Odheea 10:8 - Wëël Jwøk

⁸ Kwör lam moa en bäät thuuri mo Awën, na näk bee kwör wø tïï jø Icrielli yïthge ki raay, di raanynyø. Koodhi ko otwel tuy yïthge ni uumge gïï wø cïp olämme moge bäätge. Køøre nø, ge köö jï kïte, ni «Rïëpu wa!» Ni köge jï thuuri, ni «Buŋŋu wa!»

Odheea 10:8 Iomraidhean Croise

Wïlöölö 3:8

Kanyøgø tiet Wuuö Jwøk awïnyge ni cäädhö ya ajïniina kany wø kwöc cäŋŋi. Køøre dhaanhø ki cïïe dëëtge akange dï jenni moa en ya ajïniina kiper mana nut Wuuö Jwøki.

1 Nyeye 13:2

Køøre ena köök bäät gïn wø cïp olämme bääte ni caana dwør Wuuö Jwøk, ni kööe, «Wui, ï na gïn wø cïp olämme bääte! Wuuö Jwøk aköö, ni ‹Ka adïëri møn, nyilaal ma dïcwøø olwaarø ki gø dhi øt Deebit, ni cak nyeŋŋe ni Jöcaya. 'Ba eni dïlämme mo kwör lam moa en bäät thuuri, ni wø cïpi ko olämme bäätï, oŋare bäätï, ni ö cuu mo jiy ni waaŋi bäätï.› »

1 Nyeye 13:34

'Ba gïnögø aput tïmö na raay jï dhi øt Jeröbäm, këël mana put tïmö ni beeye pädhö mare, ni dït wïthge bäät piny.

1 Nyeye 14:16

'Ba Wuuö Jwøk jø Icriel kwiere kwierø kiper gïïa reyø na tïïc Jeröbämmi na wëëk jø Icriel tïïc ki raay.»

2 Nyeye 23:15

Këël gïn wø cïp olämme bääte mana en Bëthël, ki kar lam mana en bäät thuur na no otïïc Jeröbämmi o Nebat, na wëëk jø Icriel tïïc ki raay, atoor piny. Ni waaŋ kar lam ni guur gø na tør, ni waaŋ Acara thuwø.

2 Luup Nyeye 31:1

'Ba kanya thum wøør ajwöma bäre, jø Icriel bëët moa nut kaagø gena ci wøk yïth päänye mo Juuda, ni tøcge kïte moa no ocwöth piny na gïï lam, ni ŋøtge jenni piny moa no ocaa ri jwø wø cwøl na Acara, ni raanyge kwör lam moa en bäät thuuri mo wø lam juuga reyø yïthge, ki gïï wø cïp olämme moge bäätge. Gïïögø tïïcge yïth mïëc jø tuuŋ Juuda bëët ki jø tuuŋ Benjamen, ki yïth mïëc jø tuuŋ Ipariem ki jø tuuŋ Maneeca, këël mana thöörge japøgø bëët ki raanynyø. Køøre ge na jø Icriel bëët, gena duu yïth päänye moge, ni ö ŋati man nø ni døø yïth ŋøøpe.

Aydheea 2:19

'Ba jiy oreŋ kwöra ŋammø yïth kïte ki kwöra ŋammø yïth ŋøøm, ni ge lwäära wëër mar Wuuö Jwøk ka ajiem mare na dwøŋ, kanyo ö maal noo jäŋ piny.

Aydheea 2:21

Geno reŋ kwöra ŋammø yïth kïte ki kwöra no okaaŋŋø yïth kïte, ni ge lwäära wëër mar Wuuö Jwøk ka ajiem mare na dwøŋ, kanyo ö maal noo jäŋ piny.

Aydheea 32:13

ki ŋööm jiya na näk yie otuy ko otwel ki koodhi. Kare møn, kïmmu kiper mïëri moa näk bëëdö ni yïthge da met ec, ki päänya näk yie päŋ ki met ec.

Aydheea 34:13

'Ba koodhi otuy yïth uut koor moge moa no ogeerø ni ena maal, ni ö otwelli ko odhäŋŋe ni tucge yïth päänye moge moa no ogeerø ni teek; ni put tïmö na kar bëëtö jï othööe, na kany noor tule yie.

Odheea 10:2

Cwïnyge bëëdö ni tïïya cwøk. 'Ba ennø, gïno duu raay moge jootge joodø. Wuuö Jwøk, gïï wø cïp olämme moge bäätge tøye tøyø, ni raany kïte moge moa näk ege cwöth piny na gïï lam.

Odheea 10:5

Jø Cameria lwäyö kiper gïno tägi dëër gïna no otïïö na nyirøøa mar Bëëth-Awëën. Ka adïëri møn, jiye kïmmö kipere, ni ö dïlämme mo kït gïï wø lam ni gööge ko oduuru bääte kiper mano lwør ajiem mare baŋge noo kïthi paac mør.

