Odheea 12:8 - Wëël Jwøk

⁸ Jø tuuŋ Ipariem ge töödö ni ge köö, ni «Waana jiy mo okwär; waana jïtö ki jammi kiper dëëtwa. 'Ba jammi bëët moa jootwa ki køør öölö marwa, bäŋ gïn mo nyoothge bäätwa ni waana jø raay.»

Odheea 12:8 Iomraidhean Croise

Pwöc Leec Wïc 11:1

Wuuö Jwøk yie raac ki rumi mar møt, 'ba yie wø met ka rumi ma kare.

Pwöc Leec Wïc 30:12

Da jiy mo cädö ni ge waany ki jïge, kaamane ge poot kär tïmö ni waany yïth raay moge.

Pwöc Leec Wïc 30:20

Man beeye bëët dhaagø ma kääbi; eni wø käbö ni pooc dhee, ni kööe, ni «Bäŋ gïn mo raac mo yaa tïïö.»

Jeremaya 2:23

?Aŋø, ïïna diï köö nidïï ni dëërï kärï raanynyø, ni kööï niï kär ci køør juu mo wø cøøri ni Baal? Caar wïïï døøc ki jööra caathï ya agäm-kïdi, ni ŋäyï gïna tïïyï. Ï caala nya athïrööl mo wïïe känni ni wø jøøc piny jaak;

Jeremaya 2:35

ï wø poot köö, ni ‹Bäŋ gïn mo yaa baaø;› ni kööï, ni ‹Ka adïëri møn, Wuuö Jwøk wëër mare ee paanyø bääta.› 'Ba ennø, ï jääla jäälö kar løøk, kiper na kööï, na ‹A kär bääyö.›

Jeremaya 5:27

Uudi moge päŋ ki jammi moa jootge ki køør cwøk, kaamar oröögö mo päŋ ki weny. Kiper manøgø nø, gena kwär ni tïm kwörge ni døøŋŋø.

Edhikiel 28:5

Ki køør mana bëëdï ni waŋï riek døc ki gath, jap kwärö moï athöönhnhö, ni ö atöörri ni døøŋŋe cwïnyï kiper jap kwärö moï.

Odheea 13:6

Kanya caama uuni, uuna jäŋ. 'Ba kanya jäŋŋu, cwïnynyu ajïtö ka atöör; køøre nø wïthu aput wïlö ki aani.

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 4:8

Geni, ge bëëdö ni ge cama rïŋ mo lääy mo wø cïp no olämme mo raay mo jiya, ni yïthge met ki man bëët jiyi ni ge tïïö ki raay.

Amøc 8:5

ni kööu ki cwïnynyu keeru, ni «?Cäŋ ajwöma mar dwääni na päär en opöödhe yi wäne, kiper nee wa døøwa baŋ gath ki beel? ?A cäŋ jwömö opöödhe yi wäne thuwø, kiper nee beel kïthwa kar ŋïëw, nee gïr røm tïïcwa ni thiinh, ni tïïcwa gäte ni teek, ni møtwa jiy ki rumi mo paa kare,

Abakuk 1:16

Kiper manøgø nø, ge wø cïpö ko olämme jï ajääpi moge, ni wääŋge ki gïn wø jïye ŋwääi ni met jï ajääpi moge, kiper beeye ki køør gïïögø na jïtge ki kwärö, ni tïm cam marge ni päl.

Dhekaraya 11:5

'Ba jø wø ŋeew ge wø ŋaalge ŋaalø ni putge aay ni dëëtge bäŋ ajäla. Ni ö jøøa gath ge ni köge, ‹Waana kwär! Pwøc en jï Wuuö Jwøk!› 'Ba dïkwääye moge cwïnyge ba pädhi ki gïrge.

Milkiya 2:17

Uuni, Wuuö Jwøk aööllu ki luup mou. 'Ba uuna köö, ni «?Eni ewa öölö nidïï?» Beeye kiper mana kööu, ni «Ŋat wø tïïc gïn mo raac poot beer ki nyïm Wuuö Jwøk, ni Wuuö Jwøk yie met ki ŋatøgø.» Wala u köö, ni «?Jwøk ni wø ŋøl luup na karge en kaa?»

Milkiya 3:13

Wuuö Jwøk aköö, ni «Uuna cäänö ki luup mo teek dëëra. «'Ba uuna köö, na ‹?A luumma ŋø na caanwa dëërï?›

Luk 10:29

'Ba na tïme ni manynya man piem dëëre, ena köö jï Jecu, ni «?Ŋat mør aŋa ni daa mëër ki gø?»

Luk 12:19

Ni köömma raa, ni «Ïïni, jïrï da jammi mo thööth, mo okanø kiper cwiiri mo thööth. Jwöm riï nø, ni cämï ni mädhï, ni iï met.» ›

Luk 16:13

Bäŋ ŋat tïïc mo doo tïny kwääri ariiø. Kiper eni løny ki man männe ka aciel ni mëëre ki maya, wala cwïnye wëëge aciel ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.»

Luk 16:15

'Ba Jecu aköö jïge, ni «Beeye uuni ni wø pwøc dëëtu keeru nyïm jiy nou beyø, 'ba cwïnynyu ŋäc Jwøki. Kiper gïn wø näk wøp døc ki jï jiy, beeye gïna raaca eni ki jï Jwøk.

Tiet Ciik 8:17

Kanymør u köö ki cwïnynyu, ni ‹Beeye riek waŋ marwa ki teek bäätwa na tïïc japi ni thööth ii jïwa.›

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

1 Timöthi 6:5

ki pïëm mo ba cuŋ dï jiy moa wïthge reyø, jø wø kuy adïëri, ni wø caar gø ni bëët jöör Jwøk beeye jöö man joot jammi ki køøre.

Mana Nyooth 3:17

Kiper ï wø köö, ni ‹Aano kwär, ni japa atïmö ni thööth, ni bäŋ gïn manynya.› Ni kuyï gø ni ïïno ränynyö, ni cwïny opädhö ki gïrï, niï can, ni ïïna cwør, niï cäädhï ka dëërï.