Odheea 12:13 - Wëël Jwøk

¹³ 'Ba jiy moa öö ki ree, ni beege jø Icriel, gena käl Wuuö Jwøki wøk ki Ijep ki ri nyikuŋ Jwøk. Gena gwøk Wuuö Jwøki ki ri nyikuŋ Jwøk.

Odheea 12:13 Iomraidhean Croise

Wïlöölö 28:2

Ö maal, ni ciï Padan-Aram, dhi øt kwaru ma Batuël wää meru, ni nyöömmï ki dhaagø kaace dëët nyïï nääru ma Leeban cöök meru.

Wïlöölö 29:20

Køøre Jeekap atïïö ki cwiiri abïriiø kiper Reecal, ni cwiiyøgø nëëni keda nïne mo nøk jaak, kiper mana bëëde ni mëër ki Reecal døc.

Bwøth Wøk 13:3

Køøre Modhe aköö jï jø Icriel, ni «Lääŋŋu dïcäŋa ööu wøk yie ki Ijep na näk po laŋ; kiper uuna käl Wuuö Jwøki wøk kaagø ki teek mare. Kiper manøgø nø, kär dee møø mo ree da thømmø mo cam dïcäŋögø.

Bwøth Wøk 14:19

Ni ö nyïïatwiel maalli mar Jwøk, na näk cäädha nyïm lwaa Icriel, ni paany ree ni ci ŋäthge; ni ö pöölö ni daak ree nyïmge ni cuŋŋe ŋäthge,

Odheea 11:1

«Aani, kanya poot jø Icrielli na wï jur mo thiinh, a mëër ki geni, ni cwöla geni wøk ki Ijep ni caala wääda.

Odheea 2:15

Kanyøgønø pwöth omøki moe odwøga jïre kaace, ni tïïa goor Akör na dhi øtø mar ŋäädhe. Eno wär ki duut ni caala mana bëëde ni ena nyakøø, ki kanya ö eni na ö wøk ki yi ŋööm Ijep.

Mikiya 6:4

Ka adïëri møn, ya acääŋŋe uuna käla wøk ki Ijep, ni piema uuni ni päda uuni yi bëët laŋ, ni cööra Modhe nyïmmu, eni ka Aran ki Mariyam.

Kwään Jiy 12:8

A cäänö ki eni ni løøŋwa dhøkwa ki gøøni, naa caana luubö mo tiere nëënö, ni paa aŋaade; ni ö eni ni raŋ kïta, a na Wuuö Jwøk. ?Aperŋø nø na käru lwäyö ki man waayu nyeŋ dhaanhnha ma Modhe?»

Tiet Ciik 26:5

Ni caan mare nyïm Wuuö Jwøk na näk Jwøu, ni kööe, ni ‹Kwara beeye ŋat Aram mo oööl mo manynya thøø, ni aa Ijep ni bëëde yie na jur ma wëëllö, ni ge nøk. 'Ba gena tïmö na wï jur mo dwøŋ, ni tïmge ni teek kaace, ni kwäänge thööth.

1 Camiel 12:8

«Neennu, kanya ö Jeekapi ki jø paare na cige Ijep, nyïïkwaaye, ni beege kwäyu, gena caan jø Ijepi, ni jwöŋge dëër Wuuö Jwøk. Ni ö Wuuö Jwøki ni jääŋ Modhe ka Aran baŋ kwäyu, ni kälge ge wøk ki Ijep, ni kälge ge kany nee ge bëëtge yie.