Odheea 11:8 - Wëël Jwøk

⁸ «?Wui jø tuuŋ Ipariem, olønye nidïï ki man cïba uuni ceŋ jø møøk? ?Wui u na jø Icriel, olønye nidïï ki man wiia uuni nou aayu? ?Aŋø, løny ki man raanynya uuni kaamar jø Adama ki jø Dheböym? Cwïnya akweer ki man tïïa gïnögø, ni ö bäth eci mara ni jääny wøk ki mëër.

Odheea 11:8 Iomraidhean Croise

Wïlöölö 14:8

Kanyøgøøni nyeny Cødam, ki nyeny Gømöra, ki nyeny Adama, ki nyeny Dheböym, ki nyeny Bëla na näk Dhöär, gena ö wøk ni jiiŋge dëëtge kiper leny yi gool mar Cidim;

2 Camiel 24:16

'Ba kanya ö nyïïatwiel maalli na rwiec cere nee Jerucalem raanynye, Wuuö Jwøk cwïnye apädhö kiper gïna leth na tägö dëët jiy, ni kööe jï nyïïatwiel maal mana 'näk jiy, «Manøgø rømø nø. Ennø, jook cerï nø.» 'Ba kar kaagø, nyïïatwiel maal mar Wuuö Jwøk ena buut laara mar Arawna nyï Jeebuc.

1 Nyeye 3:26

'Ba dhaagø mana näk nyilaal mana kwøw beeye mare, cwïnye apädhö døc kiper wääde, ni cääne ki nyeya ni kööe, «Wui, ï na nyeya mara, cïp nyilaal mano ni kwøw enø jï nyaanøgø; kär nyilaal 'nägï.» 'Ba dhaagø maya aköö, ni «Nyilaal man ba tïmö na mara, ni ba tïmö na marï; di pääŋŋö ki dïëre.»

2 Nyeye 13:23

'Ba Wuuö Jwøk met ec ki bäth ec mare anyoodhe jï jø Icriel, ni løø cwïnye baŋge, kiper luumma näk ee tuudö ki Eeberam ki Aydhak ki Jeekap, ni eni ba many man raany jø Icriel, wala ki man riem ge buute, këël dïcäŋi en.

2 Luup Nyeye 36:15

'Ba Wuuö Jwøk, Jwø kwäcge, dwøl mare jääŋŋe jääŋŋö baŋge cooth ki dhøk nyïïkuk moe, kiper pänh cwïny mare kiper jiye ki kar bëëtö mare.

Aydheea 16:11

Kiper manøgønø, aana bëëdö naa kïïna gïr Möap ki cwïnya kaamar ŋat wø jwøk jwøk-thøø ki thoom; ni bëëda naa kïmmö kiper Kir-Ërë.

Aydheea 63:15

Wui, Wuuö Jwøk, lwïthï piny ni räŋŋï niï ena maal kar bëëtö marï na en kur keere na näk mar ajiem. ?Age këëyö marï ki teek marï? Mëër marï ni wø ba jøøl ki bäth ec marï akanï ki waani.

Jeremaya 18:8

'Ba ni näk mo jøøa cääna dëëtge ki luubö, cwïnyge løkge løø ni wecge gïïa reyø, aani, cwïnya dwøga piny ki gïna leth na caara ni daa tïïö dëëtge.

Jeremaya 3:12

Ciï ni caanï dwøl man en ni nyïmï ii løø jï løø wï-piny, ni kööï ni Wuuö Jwøk aköö, «ni ‹Ï na Icriel na caal dhaagø mo cwïnye ogaa wøk en, duu baŋa. Ï ba raŋa ka agäät, kiper a na Wuuö Jwøk, a mëër ki ïïni, ni gootø mara ba ruu cwïnya na bäre bäre.

Jeremaya 31:20

Wuuö Jwøk aköö, na «?Aŋø, Ipariem paa wääda mana pere leth jïra? ?Aŋø, eni paa nyilaal mana met yia ki gø? Ka adïëri møn, këël na bëëda naa cäänö dëëre ki gïï mo leth, eni poot lääŋŋa lääŋŋö. Kiper manøgønø, cwïnya ena baŋe; ka adïëri møn, mëër mara nyoodha nyoodhø jïre.» Luummögø caana Wuuö Jwøki.

Jeremaya 42:10

Ka adïëri møn, ni näk mou bëëdö yi ŋöömö man, u tïïa tïïö nou teek, ni ba nyaa uuni. 'Ba tietu këëla piny, ni ba cööda uuni wøk; kiper cwïnya apädhö ki gïna leth na tïïa dëëtu.

Jeremaya 9:6

'Ba ï na Jeremaya, kar bëëtö marï ena dï jø cwøk, ni geno kweer ki man ŋäcge aani ki køør cwøk moge.» Luummögø caana Wuuö Jwøki.

Jeremaya 9:7

Kiper manøgønø, luumma caan Wuuö Jwøki, eni na wïth jammi bëët, beeye en, ena köö, ni «Ennø, ge päära päärö ki gïï mo leth kaamar ŋat wø päär nywïënyö ki maac, ?kiper gïn mør mo daa tïïö kiper jiya agïnaŋø?

Wëël Kïmmö 1:20

«Wui Wuuö Jwøk, neenï, a ena yïth gïï mo leth. Jwïëya bëëdö ni kïmmö døc, ni bëët cwïnya no opädhö, kiper aana bëëdö naa gëëmö døc. Opëëllö bëëdö ni nääö wøk nyeŋ jïëthe, ni bëët yïth uudi na thøø keere.

