Odheea 12:6 - Wëël Jwøk

⁶ Kiper manøgønø, duu baŋ Jwøk maru; ni bëëdu nou tïïya mëër ki ŋøl luup na adïëri, nou koora Jwøk maru cooth.

Odheea 12:6 Iomraidhean Croise

Wïlöölö 49:18

«'Ba aani, Awuuö Jwøk, a koora køny marï.

Bwøth Wøk 3:15

Ni cäŋ Jwøki köö jï Modhe, ni «Wär caanï jï jø Icriel, ni ‹Wuuö Jwøk na näk Jwø kwäyu, na näk Jwø Eeberam ki Aydhak ki Jeekap, bee eni na jääŋ aani baŋu.› Wuuö Jwøk, na näk tiere beeye ‹Aani ni nut en› beeye nyeŋŋa na bäre bäre, na nyeŋ man wø ö jiyi wø parge wïthge ki aani ki gø këël yïth beenhnhe bëët.

Pwöc Leec Wïc 1:23

Doo na mo uuno jïëy ki juuk mara, ka adïëri møn, cwïnya daa käla wøk jïïu, ni daa acaare 'moa wëëk uuni.

Pwöc Leec Wïc 21:3

Ki man tïïc gïn mo beer ki gïn ma adïëri beeye mana met yi Wuuö Jwøki ki gø ni kaala olämi.

Aydheea 1:16

«Lwøgu dëëtu, ni tïïyu dëëtu ni waany, ni ö tïïe mou moa reyø ni daagu ge nyïma. Weyu tïï jammi moa reyø,

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 31:6

Wui, u na jø Icriel, duu baŋ Wuuö Jwøk. Kiper uuna gaa wøk ni weyu eni.

Aydheea 40:31

'Ba jiy mo wø bëëdö ni ge ŋäätha Wuuö Jwøk ge jïtö ki teek mo nyään; ni määtge ki bwöm kaamar odhuuth, ni rïïŋge ni ge ba ööl, ni cääthge ni tietge ba øc piny.

Aydheea 58:6

«'Ba wödö mana manynya beeye en: Beeye ki man pätu jøøa no otwöö yi bëëtö mo leth, ni kälu tëëra peek wøk bäätge ni wø caal jaath man wø rïï ŋut dhieŋ ri puur. Beeye ki man pätu jiy moa no ocaannø, ni ö japa peek bëët na en bäätge, na caal jaath puur manøgø, ni kälu ge wøk.

Aydheea 8:17

'Ba aani, Wuuö Jwøk na kan täärnyïme ki dhi øt Jeekap koora koorø; ni bëëda naa ŋäätha gø.

Jeremaya 22:15

«?Aŋø, ii caarø ni nyec marï beeye kiper mana geerï øt nyec marï ko opämi mo beyø mo thööth niï kaatha ceŋ jø møøk? Aŋø, wäru kera abëëdö ni cämö ni mädhö, ni tïïc tïïc mana näk kare na näk adïëri, ni bëët jammi bëët ni beyø jïre.

Edhikiel 18:30

Kiper manøgønø, Wuuö Jwøk aköö, ni «U na jø Icriel, aani u jääla jäälö. Ŋati man nø dëëtu jääla jäälö ki køør bëëtö mare. Løgu cwïnynyu, ni ööu wøk ki yïth japa reyø bëët na tïïyu; køøre nø raay otïmö ni paa gïn wëëk uuni pädhö këët.

Odheea 10:12

Piithu bëënynyö kiper dëëtu, ni kayu nyïëdi mo mëër mana näk ba jøøl, ni cäŋu pwöth mou puurru na akamme, kiper beeye kare ennø ki man many Wuuö Jwøk, këël kanyo ööe noo tïïc bëënynyö nee pädhe bäätu kaamar køth.

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Jool 2:13

Tïmu nou cööta cwïnynyu ki kïmmö, ni patha abïïe mou.» Ennø, duu baŋ Wuuö Jwøk, Jwøk maru, kiper eni yie met, ni mëër ki jiy, ni bäŋ wø laar wëër, ni mëër mare ni wø ba jøøl päl, ni cwïnye wø di warø ki gïn mo leth.

Amøc 4:13

Adïëri møn, eni na cwääc kïte, ni wø wëëk jamø kwödö, ni wø nyooth acaaye jï dhaanhø; eni ni wø løk tar mar aruunnø ni tïme ni cøl, ni wø cäädhi dï piny ni bäŋ gïn mo gëëŋ gø; bee eni na Wuuö Jwøk, eni na wïth jammi bëët.

Amøc 5:24

'Ba beerra man tïm ŋølli ma kare ni paac ee maa kaamar jwïïö, ni ö bëëtö ma kare ni pälle kaamar naam mo kwödö ni ba tal.

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Mikiya 7:7

'Ba aani, aano bëëdö naa raŋŋa mar Wuuö Jwøk ni cwïnya da ŋäädhe, naa koora mar Jwøk, eni noo piem aani. Eni na Jwøk mara, dwøra wïnynye wïnynyö.

Abakuk 2:3

Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Jepaniya 3:8

Kiper manøgønø, Wuuö Jwøk aköö, ni «Koorru aani, kiper dïcäŋo cuŋŋa naa cäänna uuni. Aani, anø ŋøla ki man cooŋa wïth juurre ge ki buc nyeye bëët, nee wëër mara bäre ni wø liel kaamar maac nee kønynya bäätge. 'Ba jø bäät piny bäre geno put maaci thöör mar këëny cwïny mara.

Dhekaraya 1:3

Kiper manøgønø, a na Wuuö Jwøk na en wïth jammi bëët, a cäänna uuni, ‹Luu nyïmmu baŋa, nee nyïma luua baŋu.› Manøgø caana aani, a na Wuuö Jwøk na en wïth jammi bëët.

Dhekaraya 7:9

ni «Man beeye dwøl mana wara caan Wuuö Jwøki, eni na wïth jammi bëët, ena köö, ni ‹Ŋøllu luup ki jöör ŋøl mana näk kare, ni ö ŋati man nø ni nyooth mëër ki bäth ec mare jï wati maya.

Dhekaraya 8:16

'Ba jammi moi tïme ni beege moo tïïyu: ŋati man nø dëëtu wär tïme ni cäänö ka adïëri jï watge maya; ni ŋøøllu luup na adïëri, nee paac maru jïte ki bëët-mëër.

Moa Tïïc Nyïïatwieli 2:38

Ni kö Piterri jïge, ni «Løgu cwïnynyu ni lwøk uuni na nyuudhi u bëët, ki nyeŋ Jecu Krictø, kiper nee gïïa bayu nee wec. 'Ba Jwïëc Jwøk na en kur keere ocïp jïïu na muuy.

Moa Tïïc Nyïïatwieli 26:20

'Ba akwøŋa køp jï jøøa en Damacka, køøre akøba yi Jerucalem ki yïth mïëri bëët mo Judia, ki jï juurre thuwø, nee wïthge cäŋge caarrø ni løøge rege baŋ Jwøk, ni tïïcge gïï mo orømø ki løk cwïny marge.

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.