Odheea 12:14 - Wëël Jwøk

¹⁴ 'Ba jø tuuŋ Ipariem, ni poot na jø Icriel, Kwäärö Wuuö Jwøk atïïcge nee goote ki geni døc. Kiper manøgønø, kwör rem jiy moa kønyge piny odwøk Kwäärö Wuuö Jwøki bäätge; ni ö ajøøŋ mana tïïcge ni dwøgi wïthge.

Odheea 12:14 Iomraidhean Croise

2 Camiel 1:16

Køøre Deebit aköö jï nyï Amalëk mana thøw enø, ni «Beeye ï na käl thøø manøgø bäätï keerï, kiper mana ö wøk ki dhiï beeye na käl ajäla manøgø bäätï, ki køør mana kööï, ni ‹Aani, nyeya na näk otïïc Wuuö Jwøki nee wïïe thïïmmi ki maaw anääa.› »

Edhikiel 18:10

«'Ba ni näk teeŋ ŋatøgø jïre da wääde ma ŋat ageem mo kunynya piny ki rem jiy, wala tïïya teeŋ jammi møøk mo reyø dëër wati,

Edhikiel 18:13

ni jammi mo wø mac baŋe tïïe tïïö nee duui jïre ni da wïthge, ?aŋø, teeŋ ŋatøgø løny ki man bëëde ni kwøw? Ba løny ki man bëëde, kiper eni japøgø ni raac yia ki ge bëët yøø atïïe. 'Ba ka adïëri møn, eni di nääö ni thøøe ni thuunhnha tïïe moe.

Edhikiel 33:5

Eni kiper mana wïny dwør tuuŋ ni bëëde ni bäŋ gïn mo lääŋŋe kiper gø, remø mare tïmö ni ena bääte keere. 'Ba doo na dwør tuuŋ ee wïnynyö ni reŋe, jwïëye dee piemø.

Daniel 11:18

Køøre eni nyïme løøe baŋ jø wø bëëdö bäät näm, ni mak jiy mo thööth. 'Ba kwääc lwaa leny, apääda mar gø raanynye raanynyø, ni dwøk apääda manøgø wï gø.

Odheea 4:2

'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Odheea 7:16

Gena kweer ki man duuge baŋa, a na Jwøa dwøŋ, ni tïm bëëtö marge no okööm kaamar atheerø mo ree täpö. 'Ba dïbwöthe moge geno 'näk ko opëëllö, kiper cäänö marge man wø cäänge ni ge koorrø. 'Ba gïnögø oput duunnö ka abuua bäätge dï ŋööm Ijep.»

Mikiya 6:16

Kiper u bëëdö nou gwøga kööŋŋe mo nyeya ma Ømri, ki gïïa tïïc wääde bëët ma Akap ki jøøa käl dëëre, ni bëëdu nou caatha køør acaare moge. Kiper manøgønø, aani, u cïba cïbö jï ränynyö; u ni wø bëëdö päänyögø, u tïïa tïïö na gïr abuua, ni bëëdu, u na jiya, nou käära ajøøŋ yi piny bäre.»

Tiet Ciik 18:15

Wuuö Jwøk na näk Jwøu otïŋ maal jïïu ki nyikuŋ Jwøk mo caala aani røk jø pou. 'Ba nyikuŋ Jwøk manece mare dou leŋø.

Tiet Ciik 18:18

Aano tïŋ maal ki nyikuŋ Jwøk dï jø poge mo caala ïïni, ni cïba luup 'moa dhee, ni ö eni ni caan luupo köömma eni ki ge bëët jïge.

Tiet Ciik 28:37

Køøre u tïmö ni uuna jiy mo cwïny bwøk ki geni kiper gïïa tägö dëëtu, ni tïmu ni uuna jø wø ŋäät dëëtge, ni bëëdu ni uuna gïr waac dï juurre bëët kwöro ö Wuuö Jwøki noo keeth uuni yïthge.

1 Camiel 2:30

«Kiper manøgønø, Wuuö Jwøk Jwø Icriel mare acaane ni kööe, ni ‹Ka adïëri møn, aana köö ni dhi øtø marï ki dhi øt kwaru doo bëëdö ni tïïö geni na dïlämme nyïma cooth;› 'ba ennø, Wuuö Jwøk mare acaane ni kööe, ni ‹Gïnögø ba tïïa këët, kiper jø wø wøør aani, ge wøøra wøørø; 'ba jø wø taak aani, ge tïmö ni geno taaø thuwø.