Wëël Kïmmö 3:32

Këël doo kännö ki pänh cwïny bäät dhaanhø, cwïnye poot di bäädhö ki køør mëër mare na päl ni wø ba jøøl.

Wëël Kïmmö 3:33

Kiper eni yie ba met ki man tïïc gïn mo leth dëër dhaanhø, wala ki man wëëk jiy kïmmö.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Edhikiel 6:9

'Ba jiy moo bøth, wïthge oparge ki aani kanyo enge yïthakic wïth juurre moa mak geni ki tøŋ. Geni wïthge oparge ki kanya bëëda ni cwïnya ege raanynyø ki køør mana bëëtge ni cwïnyge lääŋŋa käp, na pää geni ki aani, ki køør mana bëëtge ni nyeŋge ege peerø køør käp mana wara tïïcge ki kït gïï wø lamge. 'Ba geno männi ki dëëtge keerge ki køør japa reyø na bacge, ki japa näk yia raac ki ge bëët na tïïcge.

Odheea 6:4

Wuuö Jwøk aköö, «?Wui, jø tuuŋ Ipariem, agïnaŋø noo tïïa ki uuni nø? Wui, jø tuuŋ Juuda, agïnaŋø noo tïïa ki uuni nø? Kiper mëër maru caala pøøl mo amöölla, ni caala thööy ni wø laar rwäänyö.

Odheea 7:1

«'Ba kany wø manynya gø nee jø Icriel kønya, ni beege jø tuuŋ Ipariem, ki pääny marge ma Cameria, raay moge ki tïïe moge moa reyø puta nëënne. Kiper ge bëëdö ka bëët tööt, ni kuuwe uudi tøcge tøyø, ni dïtwïëte bëëdö nyeŋ jïëthe ni ge twëëdö.

Amøc 4:11

«Jiy møøk araanynya rou, kaawat mana raanynya mïëya näk Cødam ki Gømöra, ni ö uuni na bøth ni tïmu nou caala jaath mo liel mo okäl wøk yi maac; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Amøc 7:3

Køøre Wuuö Jwøk cwïnye aware ni kööe, ni «Gïnögø ba tägi këët.»

Amøc 7:6

Køøre Wuuö Jwøk cwïnye aware ni kööe, ni «Gïnögø thuwø ba tägi këët.»

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Jepaniya 2:9

Kiper manøgønø, Wuuö Jwøk, Jwø Icriel, eni na wïth jammi bëët, aköö, ni «Ka adïëri møn, kaa man bëëda naa kwøw en, jø Möap, poge tïmö kaamar Cødam, ni ö jø Amönni ni tïm poge kaamar Gømöra; ni ö luummi mo raac ni put tuuö yïth ŋøøpge, ni tïm ŋøømmi moge na buri mo acäbö, ni put ŋöömö ränynyö na bäre bäre. Jiy 'moa moa dööŋ ni kwøw, jap jøøgø otwierge, ni putge bëëtö yi ŋöömö mar jøøgø ni tïme na marge.»

Mathiew 23:37

«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Tiet Ciik 29:22

«'Ba beenhnhø mano ööi cään, ki juurre mo käla kany mo bäär, kanyo jootge täwe ki gïïa leth na tägö yi ŋöömmu, na tïïc Wuuö Jwøki, ge köö,

Tiet Ciik 29:23

ni ‹Ŋöömö bäre awaaŋ ni ränynye, ni tïme na bur ni caala acäbö, ni bäŋ gïn mo pïïth yie, ni bäŋ gïn mo ciek yie, ni bäŋe luum mo tuy yie, kaawat gïna tägö dëët päänye moa cwøl ni Cødam ki Gømöra ka Adama ki Dheböym, na raany Wuuö Jwøki ki køør wëër mare.›

Tiet Ciik 32:36

«'Ba kanyo ö Wuuö Jwøki noo neen gø ni teek mar jiye bäŋgø këët, ni bäŋ dhaanhø mo odööŋ këët, këël laŋŋø, kar kaaca jiye di ŋunnö, ni päth cwïnye ki gïrge, ge na laaŋe moe.

2 Piter 2:6

Ni døøc pääny Cødam ki pääny Gømöra bur, ni dïïr wïthge bëët, ni tïïya ge na nyuudhi jï jø raay.

Juut 1:7

Kaawat manøgø thuwø, Cødam ki Gømöra ki mïëri moa en deŋge, jøøa cïp dëëtge køør käp ni ge kapa dëëtge na enønø thuwø, atïmö na nyuudhi ki køør mana jääl geni ki maaa näk bäŋ cuŋŋe.

Mana Nyooth 11:8

ni ö rïŋ dëëtge ni bëëtge no opäänhnhö waŋjöör paana dwøŋ, na näk nyeŋŋe obaaŋ ri Cødam ki Ijep, kanya 'näk Kwääcge yie bäät jaadha no odëëdö.

Mana Nyooth 18:18

ni rëëtge kanya jootge jïye na waaŋe, ni köge, na «?A paana ŋø na caal paanø ni dwøŋ enø?»

Pïëmme 10:16

Kanyøgønø, geni juuga path moa en yïthakicge aputge wec, ni tïmge ni ge tïnynya Wuuö Jwøk. Køøre Wuuö Jwøk cwïnye apädhö ki caarø manø ni teek ni caar jø Icriel ki gø enø.