Odheea 13:13 - Wëël Jwøk

¹³ Rääm mo leth mo caala man wø lwaarø ki nyilaal atägö dëër Ipariem. 'Ba eni caala nyilaal mo wïïe ba leer. Kiper kanya pïïc kar lwaar mare man lwaarø ki gø, wïïe käre nyuuth wøk.

Odheea 13:13 Iomraidhean Croise

2 Nyeye 19:3

Ni kö jøøgø jï Aydheea, ni «Edhekaya aköö, ni ‹Dïcäŋ man beeye dïcäŋ jwør gïï mo leth, ni beeye cäŋ ajäla, ni beeye cäŋ ataa; kiper ø caala dhaagø mo lwaar ki nyilaal, mo cøøl odhäthö jïre kiper mana näk mo dëëre jääk.

Pwöc Leec Wïc 22:3

Ŋat mo waŋe riek gïna raac wø di joodø ni kan ree, 'ba ŋat ma acaara mare thiinh wø pätha yi gø, ni jwør gïï mo leth.

Aydheea 13:8

'Ba geno lwäyi døc, ni ö räämmi mo teek ki bëëtö mo leth ni put tägö dëëtge. Geni, dëëtge døøcge døøyø kaamar dhaagø mo ogøøc mäc lwaarri. Ŋati man nø rege watge oneene ni yie othäŋŋö, ni täärnyïme owïïtö ki lwär.

Aydheea 21:3

Kanya jooda gïnögø, rääm mo leth aput tägö dëëra, kaamar dhaagø mo ogøøc mäc lwaarri; Aani wïïa ree akiere døc, ni tïme ni tiet luup ba kwanya, ni lwäya døc, ni tiet luup ba jooda.

Aydheea 26:17

Bëëtö marwa nyïmï atïmö kaamar dhaagø mo ogøøc mäc lwaarri, mo jwöŋö ni ree døøye døøyø ki rääm kanyo tïm kar lwaarri ni cään.

Aydheea 37:3

Ni kö jøøgø jï Aydheea, ni «Edhekaya aköö, ni ‹Dïcäŋ man beeye dïcäŋ jwør gïï mo leth, ni beeye cäŋ ajäla, ni beeye cäŋ ataa; kiper ø caala dhaagø mo lwaar ki nyilaal, mo cøøl odhäthö jïre kiper mana näk mo dëëre jääk.

Aydheea 66:9

Wuuö Jwøk, Jwøk maru, aköö, na «?Aŋø, løny man wëëga mäc lwaar tägö, ni nyilaal ba tïïa nee lwaarø ki gø? ?Na aŋø, aani ni wø wëëk dhaanhø lwaar, kar lwaar daa dëëdö?

Jeremaya 13:21

?Agïnaŋø no caanï kanyo ö jiyi moa dwätï ki ge noo mooa ge ki teek bäätï? ?Aŋø, ï ba rämö kaamar dhaagø mo ree da mäc lwaar?

Jeremaya 22:23

U na jø Jerucalem, u ni wø bëëdö yïth uudi mo beyø, mo geer ka jer lur Libaanø, a teeŋ cooyø mo nyïëdi nou cooyu ki gø kanyo ö räämmi bäätu, ni beeye rääm mo caala mar dhaagø mo ree da mäc lwaar.»

Jeremaya 30:6

Pëënynyu dëëtu mø, ni raŋŋu gø døøc, nee da dïcwøø mo olwaar ki nyilaal. ?A ennø, aperŋø ni jooda cwøw bëët ni ŋati man nø piere ee maa ki ceŋŋe kaamar dhaagø mo ogøøc mäc lwaarri en? ?Na aperŋø ni nëën täärnyïm ŋati man nø no oniduk ki lwär en?

Jeremaya 4:31

Da dwøl maa wïnynya mo keda dwør dhaagø mo ree da mäc lwaar, ki cooyø mo caala mar dhaagø mo lwaar ka kanynye, ni beeye Jerucalem na jwöŋö ni ŋëëte gäŋŋö, ni ceŋŋe ee thaaŋø, ni köö, «Wui, aano ränynyö; aana thøø ceŋ dïnäk jiy.»

Jeremaya 49:24

Jø Damacka bäätge opädhi, ni løkge ŋäthge ni reŋge. Cwïnyge obwøk, ni ö lwärri mo dwøŋ ni mak geni, ki rääm mo caala rääm dhaagø mo ree da mäc lwaar.

Odheea 5:4

Gena män tïïe moge na reyø ki man duuge baŋ Jwøk marge. 'Ba kiper mana näk yïth cwïnyge päŋ ki jwïëc käp, gena put tïmö ni bäŋ kwänynyö man ŋäcge Wuuö Jwøk ki gø.

Jøøn 16:21

Dhaagø kany wø täk mäc lwaarri dëëre, cwïnye wø pädhö, kiper na ö kare. 'Ba kany wø ö nyilaalli wøk, eni wïïe ba caare ki rääm këët, kiper na tïm yie ni met ki nyilaal mana nywøle.

Moa Tïïc Nyïïatwieli 24:25

'Ba kanya ö Pøølli na piem gïr bëëtö mo beer, ki gïr män røk ki raay, ki kanya caan gø ni da kany mo luup jiy ŋøla piny yie mo poot ena nyïm, Pilik cwïnye abwøk ni kööe, ni «Ci wøk dïciel. Aano jïti ki kany cwøla ïïni yie.»

2 Körin 6:2

Kiper eni wø köö, ni «Maru awïnynya kanya näk kare, ni kønya uuni dïcäŋa näk cäŋ pïëm man piem jiy ki gø.» 'Ba beeye kanya näk kare ennø, ni beeye cäŋa näk cäŋ pïëm man piem jiy ki gø ennø.

Tiet Ciik 32:6

?Aŋø, u na jø Icriel, u ka bøøre møn, ni wïthu ba leer, uuna cäŋ tïmö nou tïïya gïï mo reyø na kar gïïa beyø na tïïc Wuuö Jwøki jïïu? ?Aŋø, eni paa wääu na cwääc uuni, na tïïc uuni ni tietu këëtge piny?

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.