Odheea 12:2 - Wëël Jwøk

² Wuuö Jwøk ena bäät man lööe ki jø Juuda, eni nyïïkwaac Jeekap di jäälö ki køør uutjïëthe moge, ni cool kwör dëëtge ki køør tïïe moge.

Odheea 12:2 Iomraidhean Croise

2 Nyeye 17:4

'Ba ajoot nyeny Aciria na Awcë gëëmö, kiper Awcë ajääk baŋ Cööe nyeny Ijep ki jiy nee eni køny, ni kweere ki man cïpe ka ajwäk jï nyeny Aciria, kaawat man wø cïbe ki yi cwiir cooth. Kanyøgønø, ena mak nyeny Aciria ni kïth gø yi øt twöc.

Jööp 15:2

«?Aŋø, dhaanhø mo wïïe leer løny ki man løk luubö ki yi jöö mo bäŋ tiere, wala piema ree ki luup mo bäŋ tietge mo caala jamø?

Luup Dïpööy 5:15

Eni no okwär enø, kaa mana ö wøk ki yi menni ni bäŋ abïï dëëre, puta døø kaa mana ööe. Eni døøk ni bäŋ gïn mo kwöge këët ri japa tïïe ki öölö mare.

Aydheea 10:12

'Ba kanyo nø ö Wuuö Jwøki noo nø thöör tïïe moe bëët bäät Kïn Dhayan dëër pääny Jerucalem, eni köö, «Aani, nyeny Aciria jääla jäälö kiper ŋwøc mare na raac na en cwïnye, ka atöör mare na näk nëënö waŋe.»

Aydheea 10:6

Aciria jääŋŋa jääŋŋö baŋ wï jur mana kwier Jwøk, ni köömma gø nee ci baŋ jiy moa tïïc aani naa wëëra ki ge, nee japge twier ni käli, ni thiel ge piny ni nyør geni kaamar odhöönh mar øtjöö.

Aydheea 24:21

Dïcäŋeca, Wuuö Jwøk gïïa jïge da teek maalø jääle jäälö kwöra enge yïthge maal, ni jääl nyeye mo piny bäät piny.

Aydheea 3:11

Wui, otïmö ni leth jï jø raay! Ränynyö ööa bäätge! Kiper gïïa reyø na tïïcge ki ceŋge døøa wïthge.

Aydheea 30:6

'Ba luumma nyooth Wuuö Jwøki kiper 'lääy mo wø en kanya cwøl ni Nëgëp bee en: Jøøa jääŋŋi gena aay ni ge cøra yi ŋöömma raac ni wø jwør gïï mo leth yie, kanya näk yie da ŋuuwe, ki thwöre mo reyø, ki teeŋ thwöre møøk mo määdö; ni ge aay ni jap kwärö moge käärge ka bäät arëëni, ni japa näk ege kaannø na perge leth käärge ka bäät athïrööle, ni ge cøøa baŋ jiy mo bäŋ køny mo tïïcge,

Aydheea 59:18

Wuuö Jwøk wëër, ni cool kwör dëët jøøa gëëmö ki eni, ki nyïïmän moe ki køør gïïa tïïcge; eni kwör di coolø dëët wïth juurre mo wø bëëdö yïth mïëri moa en bäät naama dwøŋ.

Jeremaya 25:31

Dïŋaŋ okëët ya aŋuun piny bäre, kiper Wuuö Jwøk jïre da løøk ki wïth juurre bëët. eni mar jiy bëët ŋøle ŋølø, ni cïp jøøa reyø dho opëëllö. Luummögø caana Wuuö Jwøki.› »

Odheea 2:13

'Ba eno jääla kiper nïra beede ni lama jwø wø cwøl ni Baal, ni cïpö jïgø ko olämme; nïra beede ni wïïe owïl ki aani ni caatha køør omëërri moe, ni ïthe ee kïthö ki gwet-ïdhi, ni dëëre ee tïïö ni mïërö ki jap mïërö ma teeŋi. Luummögø caana aani, a na Wuuö Jwøk.

Odheea 4:1

Wui jø Icriel, cegu ïthu ki dwør Wuuö Jwøk, kiper Wuuö Jwøk jïre da løøk ki uuni, u ni bëëdö yi ŋöömö man en, ni luummaca bee en, ena köö, na «Atïmö ni bäŋ jø ŋäädhe, ni bäŋ mëër, ni bäŋ acaara ki man ŋäc Jwøk yi ŋöömö man.

Odheea 4:9

'Ba gïno tägi bee en, dïlämme jääla jäälö na aciel ki jiy kiper uutjïëthe moge, ni cunna geni ki køør tïïe moge.

Odheea 7:1

«'Ba kany wø manynya gø nee jø Icriel kønya, ni beege jø tuuŋ Ipariem, ki pääny marge ma Cameria, raay moge ki tïïe moge moa reyø puta nëënne. Kiper ge bëëdö ka bëët tööt, ni kuuwe uudi tøcge tøyø, ni dïtwïëte bëëdö nyeŋ jïëthe ni ge twëëdö.

Odheea 7:11

'Ba jø tuuŋ Ipariem gena tïmö kaamar akuuru ma acaara mare thiinh, mo ba cädö na wøp. Geni jø Ijep cwølge cwølø ennø, ni ge cäŋa døø baŋ jø Aciria.

Odheea 7:2

'Ba ba caarge ki cwïnyge ki man näk mo japa reyø na tïïcge bëët wïïa para parø ki ge. Ge bëëdö ni geno ciel raayi moge dïër; ni raay moge ena nyïma naa raŋŋa geni.

Odheea 8:10

'Ba këël na bëëtge ni dëëtge ege gath wøk dï wïth juurre, aani, ge cäŋa ka cooŋ kanya ciel, ni ö geni ni putge gïï mo leth jwør cer nyeya mana teek.

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Odheea 8:9

Kiper gena nø ci baŋ jø Aciria ni caala arëën mar paap mo thääyö keere jaak; ni ö jø Ipariem ni nø gathge mëër marge wøk.

Odheea 9:15

'Ba Wuuö Jwøk aköö, ni «Tïï gïï mo reyø atäkge Gëlgela; ni puta männö ki geni kaace! 'Ba kiper rääö mar japa tïïcge, ge riema wøk yi ŋöömö mara, ni ba mëëya ki geni këët; kwääri moge bëët gena jø ageem.

Odheea 9:9

Uuna døny yïth raay døc, ni caala mana tïïc yi Giba; 'ba Jwøk wïïe opare ki rääö maru, ni jääl uuni kiper raay mou.

Amøc 2:4

Wuuö Jwøk aköö na ennø, ni «Kiper mana ö jø Juuda na kaathge bääyö marge, a ba døø ŋääa ki man jääla geni, kiper mana kwierge ciik Wuuö Jwøk, ni kärge luumme gwøø; ni gaage wøk thuwø køør juu mo patha adïëri moa cääth kwäcge køørge.

Mikiya 6:2

Wui kïte, u na nut cøøn, wïnynyu luum løøk mar Wuuö Jwøk, kiper Wuuö Jwøk jïre da løøk ki jiye, ni beege jø Icriel noo cääne ki geni.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Wëëlö Mana Göör Pøølli Baŋ Jø Röm 2:6

Kiper eno cïpi jï jiy bëët, ni ŋati man nø ojïti ki mo orømø ki gïïa tïïe.

Galeecia 6:7

Kär dëëtu cøøgu. Jwøk ba maar cøøgø. Kiper gïn wø piith dhaanhe, beeye wø cäŋ kayø.