Odheea 12:3 - Wëël Jwøk

³ Geni kwarge ma Jeekap kanya en ec, opuny tier coki amaae; 'ba kanya nywøli na døøŋŋe, ena ŋäbö ki Wuuö Jwøk.

Odheea 12:3 Iomraidhean Croise

Wïlöölö 25:26

Køøre cään coki alwaarø ki gøøni, ni ö wøk no opuny Icøø ee maaø ki cere, ni cakge nyeŋ gø ni Jeekap. 'Ba kar kanya ö Rebëëka na nywøl obwöre moøgø, Aydhak cwiiye oløny na pïërabïciel.

2 Nyeye 17:18

Køøre, Wuuö Jwøk awëër døc ki jø Icriel, ni riem ge wøk buute, ni bäŋgø mo odööŋ; 'ba beege jø tuuŋ Juuda keerge.

2 Nyeye 17:20

Køøre, Wuuö Jwøk akweer ki nyïïkwaac Icriel bëët ni caan geni, ni cïp ge ceŋ dïtwïëte, këël mana riem ge wøk buute.

2 Nyeye 17:23

këël mana ö Wuuö Jwøki na riem ge wøk buute, kaawat mana caan gø ki dhøk jiye bëët ma nyïïkuk Jwøk. Kanyøgønø, jø Icriel aput käl ki yi ŋöömö marge ni kïth ge ya Aciria, ni putge bëëtö kaace këël dïcäŋi en.

Jeremaya 2:9

«Kiper manøgønø, a löö ki uuni, a na Wuuö Jwøk, ni lööa ki nyïïkwaayu.

Edhikiel 7:3

Ennø, aŋuun bëëtö maru aløny ni öö. Aani, wëër mara jääŋŋa jääŋŋö bäätu; luup mou ŋøla ŋølø ki køør uutjïëthe mou, ni ö gïïa raac eci ki ge na tïïyu bëët ni dwøga ge wïthu.

Edhikiel 7:8

Aani, ki kany mo cään, wëër mara kønynya bäätu, ni liel cwïnya ki uuni døc; ni ŋøla luup mou ki køør bëëtö maru, ni ö gïïa raac eci ki ge na tïïyu ni dwøga ge wïthu.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Odheea 4:9

'Ba gïno tägi bee en, dïlämme jääla jäälö na aciel ki jiy kiper uutjïëthe moge, ni cunna geni ki køør tïïe moge.

Amøc 2:4

Wuuö Jwøk aköö na ennø, ni «Kiper mana ö jø Juuda na kaathge bääyö marge, a ba døø ŋääa ki man jääla geni, kiper mana kwierge ciik Wuuö Jwøk, ni kärge luumme gwøø; ni gaage wøk thuwø køør juu mo patha adïëri moa cääth kwäcge køørge.

Mikiya 6:2

Wui kïte, u na nut cøøn, wïnynyu luum løøk mar Wuuö Jwøk, kiper Wuuö Jwøk jïre da løøk ki jiye, ni beege jø Icriel noo cääne ki geni.

Wëëlö Mana Göör Pøølli Baŋ Jø Röm 9:11

këël kanya pootge ni kär nywølø, ni bäŋ gïn mo beer wala mo raac mo ege tïïö,