Odheea 10:2 - Wëël Jwøk

² Cwïnyge bëëdö ni tïïya cwøk. 'Ba ennø, gïno duu raay moge jootge joodø. Wuuö Jwøk, gïï wø cïp olämme moge bäätge tøye tøyø, ni raany kïte moge moa näk ege cwöth piny na gïï lam.

Odheea 10:2 Iomraidhean Croise

1 Nyeye 18:21

Køøre Ilaaja aö baŋ jiy ni kööe, na «?A këël kany mo nyïëdi noo bëëdu nou wïdö yïthakic acaare ariiø? Ni näk Wuuö Jwøk beeye Jwøka eni, caathu køøre; 'ba ni näk Baal beeye Jwøka eni, putu køøre caath.» 'Ba bäŋ dhaanhø mo odwögö jïgø ki luubö.

Bwøth Wøk 23:24

Kär juu mo jøøgø lammu, wala u tïnynya geni, wala u ŋwaala tïïe mo jøøgø. Juu moge dou raanynyø na bäre, ni tøgu gïï wø lamge na näk ege cwöth piny.

Pwöc Leec Wïc 11:18

Ŋata raac jammi mo wø joode beeye jammi mo kiera wïïe, 'ba ŋat wø piith gïïa beyø wø joota gïna näk kare.

Aydheea 44:18

'Ba geni bäŋ gïn mo ŋäcge ni tier gø ba kwanyge, kiper nyeŋge omiiø nee ba nëënge, ni cwïnyge otïïö ni teek kiper nee tiere ba ci cwïnyge.

Jeremaya 43:13

Eni thuwø kïte moa näk ocwää maal na bäyö Ijep, na en kany wø wøørge cäŋ yie, tøøe piny, ni waaŋ uut juu mo jø Ijep.› »

Edhikiel 14:5

Gïnögø tïïa tïïö naa duua cwïny jø Icriel baŋa, ni beege jø Icriel na wec aani kiper kït gïï wø lamge.›

Odheea 12:11

'Ba pääny Gelät yie da raay; ka adïëri møn, jiy moe atïmö ni bäŋ karge. Ki yi Gëlgela dhäk moa näk rwädhe di cïbö no olämme. 'Ba gïï wø cïp olämme moge bäätge otïmö kaamar kïte mo ocooŋ yi pwödhö.

Odheea 13:16

Jø Cameria ajäla marge døøa wïthge, kiper gena gëëmö ki aani, a na Jwøk marge. Geni, ge di nääö ko opëëllö. Obwöre moge moa therø di gøyø ki røk kïte ni petge, ni ö määrge moa näk yïthge da jiy ni riet yïthge.»

Odheea 3:4

Kiper jø Icriel geno bëëdö ki kany mo bäär ni bäŋ nyeya ki kwäärö, wala olämme, wala kïte moa no ocwöth piny na gïï lam, wala ëëput mana näk gïr lam, wala juu møøk mo di lamø.

Odheea 7:8

«Jø tuuŋ Ipariem dëëtge ajääpge ki wïth juurre, ni putge tïmö kaamar møø mo deel ka løøk aciel ni kär løø.

Ciik Kiper Dïlämme 26:30

Aani kwör lam mou moa en bäät thuuri raanynya raanynyø, ni ö gïïö ni wø duuŋ gïn wø jïye ŋwääi ni met bäätge ni tøya geni, ni ö dëët jiy moa no othøw ni lööra ge bäät gïïa näk you tieŋø ni wø lammu moa no otøyø, kiper aano nø männö ki uuni.

Mikiya 5:13

Aani, gïïa näk you tieŋø na gïï lam raanynya raanynyø, ni raanynya kïte moa näk you cwöth piny na gïï lam, kiper nee cøŋŋu ba këëllu piny këët nyïm gïïa tïïyu ki ceŋŋu.

Jepaniya 1:5

Ni beege jø wø këël cøŋge piny bäät uudi, ni wø løø wïthge maal kuna lamge cäŋ ki dwääy ki ceer, ni wø këël cøŋge piny ni kööŋge ri Wuuö Jwøk, ni ge cäŋa kööŋ ri jwø wø cwøl ni Milköm;

Dhekaraya 13:2

Wuuö Jwøk, eni na wïth jammi bëët, aköö, ni «Dïcäŋöca, juu moa näk patha adïëri raanynya raanynyø yi ŋöömö ni tïme ni wïc ba par ki nyeŋge këët. Ge raanynya raanynyø ge bëët ki nyïïkuk Jwøk moa näk patha adïëri ki jwïëc juuga reyø na näk ba waany.

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Luk 16:13

Bäŋ ŋat tïïc mo doo tïny kwääri ariiø. Kiper eni løny ki man männe ka aciel ni mëëre ki maya, wala cwïnye wëëge aciel ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.»

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

1 Jøøn 2:15

Käru mëër ki piny wala japi ni en yi pinyi en. Ni näk da ŋat mo mëër ki piny, mëër man wø mëërö ki Wuuö ba en cwïnye.

1 Camiel 5:4

'Ba kanya tïme na amöölla maya cøøn na pänyge maal, ka adïëri møn, jwøge ma Dagön acäŋge jootø no opädhö ki bäp yie nyïm acanduk mar Wuuö Jwøk. 'Ba wï Dagön ki ceŋŋe oŋørø ni päthge piny bäät thudhi mar dhi øtø; ni beeye dëëre na dööŋ keere.