Odheea 12:7 - Wëël Jwøk

⁷ ŋat gath man wø rumö ki gïr røm mo patha kare, yie met ki møt jiy.

Odheea 12:7 Iomraidhean Croise

Wïlöölö 49:18

«'Ba aani, Awuuö Jwøk, a koora køny marï.

Pwöc Leec Wïc 11:1

Wuuö Jwøk yie raac ki rumi mar møt, 'ba yie wø met ka rumi ma kare.

Pwöc Leec Wïc 16:11

Rumi ma adïëri ena baŋ Wuuö Jwøk, këël jap røm bëët mo wø tïï jiyi ki ge.

Aydheea 3:5

Ni tïm jiyi ni ŋati man nø watge thiele piny, ni ö ŋat atut man nø ni dïïm ŋat atut mare. Wøpe ge ööa maal bäät jø døøŋŋø, ni tïm ŋata no otaaø ni töödö bäät ŋata no owøørø.

Aydheea 56:1

Man beeye luumma caan Wuuö Jwøki, ena köö, ni «Tïïyu ŋøl ma kare, ni tïïyu gïn ma adïëri, kiper pïëm mara man piema jiy ki gø aløny ni öö, ni bëënynyö mara oløny ni kare cään ki man nyoodhi.

Edhikiel 16:3

Caanï jïre ni man beeye luumma caan Kwäärö Wuuö Jwøki jï Jerucalem, ena köö, ni ‹Kanya kälï yie ki kanya nywøl ïïni yie beeye ŋööm jø Keenan; ni wäru beeye ŋat Amör, ni meru beeye nyijø Këth.

Edhikiel 22:29

Jiy moa en yi ŋööm paac, jø møøk caarge caarø ni ge twëëdö; ni ge tïïö ki gïï mo reyø dëët kïïe ki jiy moa can, ni jøøa path moa en dïge caarge caarø ki jöö mo patha kare.

Edhikiel 28:5

Ki køør mana bëëdï ni waŋï riek døc ki gath, jap kwärö moï athöönhnhö, ni ö atöörri ni døøŋŋe cwïnyï kiper jap kwärö moï.

Odheea 14:2

Duu baŋ Wuuö Jwøk, ni kööu jïre, ni «Wëën raay mowa bëët, ni jïëyï waani ki met ec marï, nee wa cïpwa ki pwøc no olämme.

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Amøc 2:7

Wï ŋata näk oööl wø nyøønge piny yi tør, ni kierge wïth jøøa mwöl. Ni ö dhaanhe ki wänni ni cige baŋ dhaagø aciel, kiper nee nyeŋŋa na en kur keere nee raanyge.

Amøc 3:9

Beerra man caannu gø jï jøøa bëëdö kwöra teek na en yi Acdöt ki moa en Ijep, ni kööu, ni «Cooŋŋu dëëtu bäät kït Cameria, ni neennu okiera mana en dïëre, ki gïïa leth na temmi dëët jiy.

Amøc 4:1

Wïnynyu gïn, uuni na määr Cameria, uuni no olør kaamar dhää Baacan, uuni ni wø thiel jøøa can piny, ni wø caan jøøa näk oööl, uuni ni wø kööm cwøwu, ni kööu, ni «Kännu ki kwøŋ nee wa mäthwa.»

Amøc 5:11

Jøøa can wø thielu piny, ni jwägu geni ki beel. kiper manøgø nø, këël na gëënnu dëëtu ki uut kïte mo mïërö, u ba bëëdö yïthge; këël na pïïdhu ki jer omøki mo mïërö, u ba mädhö ki kwøk nyïïomøki moøgø.

Mikiya 2:1

Otïmö ni raac jï jø wø caar gïï mo reyø, jø wø caar tïï gïï mo reyø kany wø enge kwör niine moge. Ni kany wø ruu øwi ka amöölla, gïna caarge wø putge ka tïïc, kiper jïge oløny ni da teek ki man tïïcge gø.

Mikiya 7:2

Kiper ŋat mo cwïnye ena køør Jwøk ba joot yi ŋöömö, ni bäŋ ŋat mo mare thïïŋ yïthakic jiy. Geni bëët, ge bëëdö ni ge kønynya rem jiy piny, ni ŋati man nø bëëdö ni dwara watge ka ajääp.

Dhekaraya 14:21

Këël dääe bëët moa en yi Jerucalem ki moa en yi Juuda otïmö ni ena kur keerge na mo Wuuö Jwøk, eni na wïth jammi bëët. 'Ba jiy bëët moo wäro ö baŋ cïp olämme, geno lwöti røk dääe moøgø ni tëëtge ki ge. Dïcäŋöca otïmö ni bäŋ dïgäthe këët yi Øt Wuuö Jwøk, eni na wïth jammi bëët.

Dhekaraya 5:8

Ni kö nyïïatwiel maal manøgø jïra, ni «Dhaaŋŋøgø beeye nyuudhi mar rääö.» Køøre eni dhaaŋŋøgø aput thiel piny yo orööŋŋögø ni put wï oröögö na näk otïïö ki nywïënyö ma eracaac cïëk bäät gø.

Dhekaraya 7:9

ni «Man beeye dwøl mana wara caan Wuuö Jwøki, eni na wïth jammi bëët, ena köö, ni ‹Ŋøllu luup ki jöör ŋøl mana näk kare, ni ö ŋati man nø ni nyooth mëër ki bäth ec mare jï wati maya.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Jøøn 2:16

Ni ööe ni luum jø wø gädhö ka akuyi, ni «Kïthu gïïögø wøk. Uuni øt Wära ba dou tïïö na øt gath.»

Jeemeth 5:4

Neennu, gwet jøøa kac pwöth mou na møtu atïmö ni rëëdö. Ni ö oduuru mar jøøa kac caammi mou ni wïnye ïth Kwäärö Wuuö Jwøk, eni na wïth jammi bëët.

1 Camiel 12:3

'Ba ennø møn, a nutö buutu; ni näk mo da gïn mo yaa baaø, jäällu aani nyïm Wuuö Jwøk ki nyïm ŋata røønye. Uuni, nee da ŋat mo rwaath mare yaa kälö, wala arëën mare, wala ŋat mo yaa caannø, wala ŋat mo yaa thiel piny, wala ŋat mo aano kädö baŋe ki gïn wø cïp ki piny nee nyeŋŋa tïmge ni ba rääŋö, gïïögø duua duuö jïïu.»