Odheea 13:6 - Wëël Jwøk

⁶ Kanya caama uuni, uuna jäŋ. 'Ba kanya jäŋŋu, cwïnynyu ajïtö ka atöör; køøre nø wïthu aput wïlö ki aani.

Odheea 13:6 Iomraidhean Croise

Neemiya 9:35

'Ba kanya bëëtge ni ge ena ya akwöm nyec marge, ni gïïa beyø na thööth na cïpï jïge nut yi ŋöömma päl na beer na cïpï jïge, geni, ï kärge tïnynyö, ni tïïe moge na reyø kärge wiiø.

Pwöc Leec Wïc 30:9

kiper naa ba jääŋa ni mooŋa ïïni, ni kööa, ni ‹?Wuuö Jwøk aŋa?› wala naa ba tïma naa can ni kwäta, naa raanynya nyeŋŋï, ï na Jwøk mara.»

Aydheea 17:10

Kiper u na jø Icriel, wïthu awïl ki Jwøk na näk pïëmi maru, ni käru wïthu parø ki eni na kïn gwøk røk maru. Kiper manøgønø, këël u doo pïïdhö ki jenni mo mïërö, ni tøøgu jenni mo käla mïëri mo path,

Jeremaya 5:7

'Ba Wuuö Jwøk aköö, ni «?Ï na Jerucalem, ïïno wëënna gø nidïï nø? Jiy moï aana wecge, ni kööŋge røk juu mo patha adïëri. Kanya nø caama geni ni jäŋge, rege agwaarge uut kääpe, ni känge ki lugi.

Edhikiel 23:35

«Kiper manøgønø, man beeye luumma caan Kwäärö Wuuö Jwøki kiperï, ena köö, ni ‹Kiper mana wïl wïïï ki aani ni leeŋï aani ŋääï, ajäla mar bëët käp marï mana gathï dëërï ki gø jwørï jwørø.› »

Edhikiel 28:5

Ki køør mana bëëdï ni waŋï riek døc ki gath, jap kwärö moï athöönhnhö, ni ö atöörri ni døøŋŋe cwïnyï kiper jap kwärö moï.

Odheea 10:1

Jø Icriel atïmö kaamar jaath omøk mo oløth, ni jïte ki nyïëdi mo thööth. 'Ba kany wø tïm jammi moge ni thööth beeye kany wø tïïge ki gïï wø cïp olämme bäätge mo thööth; ni kany wø bëëny ŋöömö marge beeye kany wø cööthge piny ki kïte mo thööth mo wø lam.

Odheea 12:8

Jø tuuŋ Ipariem ge töödö ni ge köö, ni «Waana jiy mo okwär; waana jïtö ki jammi kiper dëëtwa. 'Ba jammi bëët moa jootwa ki køør öölö marwa, bäŋ gïn mo nyoothge bäätwa ni waana jø raay.»

Odheea 2:13

'Ba eno jääla kiper nïra beede ni lama jwø wø cwøl ni Baal, ni cïpö jïgø ko olämme; nïra beede ni wïïe owïl ki aani ni caatha køør omëërri moe, ni ïthe ee kïthö ki gwet-ïdhi, ni dëëre ee tïïö ni mïërö ki jap mïërö ma teeŋi. Luummögø caana aani, a na Wuuö Jwøk.

Odheea 2:7

Eno rïïŋi køør omëërri moe ni ba mak ge; ni many omëërri moe ni ba joot ge. Køøre eno kööi, na ‹A døøa baŋ cwøra mana dïkwøŋ, kiper beerra bëëtö mara manece ki man ennø.›

Odheea 4:6

Jiya araanynyi ki køør bäŋ kwänynyö. 'Ba kiper mana kweerru ki kwänynyö, u na dïlämme, aani thuwø, u kwiera kwierø ki man tïmu ni uuna dïlämme 'moa. Kiper mana wïl wïthu ki ciik 'moa, a na Jwøk maru, aani thuwø wïïa wïl ki nyïïkwaayu.

Odheea 4:7

«'Ba kanya nyaac dïlämme beeye kanya kaathge tïï raay dëëra. Aani, ajiem marge wiila wiilø na lään wïc.

Odheea 5:14

Kiper aani, a tïmö kaamar cïgïï ŋuu ki jï jø Ipariem, ni tïma thuwø kaamar ŋuu mo teek ki jï jø Juuda. Geni, ge peta petø ni thenh thenh ni puta aay; ge käla kälö ni bäŋ ŋat piem ge cera.

Odheea 7:14

Ge ba jwöŋi dëëra ki jwøk mo käla yïth cwïnyge kany wø gööge ko oduuru kwör niine moge. Kany wø lämge kiper caammi ki kwøk nyïïomøki, dëëtge ŋarge ŋarø, ni wecge aani.

Odheea 8:14

Kiper jø Icriel wïthge awïl ki aani na cwääc geni, ni tïme ni ge geeya mïëri mo døøŋŋø, ni ö jø Juuda ni tïïge ki päänye mo teek mo thööth. 'Ba aani maac ojääŋŋa bäät päänye moge, ni ö maaci ni put uudi moa no ogeerø ni teek thöör.»

Odheea 8:4

Gena röönyö ki nyeye naa kärge pëënynyö, ni röönyge ki kwääri ni bäŋ gïn mo ŋääa kipere. Gena tïïö ki kït gïï wø lam kiper dëëtge, ni tïïcge ka gwet-bïrö ki warkie moge, 'ba geno put ränynyö ki køør japøgø.

Tiet Ciik 32:18

U na jø Icriel, Jwøa teek na cwääc uuni aweyu, ni wïl wïthu ki eni na mooc uuni ki jwïëy.