Odheea 11:1 - Wëël Jwøk

¹ «Aani, kanya poot jø Icrielli na wï jur mo thiinh, a mëër ki geni, ni cwöla geni wøk ki Ijep ni caala wääda.

Odheea 11:1 Iomraidhean Croise

Dut Pwøc 129:1

Bwøth Wøk 19:4

ni ‹Uuni ki dëëtu kiree gïna tïïa dëët jø Ijep ajootu ki nyeŋŋu, na käla uuni wøk ki Ijep, ni gwøa uuni kaa man wø ö odhuuthi wø käär nyaare ki bwöpe, ni käla uuni baŋa.

Bwøth Wøk 4:22

Køøre ïïno köö jï Peerø, ni gïna caan Wuuö Jwøki beeye en, ena köö, ni ‹Jø Icriel bëët neeta kaamar wäädö man wø näk kaa, ni beeye kanynya.

Bwøth Wøk 4:23

Acaana jïrï, ni «Wec kanynya nee aae, kiper naa tïnynye»; 'ba ïïna kweer ki man aae. Ennø, wäätu moa näk kaai bëët nääa nääø.› »

Aydheea 43:4

Kiper mana näk mo perï leth jïra, ni ïïno wøørø, naa mëër ki ïïni, jiy møøk laa karï, naa coola wïth juurre kar jwïëy moï.

Jeremaya 12:7

Ni cäŋ Wuuö Jwøki köö jïra, ni «Aani jiy 'moa awiia, ni kwiera geni, ge na näk thööga. Geni na mëëra ki geni ki cwïnya bäre, gena cïba ceŋ nyïïmän moge.

Jeremaya 2:2

ni «Ciï ni køpï luummi ni wïnyö jï jø Jerucalem, ni kööï ni luumma caan Wuuö Jwøki beeye en, ena köö, «ni ‹Ï na Icriel ï poot lääŋŋa lääŋŋö ki mana cïpï cwïnyï jïra niï poot thiinh, ki mëër mana mëërï ki aani kaamar dhaagø thiinh, ki mana caathï køøra dï paap bäre, yi ŋöömma näk kär puurö.

Edhikiel 16:22

Ki yïth japa reyø na tïïyï bëët ki mana bëëdï niï gatha dëërï ki käp marï, wïïï kärï parø ki nïr thïnhö marï, kanya bëëdï niï bëëdö ka dëërï ni bäŋ abïï, niï ŋïëla yi rem nyööt marï.

Edhikiel 16:6

« ‹Køøre aana cur buutï ni jooda ïïni niï ŋïëlö yi rem nyööt marï. 'Ba kanya bëëdï niï ena yi rem nyööt marï, aana köö jïrï, ni «Kwøwï!» Aana köö jïrï, ni «Kwøwï!», kanya bëëdï niï ena yi rem nyööt marï.

Odheea 10:15

Wui, ï na Bëthël, teeŋ gïnögø tägö dëërï, kiper raay moï atïmö ni thööth døc. Kanyo tïme na kur øw mar dïcäŋeca, nyeya mar Icriel wïïe puta dïdö na bäre bäre.

Odheea 12:13

'Ba jiy moa öö ki ree, ni beege jø Icriel, gena käl Wuuö Jwøki wøk ki Ijep ki ri nyikuŋ Jwøk. Gena gwøk Wuuö Jwøki ki ri nyikuŋ Jwøk.

Odheea 12:9

Wuuö Jwøk aköö, ni «Aana Wuuö Jwøk, Jwøk maru, na käl uuni wøk ki Ijep; u tïïa tïïö nou cäŋu bëëtö yïth oduŋkaare, kaawat mana wara wøørru ajwöm mou.

Odheea 13:4

«'Ba bee aani na Wuuö Jwøk, na bëëdö na Jwøk maru, ki mana täge ki mana enu yi ŋööm Ijep. 'Ba uuni, u doo bëëdö ni bäŋ Jwøk mør mo ŋäyu këët, ni näk mo paa aani keera, kiper bäŋ pïëmi mør këët, 'ba bee aani keera.

Odheea 2:15

Kanyøgønø pwöth omøki moe odwøga jïre kaace, ni tïïa goor Akör na dhi øtø mar ŋäädhe. Eno wär ki duut ni caala mana bëëde ni ena nyakøø, ki kanya ö eni na ö wøk ki yi ŋööm Ijep.

Milkiya 1:2

Wuuö Jwøk aköö, ni «Aana bëëdö naa mëër ki uuni.» 'Ba uuna köö, ni «?Mëër marï iï nyoodhø jïwa nidïï?» Ni kö Wuuö Jwøki, na «?Aŋø, Icøø paa cöök Jeekapi? 'Ba aana bëëdö naa mëër ki Jeekap,

Mathiew 2:15

'Ba ena put bëëtö kunöce këël mana thøw Eerati. 'Ba manøgøøni tägi kaper nee luumma caan Wuue ki dhi nyikuŋ Jwøk thur kare, na køp, ni «Wääda cwöla wøk ki Ijep.»

Tiet Ciik 33:3

Ka adïëri møn, Wuuö Jwøk mëër ki jiy; nyïïatwieli moe bëët na en kur keerge bëëdö ni ena cere. Dëëtge ege cooŋ buute, ni ge wïnynya pwöc moe.

Tiet Ciik 7:7

«'Ba Wuuö Jwøk tier mëër mana mëëre ki uuni na jier uuni paa kiper mana thööth kwäännu ki kwään jiy møga, kiper nøka kwäännu røk wïth juurre bëët.