Odheea 13:10 - Wëël Jwøk

¹⁰ ?Age nyeya maru ennø, mo løny jïre ki man piem uuni? ?Age dïbwöthe mou moa en yïth päänye mou bëët, na cäänu ki geni ni kööu, ni ‹Wa röönynyi ki nyeya ki kwääri›?

Odheea 13:10 Iomraidhean Croise

1 Nyeye 12:20

'Ba kanya ö jø Icrielli na wïnyge gø ni Jeröbäm aduuö ki Ijep, gena jäägö ni cwølge eni nee ö kar acooŋa, ni tïïcge eni na nyeya bäät jø Icriel. 'Ba bäŋ wï tuuŋ mør mo odwätö ki dhi øt Deebit, 'ba beege jø tuuŋ Juuda keere na dwätö ki dhi øt Deebit.

2 Nyeye 17:4

'Ba ajoot nyeny Aciria na Awcë gëëmö, kiper Awcë ajääk baŋ Cööe nyeny Ijep ki jiy nee eni køny, ni kweere ki man cïpe ka ajwäk jï nyeny Aciria, kaawat man wø cïbe ki yi cwiir cooth. Kanyøgønø, ena mak nyeny Aciria ni kïth gø yi øt twöc.

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 43:15

Bee aani na Wuuö Jwøk, Jwøk maru na en kur keere, ni bee aani na nyeya maru na cwääc Icriel.»

Jeremaya 2:28

?'Ba u na jø Juuda, age juu mou moa tïïyu kiper dëëtu? Beerra man öge maal, ni näk mo løny jïge ki man piemge uuni kany wø enu yïth gïï mo leth; kiper juu mou thööth ni röömi ki kwään päänye mou.

Jeremaya 8:19

Ennø, kwac mar jø powa awïnyö ki paac mo kare bäär, ni ge köö, na «?Aŋø, Wuuö Jwøk ba en pøø Dhayan? ?Aŋø, eni na nyeny Dhayan tøør paare?» 'Ba aløk Wuuö Jwøki, na «?Aŋø, aperŋø ni bëëtge ni ge raanynya cwïnya ki køør juuga näk otieŋø na näk oballe na kälge ki baŋ juurre?»

Wëël Kïmmö 4:20

ŋata tïïc Wuuö Jwøki nee wïïe thïïmmi ki maaw, na bëëdö ni caala jwïëy moø, amakge ka abïëp marge, ni beeye ŋata cäänø kipere, ni «Ø doo bëëdö tïpö mare yïthakic wïth juurre.»

Odheea 10:3

'Ba ka adïëri møn geno köö, ni «Waani jïwa bäŋ nyeya, kiper Wuuö Jwøk kärwa lwäärö. 'Ba wa këël doo bëëdö ni jïwa da nyeya, ?agïnaŋø noo duu nyeya dëëtwa?»

Odheea 13:4

«'Ba bee aani na Wuuö Jwøk, na bëëdö na Jwøk maru, ki mana täge ki mana enu yi ŋööm Ijep. 'Ba uuni, u doo bëëdö ni bäŋ Jwøk mør mo ŋäyu këët, ni näk mo paa aani keera, kiper bäŋ pïëmi mør këët, 'ba bee aani keera.

Odheea 3:4

Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput mana näk gïr lam, wala juu møøk mo di lamø.

Odheea 7:7

Ge bëët, ge bëëdö ni cwïnyge lïëth kaamar këënnö; dïbwöthe moge athöörge ki 'näk, ni ö nyeye moge bëët ni bëëtge ni geno päänhnhö no othøw. Bäŋgø dëëtge mo ocwøl aani.

Odheea 8:4

Gena röönyö ki nyeye naa kärge pëënynyö, ni röönyge ki kwääri ni bäŋ gïn mo ŋääa kipere. Gena tïïö ki kït gïï wø lam kiper dëëtge, ni tïïcge ka gwet-bïrö ki warkie moge, 'ba geno put ränynyö ki køør japøgø.

Dhekaraya 14:9

'Ba Wuuö Jwøk otïmö na nyeya kiper bäät piny bäre. Dïcäŋöca Wuuö Jwøk otïmö ni bee Jwøka eni keere, ni nyeŋŋe bee eni keere.

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

1 Camiel 8:7

'Ba Wuuö Jwøk aköö jï Camiel, ni «Cek ïthï ki luup bëët moø ni car jiyi jïrï yøø, kiper geni ge ba kwier ïïni, 'ba ge kwiera aani naa ba bëëda ni aana nyeya marge.