Odheea 12:1 - Wëël Jwøk

¹ Jø tuuŋ Ipariem ge ŋwieya køør jamø, ni ge rïïŋö cooth køør jam wø ööi ki kur tuul-cäŋ; ni tööt ki tïïc gïï mo reyø ege kaadhø. Ni geno tudö thuwø ki luubö ki jø Aciria, ni ge jwëëga Ijep ki mädhi mo wø cam.

Odheea 12:1 Iomraidhean Croise

Wïlöölö 41:6

Ni ö jööthi møøk ma abïriiø wøk ki køørge, mo nyeŋge omat ni geno waaŋ cäŋŋi.

2 Nyeye 15:19

'Ba Puul nyeny Aciria aöö nee këëde ki jø Icriel, ni ö Menaëmmi ni cïpe jï Puul ki gwet-bïrö mo peek mare beeye rumme ma kuma aciel mo røm ka rumi mana cwøl ni kikar kiper nee eni køny Puulli nee tier nyec mare këët piny ni teek.

2 Luup Nyeye 21:11

'Ba Jöram ena tïïö thuwø ki kwör lam bäät thuuri mo Juuda, ni bwøth jø Juuda ki jø Jerucalem ki man gaage wøk køør juu møøk kaawat man wø tïïc dhaaŋ paaci mo rïïŋö køør käp.

Jööp 15:2

«?Aŋø, dhaanhø mo wïïe leer løny ki man løk luubö ki yi jöö mo bäŋ tiere, wala piema ree ki luup mo bäŋ tietge mo caala jamø?

Jeremaya 2:36

?Aŋø ni wïïrï yïthakic jiy en, ni wellï uutjïëthe moï en? Wïïï olää jø Ijepi, kaawat mana ö jø Aciria na lääge wïïï.

Jeremaya 22:22

Dïbwöthe mou bëët onikeet kaawat man wø tïïc jame, ni ö wïth juurre moa mëërru ki geni na dwätu ki geni ni maai ki tøŋ. Køøre wïthu otïmö ni laay, ni tïm nyeŋŋu ni law, kiper gïïa reyø bëët na tïïyu.

Jeremaya 7:15

Ni riemma uuni buuta kaawat mana riemma nyïïmëëgu ma nyïïkwaac Ipariem.› » Luummögø caana Wuuö Jwøki.

Wëël Kïmmö 5:6

Ceŋwa acïpwa jï jø Ijep ki jï jø Aciria, nee wa jïtwa ki cam man koorwa jwïëcwa ki gø.

Edhikiel 17:10

?Aŋø, këël na cäŋi piithø, eni poot løth këët? ?Eni ba tal na bäre bäre kanyo näk mo eno gøøc jam wø ööi ki kur tuul-cäŋ? ?Eni ba tal kanya näk eno piith yie?› »

Odheea 11:12

«Jø tuuŋ Ipariem deŋŋa acielge ki tööt, ni ö jø dhi øt Icrielli ni cielge deŋŋa ki cwøk. 'Ba jø tuuŋ Juuda thuwø wïthge poot känni ki man jïëcge aani, a na Wuuö Jwøk, ni bee aani na Jwøa en kur keere na näk mare adïëri.»

Odheea 11:9

U ba jääla këët ki wëër mara ni wø liel kaamar maac. Wïthu ba dïïra këët, u na jø tuuŋ Ipariem. Kiper aana Jwøk, naa patha dhaanhø, ni bee aani na Jwøa en kur keere na en dïïu. A ba ö baŋu këët ki wëër.

Odheea 4:15

«Wui, ï na Icriel, këël na bëëdï niï tïïya tïï käp, Juuda kär näk cäŋa bääyö. Ni ba cou Gëlgela, wala maru ci maal Bëëth-Awëën, nou kööŋ, ni ‹Ŋëët Jwøa kwøw!›

Odheea 4:19

'Ba apwøyaweerø öö ni jwiec geni na bäre, ni ö olämme moge ni tïme ni duua lään wïc jïge.»

Odheea 5:13

'Ba kanya ö jø Ipariemmi ki jø Juuda na jootge gø ni gïï mo leth opïï dëëtge, jø Ipariem nyïmge aløøge baŋ Aciria, ni jääkge baŋe, eni na nyeya mana dwøŋ kiper nee jïtge ki køny. 'Ba ba løny jï nyeny Aciria ki man køny ge ki gïïa leth na en bäätge.

Odheea 7:1

«'Ba kany wø manynya gø nee jø Icriel kønya, ni beege jø tuuŋ Ipariem, ki pääny marge ma Cameria, raay moge ki tïïe moge moa reyø puta nëënne. Kiper ge bëëdö ka bëët tööt, ni kuuwe uudi tøcge tøyø, ni dïtwïëte bëëdö nyeŋ jïëthe ni ge twëëdö.

Odheea 7:11

'Ba jø tuuŋ Ipariem gena tïmö kaamar akuuru ma acaara mare thiinh, mo ba cädö na wøp. Geni jø Ijep cwølge cwølø ennø, ni ge cäŋa døø baŋ jø Aciria.

Odheea 8:7

Jø Icriel apïïdhö ni tïme kede ge piitha jamø, ni ö gïïa kacge ni tïme kede apwøyaweerø. Beel moa näk cuŋŋö yi pwödhö atïmö na adibøøye, ni bäŋe nyeŋ mo ege joodø. 'Ba këël møøk doo jïtö, jiy mo path puta öö ni thöörge gø.