Odheea 10:9

Wuuö Jwøk aköö, ni «Jø Icriel, ki mana täge yi Giba, ge bëëdö ni ge temma raay, ni putge cääth nyïmge ki tïïc manøgø. ?Aŋø, bäŋ leny mo okëëlö ki jøøa tem raay yi Giba na bëëde?

Odheea 2:6

'Ba kiper manøgønø, øt jööre cïëga cïëgö ki koodhi; ni geera deŋŋe ki kiir nee øt jööre ba joode këët.

Odheea 4:13

Geni, olämme moge wø cïpge cïbö wïth kïte, ni waaŋge olämme moge mo wø waaŋ bäre bäät thuuri ki tiet jenni moa no onigïït piny, kiper yïthge met ki tïïp moge. Kiper manøgønø, nyïïu ge bëëdö ki bëët käp, ni ö määr nyïïu ni bëëtge ni ge tïïya tïï luk.

Odheea 4:15

«Wui, ï na Icriel, këël na bëëdï niï tïïya tïï käp, Juuda kär näk cäŋa bääyö. Ni ba cou Gëlgela, wala maru ci maal Bëëth-Awëën, nou kööŋ, ni ‹Ŋëët Jwøa kwøw!›

Odheea 5:8

«Koothu tuuŋ bäät jø Giba, ni koothu tuuŋ bäät jø Reema! Köögu nee wïny jø Bëëth-Awëën! Wui, jø tuuŋ Benjamen, tïŋŋu leny!

Odheea 8:5

Wui, jø Cameria, kït gïn wø lam na näk otieŋø na nyirøøa yaa kwierø. Wëër mara liel bäät jiy kaamar maac. ?Aŋø, a këël yi wäne nø noo bëët jiyi ni dëëtge ba tïïcge ni waany?

Odheea 9:6

Uuni, u këël doo päär wøk nou ŋwieya ränynyö, u mak jø Ijepi maa ni gwaarge uuni, ni ö jø Mempici ni putge uuni 'näk ni koonyge uuni. Japa perge leth moa näk tïïc ka gwel-bïrö, bäätge tuy ko oŋöön; ni ö yïth oduŋkaare mou ni tucge ki koodhi.

Amøc 1:5

Dïdëët mana en dhi kiir Damacka otoora, ni raanynya jøøa bëëdö yi goor Awën, ki ŋata en teek paaci cere na en Bëëth-Ëden. Ni ö jø Aram ni maai ni kïth geni paana cwøl ni Kir.» Gïnögø caana Wuuö Jwøki.

Amøc 3:14

Kiper dïcäŋo ööa ni jääla jø Icriel kiper gïïa bacge, gïï wø waaŋ olämme bäätge moa en Bëthël oraanynya, ni ö tuk gïï wø waaŋ olämme bäätge ni ŋøri ni päthge piny yïth ŋøøm.

Amøc 7:9

Kwör lam mo nyïïkwaac Aydhak na en bäät thuuri oränynyi, ni ö uut lammi mo jø Icriel ni nyaai piny, ni öa maal ni raanynya dhi øt nyeya ma Jeröbäm ki leny.»

Amøc 8:14

Jø wø kööŋ dëët juu mo Cameria, ni wø köö, ni ‹Ŋëët Jwøa en Daan,› wala ‹Ŋëët Jwøa en Bëërcïïba,› jøøgø pädhö ni ge ba duu maal këët.»

Mikiya 1:13

U ni wø bëëdö Lakic, twöu jïëth leny dëët okwëënyi ni reŋu! U na jø Lakic, bee u na täk raay dïkwøŋ jï jø Dhayan kiper gïïa bac jø Icrielli ajoot baŋu.

Mikiya 1:5

Gïïögø bëët tägö kiper bääyö mar nyïïkwaac Jeekap, ni täkge kiper raay moa tïïcge, ge na jø Icriel. ?Aŋø, bääyö mar nyïïkwaac Jeekap ba täga Cameria? ?A kwör lam moa en bäät thuuri po jø Juuda, ba täga Jerucalem?

Neeyam 3:11

Ï na Nineba thuwø, ï tïmö kaamar ŋat mo omeer ki køøŋø. Kar gwøk røk marï omanynyï niï kana riï ki nyïïmän moï.

Luk 23:30

'Ba kanyøca geno köö jï kïte, ni ‹Ööu, päthu bäätwa.› Ni luumge thuuri, ni ‹Ööu, rïëpu wa.›

Tiet Ciik 9:21

Køøre gïna raac na näk caala nyirøøa, na tïïyu kiper nee lammu, alwøra ni waaŋa gø ki maac, ni tøøa gø, ni puta gø guur na ŋiidhi këël mana tïme na tør, ni leeŋa tør mare yi naam mana löönynyö ki bäät kïdi.

Mana Nyooth 6:16

ni ge cøøra kïte ko ogeeme, ni «Päthu bäätwa ni kannu waani ki waŋ ŋat en bäät wälu, ki wëëc Nyidiel.

Mana Nyooth 9:6

'Ba yïth nïrögø jiy thøø omanyge ni ba jootge gø. Ni parge thøø, 'ba thøø oreŋi buutge.