Odheea 13:15 - Wëël Jwøk

¹⁵ «'Ba jø dhi øt Ipariem këël doo bëëdö ni jammi bëët päŋ jïge dï nyïïmëëkge, jamø man wø ööi ki kur tuul-cäŋ jääŋŋa jääŋŋö bäätge, a na Wuuö Jwøk, ni kwönne ki dïtëën; ni ö jøør moge ni putge niŋul, ni ö aguule moge ni putge talø. Ni ö gïïa perge leth na en kwör kän moge ni puti twier bëët.

Odheea 13:15 Iomraidhean Croise

Wïlöölö 41:23

Ni ö jööth abäy møøk ma abïriiø mo otal mo nyeŋge omat mo owaaŋ cäŋŋi, ni tucge køørge.

Wïlöölö 41:52

Ni cak nyeŋ julle ni Ipariem, kiper ena köö, ni «Jwøk aana tïïe ki man jïta ki nyïëdi yi paana jwøra gïïa leth yie.»

Wïlöölö 41:6

Ni ö jööthi møøk ma abïriiø wøk ki køørge, mo nyeŋge omat ni geno waaŋ cäŋŋi.

Wïlöölö 48:19

'Ba wänni akweer ni kööe, «Ŋääa, wääda. Ŋääa ni Maneeca beeye kaa. Eni thuwø tïmö na lwaak mo dwøŋ; 'ba coki mana thiinh en otïmö ni dwøŋŋa eni, ni tïm nyïïkwaaye na lwaa jiy mo thööth.»

Wïlöölö 49:22

«Jocep otïmö na bat jaath mo kännö ki nyïëdi, na bat jaath mo kännö ki nyïëdi mo ena bäät pïï mo kwödö; ni bäädi moe olaa bäät kal.

Jööp 18:16

Lweedi moe atal piny yïth ŋøøm, ni ö bäädi moe na en maal ni ŋødi piny.

Dut Pwøc 1:4

'Ba bëëtö mar jøøa reyø patha enøgønø; ge caala lethø ni wø køøl jame.

Aydheea 14:21

Jiiŋŋu kany ŋar wäät jø Babiløn yie kiper gïïa reyø na tïïc kwäcge; ba beer ki man öge maal ki man ci pinynyi ceŋge, ni pääŋge piny bäre ki päänye.»

Aydheea 17:13

Wïth juurre döötge märö kaamar lwör mar pïï mo thööth; 'ba kanyo ö Wuuö Jwøki noo jook geni, ge puta bwøk ni reŋge kany mo bäär. Ni put ge riemmø ni køøl ge kaamar luum mo ena bäät kïte kanyo køøli ya jamø, wala tør kanyo køøli ya apwøyaweerø.

Aydheea 27:8

'Ba ajäla mana tïïc Wuuö Jwøki, atïïe ni ee rømø kiper jø Icriel, ni cöör ge wøk kaawat man wø tïïc apwøyaweerø man wø kwönni ki jï løø kur tuul-cäŋ.

Aydheea 41:16

Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Jeremaya 20:5

Aani thuwø, jap kwärö mo päänyi en bëët cïba ceŋ nyïïmän moge, ni beege jammi moa jootge ki ri tïïc marge, ki jammi moa perge leth, ki jammi bëët moa perge leth mo nyec Juuda; ni ö nyïïmänni ni twierge japøgø, ni lwørge ge, ni kïthge geni Babiløn.

Jeremaya 4:11

'Ba kar kaace ocaan Wuuö Jwøki jï jøøi ki jø Jerucalem, na «Ajäla mara ööa bäätu, u na jiya, kaamar jamø mo teek mo lïëth mo kwönni ka bäät thuuri moa leer na en dï tëën, mo ba caal jamø man wø kwør beel ki gø,

Jeremaya 4:12

'ba beeye jamø mo käla baŋa mo teek mo kaala cer jamø manøgø. 'Ba ennø, aani, a caana luum ajäla manøgø jïïu.»

Jeremaya 51:1

'Ba man beeye luumma caan Wuuö Jwøki, ena köö, ni «Ka adïëri møn, aani, jø wø räänyö yïthge otheŋa, ni öge kaamar atuunna ni raanyge Babiløn, po jø Kaldia.

Jeremaya 51:36

Kiper manøgønø, luumma caan Wuuö Jwøki beeye en, ena köö, ni «Ka adïëri møn, aani, u cwaa cwaaø, ni coola kwör maru na kare. Aani, naam mar Babiløn otaala, ni bäŋe kany jïtge yie ki pïï.

Edhikiel 17:10

?Aŋø, këël na cäŋi piithø, eni poot løth këët? ?Eni ba tal na bäre bäre kanyo näk mo eno gøøc jam wø ööi ki kur tuul-cäŋ? ?Eni ba tal kanya näk eno piith yie?› »

Edhikiel 19:12

'Ba lweete acööt wøk ki køør wëër, ni leeŋi yïth ŋøøm, ni ö nyïïe ni taali ya jamø man wø ööi ki kur tuul-cäŋ; bat mare na teek døc acööt wøk ni tale ni put waaŋ ki maac.

Daniel 11:8

Eni thuwø juu moge mo tïïc ka nywïëny na kït gïï wø lam, ki jap paac mo perge leth mo tïïc ka gwel-bïrö ki warkey twiere twierø ni kïth geni Ijep. Køøre eni bëëdö ki cwiiri ni nyeny jï løø Wï-Piny ba tuue.

Odheea 10:1

Jø Icriel atïmö kaamar jaath omøk mo oløth, ni jïte ki nyïëdi mo thööth. 'Ba kany wø tïm jammi moge ni thööth beeye kany wø tïïge ki gïï wø cïp olämme bäätge mo thööth; ni kany wø bëëny ŋöömö marge beeye kany wø cööthge piny ki kïte mo thööth mo wø lam.

Odheea 2:3

'Ba ni näk mo ba tïïe, eni wëëga wääth ki dëëre, ni put tïmö ni bëëdö ka dëëre ni caala dïcäŋa lwaarø ki gø. Eni tïïa tïïö ni caala paap mo otal, ni tïïa gø ni caala ŋöömö ma tëën, ni puta eni 'näk ki riew.

Odheea 4:19

'Ba apwøyaweerø öö ni jwiec geni na bäre, ni ö olämme moge ni tïme ni duua lään wïc jïge.»

Odheea 9:11

'Ba ge na jø tuuŋ Ipariem, ajiem marge omääti kaamar wenyø. Ge ba nyöödö këët, ni bäŋ ŋat mo yie jïti ki dhaanhø këët, ni bäŋ jäc këët!

Joona 4:8

'Ba kanya ö cäŋŋi maal, Jwøk akännö ki jamø mo lïëth ki jï løø kur tuul-cäŋ, ni ö cäŋŋi ni gøøc Joona, ni tïm wïïe ni wïïrö, ni päc dëëre thøø, ni kööe, ni «Theemma thøø jïra ki man bëëda naa kwøw.»

Neeyam 2:9

Twierru gwel-bïrö mare, ni twierru warkey mare, kiper teeŋ jammi moa perge leth ki teeŋ jap kwärö ba thum.

Tiet Ciik 33:17

Ge jïtö ki teek ni tïmge kaamar thwønh dhieŋ ma kaa, ni tïmge ni teek kaamar jööbi ni wø cööp jiy ki tuge; ni ö geni ni riemge jiy këël mano këët cuŋ piny. Ni jøw rëëmö røk jø tuuŋ Ipariem o Jocep beege jiy mo thööth mo kaala kume apaar, ki jø tuuŋ Maneeca o Jocep mo kaala kuma.»