Odheea 11:6 - Wëël Jwøk

⁶ 'Ba leny nakwaar yïth päänye moge, ni ö dïdëëdi mo odhuule mo dhøk kiir marge ni nigenyaŋŋa piny, ni tïm aŋuun jammi bëët moa caarge ni bäŋgø.

Odheea 11:6 Iomraidhean Croise

Aydheea 18:5

Kiper kanyo tïme ni kar kac poodi, ni wï jaath onø ŋøø, ni wïïe opäth piny, ni nyïïe manynya ciek, eni lweth jenni moa no oløth ŋøre ŋørø ki caakïïn mar goor jenni, ni ö bäädi moa no olaak ni ŋødi piny ni weti.

Aydheea 27:10

Kiper pääny mana no ogeerø ni teek adööŋ keere ni ba beet, ni wïl wïci ki gø, ni tïme kaamar dï paap, ni ö nyïïrøøe ni bëëtge ni ge cämö ki luum yie kaace, ni butge piny yie, ni camge bäät jenni moa en yie.

Aydheea 30:1

Wuuö Jwøk aköö, no «Otïmö ni leth jï obwöre moa wïthge teek, jø wø cïp piny ka acaare ni tïïcge gø, ni patha ki køør mana manynya, ni wø tudö ki luup, ni patha ki køør Jwïëy 'moa, ni ge meeda raay bäät raay moge møga.

Aydheea 9:14

Kiper manøgønø, Wuuö Jwøk wïc ki jïp mar Icriel, ki bøøge moe ki bäädi moe di raanynyø ki dïcäŋ aciel keere.

Jeremaya 5:17

Beel ki caammi mou otwierge ni thöörge geni; wäätu ki nyïïu onäkge ni thöörge geni; dïëk mou ki dhäk mou oŋaalge ni thöörge geni; omøki mou ko olämmi mou oraanyge ni thöörge geni; ni raanyge päänye mou moa no ogeerø ni teek ni wø ŋääthu yøø.

Jeremaya 50:35

«Ajäl thøw tøŋ oen bäät jø Babiløn, jø wø bëëdö dï Kaldia bäre, ki jøøa kwörge døøŋŋø ki jøøa nyeŋge reegø moe bëët!

Wëël Kïmmö 2:9

Dhøk kiir apäänhnhö piny ni buŋi ya ŋøømmi, ni ö dïdëëdi moe ni tøc ge ni raany ge. Nyeya mare ki kwääri moe ge bëëdö dï wïth juurre ni ge mak ka tøŋ. Ciik atïmö ni bäŋgø këët, ni ö nyïïkuk Jwøki ni tïme ni bäŋ gïï wø nyooth ki yi wïc mo jootge baŋ Wuuö Jwøk.

Edhikiel 20:47

Caanï jï jø ŋöömma en jï løø tier-piny ni wø bëëdö na lul, ni kööï jïge, ni ‹Wïnynyu dwør Wuuö Jwøk. Man beeye luumma caan Kwäärö Wuuö Jwøki, ena köö, Ni ka adïëri møn, aani, a ena bäät man nyeba pou ki maac, nee jenni mou put maaci thöör bëët, ni beege jenni mou moa thec bëët ki moa no otal. 'Ba maac manøgø obëëdö ni ba løny ki bïp, ni ö jammi bëët moa en yi ŋöömö mar jï løø tier-piny këël jï løø wï-piny ni putge waaŋ ki maac.

Odheea 10:14

Kiper manøgønø, okiera mar leny tägö dëët jø pou, ni ö kwör leny mou moa teek ni raanynyi, kaawat mana ö Calmen na raany Bëëth-Arbel ri leny, kanya ö mëëe na nyadhi na aciel ko obwöre moge.

Odheea 10:6

Gïnögø ki dëëre jø Aciria aay ki gø ni käärge käärö na muuy jï nyenyge na dwøŋ. Ni ö jø tuuŋ Ipariem, ni beege jø Icriel, ni putge nipäät, ni put wïthge lääö ki køør kït gïnögø ni wø lamge.

Odheea 13:16

Jø Cameria ajäla marge døøa wïthge, kiper gena gëëmö ki aani, a na Jwøk marge. Geni, ge di nääö ko opëëllö. Obwöre moge moa therø di gøyø ki røk kïte ni petge, ni ö määrge moa näk yïthge da jiy ni riet yïthge.»

Odheea 4:16

Jø Icriel wïnni kaamar nyirøøa mo wïnni. ?Aŋø, ennø, løny jï Wuuö Jwøk ki man kïth geni kar kwaath kaamar nyidiel mo ena yi pwöl kwaath mo yie laac?

Odheea 4:17

Ipariem dëëre anø cïbe ki man lam kït gïï wø lam; Wiiu eni kare!

Ciik Kiper Dïlämme 26:25

Aani thuwø a känna bäätu ki leny naa jääla uuni kiper mana raanynyu luumma tuuda ki uuni, ni kanyo bëëdu ni dëëtu you cooŋ yïth päänye mou, täw mo leth jääŋŋa jääŋŋö dïïu ni päthu ceŋ nyïïmän mou.

Ciik Kiper Dïlämme 26:31

Päänye mou oraanynya na bäre ni nigeruuth, ni raanynya kwör lam mou, ni tïm muuce mou mo wø waaŋ ni wø ŋwääi ni met ni ba ŋwääi jïra këët.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Amøc 6:8

Wuuö Jwøk, eni na wïth jammi bëët, akööŋ dëëre keere ni kööe, na «A män ka atöör mar jic Jeekap, ni yia raac ki uudi moge na teek; kiper manøgø nø, pääny marge ki gïïa en yie bëët ocïba ceŋ nyïïmän moge.»

Mikiya 5:11

Aani thuwø, päänye moa en yi ŋöömö maru raanynya raanynyø, ni ö kwör gwøk røki mou moa teek ni nyaa ge piny.

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Tiet Ciik 28:52

Ni rumge päänye mou bëët dïër, këël mano ö kiiri moa bäyö na näk ogeerø ni teek ni wø ŋääthu ni nyaage ge piny dï pou bäre, ni putge uuni rum dïër yïth päänye mou bëët, yi ŋöömma cïp Wuuö Jwøki na näk Jwøu jïïu.

Tiet Ciik 32:25

Thøø otïmö ni dagø dï paac ki køør leny, ni tïm lwärri ni dagø yïth uudi; ni täk gïïögø dëët wøpe moa näk cwøw ki moa näk mään, ko obwöre moa therø, këël jäle moa näk wïthge da lwaar.