jeremaya 2:19

Rääö marï otïmö ni pwöc jïrï, ni gaan wøk marï ïïno jwøe. 'Ba ennø, neenï døøc, ni ŋäyï gø, ni ki man weyï aani, a na Wuuö Jwøk, Jwøk marï, ni bëëdï niï ba lwär ki aani beeye gïn mo raac, mo duunnö ki räny cwïny.» Luummögø caana Wuuö Jwøki, eni na wïth jammi bëët.

Jeremaya 4:1

'Ba Wuuö Jwøk aköö, ni «U na jø Icriel, ni näk mou manynya duuö, duu baŋa; ni raanynyu gïï wø lammu na näk ec raac ki ge, nou ba gaa wøk këët,

Wëël Kïmmö 5:16

Aduda apäth piny ki wïthwa. Wui, atïmö ni leth jïwa, kiper raay moa tïïcwa!

Edhikiel 16:46

Coku mana dwøŋ na näk dhaagø beeye Cameria, ni beeye ni wø bëëdö ki nyïïe jï løø wï-piny ki ïïni; ni coku mana thiinh beeye Cødam, ni beeye ni wø bëëdö ki nyïïe jï løø tier-piny ki ïïni.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Edhikiel 33:14

'Ba ni näk mo aano köö jï ŋat mo bëëtö mare raac, ni «Ï thøw møn,» ni ö ŋatøca ni løk cwïnye yïth raay moe, ni tïme ni tïïya gïn ma adïëri ki gïn mo thïïŋ,

Odheea 10:12

Piithu bëënynyö kiper dëëtu, ni kayu nyïëdi mo mëër mana näk ba jøøl, ni cäŋu pwöth mou puurru na akamme, kiper beeye kare ennø ki man many Wuuö Jwøk, këël kanyo ööe noo tïïc bëënynyö nee pädhe bäätu kaamar køth.

Odheea 12:6

Kiper manøgønø, duu baŋ Jwøk maru; ni bëëdu nou tïïya mëër ki ŋøl luup na adïëri, nou koora Jwøk maru cooth.

Odheea 12:8

Jø tuuŋ Ipariem ge töödö ni ge köö, ni «Waana jiy mo okwär; waana jïtö ki jammi kiper dëëtwa. 'Ba jammi bëët moa jootwa ki køør öölö marwa, bäŋ gïn mo nyoothge bäätwa ni waana jø raay.»

Odheea 13:9

«Wui, jø Icriel, man bee ränynyö maru, kiper uuna tïmö nou gëëmö ki aani, a na kunyi maru.

Odheea 4:8

Geni, ge bëëdö ni ge cama rïŋ mo lääy mo wø cïp no olämme mo raay mo jiya, ni yïthge met ki man bëët jiyi ni ge tïïö ki raay.

Odheea 5:5

'Ba atöör mar jø Icriel adøø rege; jø Icriel ki jø Ipariem ge pädhö yïth raay moge, ni ö jø Juuda thuwø ni putge pädhö ki geni ciel.

Odheea 6:1

«Ööu, nøø døø baŋ Wuuö Jwøk, kiper eni, øøna tøye møn na thäŋi, 'ba ø cäŋe ka kønynyø. Eni, dëëtø amooe møn ki ŋwiili, 'ba ŋwiili 'moø cäŋe ka bäyö.

Odheea 9:13

'Ba jø tuuŋ Ipariem ajooda ni ge bëëdö ni tietge okëët piny yi ŋöömö mo beer kaamar jø Tayar. 'Ba ennø, obwöre moge bwöthge wøk kuna nääi.

Odheea 9:7

Cäŋ ajäla oløny ni öö, cäŋo cool kwör yie dëët jiy kare acäännö; beerra man ŋäyu gïnögø, u na jø Icriel! U köö, ni «Nyikuŋ Jwøk man wïïe bäŋgø; ni ŋati ni dëëre da Jwïëc Jwøk en bøøl;» kiper raay mou atïmö ni thööth døc, ni ö männi maru ni kadhe.

Amøc 1:13

Wuuö Jwøk aköö na ennø, ni «Kiper mana ö jø Amönni na kaathge bääyö marge, a ba døø ŋääa ki man jääla geni, kiper määr jø Gelät moa näk yïthge da jiy arietge ri leny mana këëlge ki jø Gelät, ni ge nyaaya nyeŋ kee moge.